jueves, 31 de octubre de 2013

“LA SEMIENTE” DIRÁ AL PLENU DE SAMARTÍN ESIXENDO LA PRESENTACIÓN DE PRESUPUESTOS

Esti xueves 31, a les 6 de la tarde, el colectivu “La Semiente” va dir al plenu del Conceyu de Samartín del Rei Aurelio pa esixir a la Xunta de Gobiernu la presentación d'un Presupuestu Municipal pal añu 2014.

La Llei establez la obligación d'aprobar el Presupuestu Municipal el 31 d'Avientu de cada Exerciciu, de tal manera que l'unu de Xineru de cada añu debería d'entrar a valir. De nun axuntar los bastantes apoyos plenarios, esto ye, si nun resulta aprobáu, entós prorrógase'l del Exerciciu anterior. Sin embargu, a la corporación municipal de Samartín nun paez importa-y demasiáu lo que diz la llei, y asina esti conceyu lleva dellos años, funcionando (por dicir daqué) con una prórroga de los presupuestos de 2011, ensin que quienes gobiernen en Samartín nin siquiera s’hayan dignao presentar borrador de presupuestu dalgunu, no que constitúi unu de los casos más flagrantes conocíos d'ineptitú política y opacidá antidemocrática, produciendo a la vez un encorsetamientu de la xestión municipal que, de xuru, va producir ineficacia, col consiguiente dañu a los intereses de la ciudadanía.

Por tou ello, “La Semiente” ante l'acumulación d'esti retrasu escandalosu esixe la presentación inmediata del presupuestu correspondiente al exerciciu 2014.
Entendemos que nun sistema democráticu nun tien cabida esta situación, porque'l Presupuestu nun ye na más un documentu nel que quienes gobiernen detallen los ingresos que piensen llograse y los gastos a realizar y la so repartida, ye, amás, l’istrumentu de control más importante del que disponen los Grupos de la oposición y la ciudadanía nel so conxuntu pa controlar y torgar que quienes exercen el poder faigan de la so capa un sayu.
Tampoco podemos entender l'actitú de los grupos de la oposición que nun se remonten ante lo que ta pasando, nin usen les ferramientes que la llei pon al so algame pa obligar a la Xunta de Gobiernu Municipal a cumplir col so deber, y llamentamos que la ciudadanía de Samartín, y asociaciones como “La Semiente” tengan que tar de siguío protestando y denunciando la ineptitú y la desidia de tola Corporación municipal.

martes, 29 de octubre de 2013

Miercoles 30 d'Ochobre - Documental "Style Wars"

Queremos entamar pidiendo disculpes, pues la programación d'esti mes en cuantu a los Miercoles de cine nun se cumplió. Esto, debiose a que nun contemos cola cellebración del festival de cortometraxes Aula 18 que s'entama nel conceyu, y colque, n'asamblea posterior a sacar el cartelu decidimos nun coincidir. Aún así anunciamos agora desde aquí que los documentales y pelicules programaos y que nun fueron puestos, van proyectase n'otros meses.

Esti Miercoles 30, queremos acabar el mes con un documental que taba nel cartelu y que ye un tesoru, trata sobre el grafitti, y ye del añu 1983. Por si esto nun vos llama l'atención, dicibos que fue premiau como meyor documental nel Festival de Sundance del 84, y el so titulu ye "Style Wars"

"Documental que profundiza en los cuatro elementos del Hip Hop, en la ciudad que lo vio nacer, Nueva York. El breakdance, el djing, el mcing y el graffiti son los componentes de esta cultura urbana, centrándose en el graffiti este documental. Las amistades y enemistades que surgen entre los graffiteros, su visión del movimiento, la opinión de sus familias, y de los afectados por sus actos, desde los responsables del transporte metropolitano de la ciudad hasta de los propios usuarios, en una época, en la que los vagones del metro eran la superficie favorita de los escritores de graffiti."





lunes, 28 de octubre de 2013

Yá ta equí la “Axenda Mazucu: Axenda común de colectivos y centros sociales d´Asturies”

Yá ta equí la “Axenda Mazucu: Axenda común de colectivos y centros sociales d´Asturies”
-¿Por qué surde esti proyectu?
Por cuenta de la gran cantidá d'actividaes que se realicen últimamente n'Asturies, dende diversos colectivos coincidimos na conveniencia de crear un puntu común dende'l qu'espublizar tolos eventos qu'entamamos.
-¿Por qué esti nome?
N'alcordanza y homenaxe de tods ls combatientes qu'en septiembre de 1937 llucharon de manera exemplar pa detener la meyora fascista na batalla de la sierra del Cuera, tamién conocida popularmente como la batalla del Mazucu, ya que dalgunos de los combates más encarnizados tuvieron llugar nes cercaníes de dichu pueblo.
-¿Cómo funciona?
La Axenda Mazucu funciona con una ferramienta de software llibre creada en 2007 pol colectivu francés Demosphere, en que'l so servidor ta agospiada la nuesa axenda.
Demosphere surde en París pa la creación d'axendes alternatives locales y dende entós arrobinóse por distintes rexones d'Europa, cuntando na actualidá con más d'una ventena d'axendes distribuyíes per Francia, Bélxica, Grecia y España.
Per otra parte el dominiu http://axendamazucu.org/ ta rexistráu en nodo50
La xestión de la Axenda Mazucu cuerre al cargu de los distintos colectivos que participen nesti proyectu, que son los responsables d'espublizar les actividaes que realicen.
-¿Qué tipu d'actividaes espublícense?
Toles entamaes polos colectivu participantes, dende asamblees internes hasta actividaes de calter lúdicu, formativu, cultural, artísticu o políticu, siempres y cuando estes realícense de forma desinteresada, esto ye, ensin ánimu d'arriquecimientu.
-¿Qué colectivos participen nesti proyectu?
A día de güei, los siguientes:
Ateneu Llibertariu d´Uviéu, Biblioteca Subversiva Crimental , CSOA La Madreña, Fundación Andreu Nín d´Asturies , Grupu de Mediu Ambiente, Urbanismu y Barrios 15M Uviéu, La Manzorga , La Semiente, Local Cambalache, Llar Solidariu , Centru Social Sestaferia, Uviéu Antifa .
-¿Cómo participar na Axenda Mazucu?
Si formes parte d'un colectivu, y  los criterios de publicación s'axusten a lo qu'hai, y queréis espublizar los vuesos eventos nesta axenda común, podéis ponevos en contactu con nós escribiéndonos a contactoaxendamazucu.org, va creásevos un usuariu y va enseñásevos el senciellu manexu d'esta ferramienta.
Tamién pués escribinos si tienes dalguna dulda, crítica, suxerencia etc. Amás, estímase tou espardimientu que d'esti proyectu quieras faer.

ya sabeis, pa tar al tantu de les nuestres actividáes y de munchos otros colectivos.....
http://axendamazucu.org/

jueves, 24 de octubre de 2013

Apoyu a la llucha pola Educación pública y escontra los Premios Principe

Esta semana vien cargadina, así que dende La Semiente queremos animabos a toos a salir de casa y de los chigres, pa reclamar nes calles un futuru meyor y menos esperpentos.

Güei Xueves, ta convocá una Fuelga Xeneral Educativa, la cuál respetamos y apoyamos, porque viendo la deriva que dende unos cuantos años vien tomando l'Estau Español y la Unión Europea en materia educativa, el camín que se ta siguiendo ye el de la privatización d'esti drechu fundamental. Quieren que seamos borregos, que los neños y neñes nun piensen por si mismos, quieren faer distinciones entre escueles, ente escolinos/es y además, quieren que se enriquezcan (a costa entre otres coses de los nueos impuestos), los mismos de siempre.
Por too esto y mucho más, y porque creemos en que otra educación ye posible y necesaria, animavosbos a que güei naide vaya a clase (ni alumnos, ni profesores ni otru tipu de personal) y tamién a acudir a la manifestación convocá pa les 18:00 de la tarde, y que saldrá de la Estación de Renfe n'Uvieu.


Por otru llau, mañana Vienres 25 d'Uvieu ye la entrega de los "Premios Principe de Asturias", y aunque nun vayamos a emperifollanos y de xuru que munchos y munches van sin pamela, vamos ver un añu más esti circu esperpénticu que la clase pudiente (más que pudiente, diría yo) organiza n'Asturies.

Paezme que tola xente conoz les razones poles que nun tamos d'alcuerdu con estos premios, gastar perres públiques pal disfrute unicamente de les élites o porque na fundación que-y da nome a los premios hai persones que se dediquen a robar, echar a families de les sus cases o traficar con armes. Por si acasu dalguien tovia nun lo tien claro, dexamosvos un videu esplicativu.

https://www.youtube.com/watch?v=PCi8nX5h4yA

La concentración será como ya diximos, mañana a les 17:00 de la tarde na uvieina Plaza La Escandalera, y el Centru Social La Semiente va tar ehí, xunto a otres persones y colectivos de la Asturies real pa lluchar escontra l'Asturies del Esperpentu.

NUN LLORES, LLUCHA!

miércoles, 23 de octubre de 2013

“Estudios científicos sobre'l mal”. Charra, xueves 24 a les 20:00h



Esti xueves dia 24 a les 20:00h dempués de la manifestación pola enseñanza pública, el Centru Social Autoxestionáu La Semiente va acoyer una charra que lleva por títulu “Estudios científicos sobre'l mal”. La ponente va ser Rosario Hernandez Catalán.
"Qué nos convierte en males persones. Estudios científicos sobre'l mal" Esti ye'l guión de la charra

0. Antecedentes artísticos y filosóficos. L'artista performance Maria Abramovic y la so pieza Ritmu 0, (1974). De suxetu a oxetu y d'oxetu a víctima pa volver ser suxetu qu'axoriza a elitistes neoyorkinos. La filósofa Hanna Arendt y El Procesu a Eichmann. La lloria del mal", la so senciella apaición.

1. El celebru del psicópata según el neuropsiquiatra David Hare. La incapacidá de ponese nel llugar de la otra persona. ¿Estasis de maldá ensin encetar entá pola neuroloxía?
2. L'esperimentu Milgram na Universida de Yale y l'esperimentu Zhimbardo na Universidá de Stanford.
3. Estratexes pa convertir a una persona normal nuna bisarma: el llamáu efectu Lucifer. Sistematizando les estratexes de les instituciones perverses.
4. Alderique. Cómo se fabricaría la bondá o l'heroísmu, lo que podríamos llamar l'efectu Deva.

Sobre la ponente, Rosario Hernadez Catalán:
Llic. en Filoloxía Española, DEA del doctoráu d'Estudios de la Muyer de la Universidá d'Uviéu con trabayu d'investigación sobre traxedia griega. DEA Doctoráu Cervantes y Europa con "El Quijote y las izquierdas".
Dio clases na facultá de Filoloxía de Teatru contemporaneu, Teoría Lliteraria y Lliteratura y Derechu.
Ceadora y monitora del taller de ciencia divulgativa con perspectiva de género Ciencia y ciudadanas.
Monitora de Cine y Animación a la Llectura nel programa "Tiempu Propiu" del Institutu Asturianu de la Muyer.
Ceadora y monitora del taller de plantes melecinales con perspectiva de xéneru De Hildegarda a María Sabina.
Diverses publicaciones científiques y lliteraries.
Recién publicación de llibru " Pero este trabajo yo para qué lo hago. Estudio sociológico sobre los malestares ocultos de algunas precarias conscientes".
Ponencies y conferencies en delles universidaes.
Premiu de teatro Asturias Joven 2009 con Chernobil, paraíso natural. Divulgadora científica en diversos medios.
Foi Vicepresidenta de la Asociación Mujeres Jóvenes de Asturias y na actualidá ye socia de la AFA (Asociación Feminista d'Asturies) Sobremanera: feminista qu'intenta ser ecofeminista.

martes, 22 de octubre de 2013

Luis Redondo. Una vida na LLUCHA


Dende'l C.S.A. La Semiente queremos collaborar a esparder la memoria y l'espiritu de llucha y compromisu de clase de Luis Redondo.
El nuestru pésame pa la familia y pa los/es compañeros/es de llucha durante estos años y concretamente a la C.S.I..




Reproducimos equí una pequeña reseña biográfica que les compañeres del sindicatu qu'él mesmu fundó, la Corriente Sindical d'Izquierda d'Asturies, asoleyó sobre la so persona:

Güei, martes 22 d’ochobre, finó nel Hospital de Cagüeñes Luis Redondo Alvarez “Redondo”, primer Secretariu Xeneral de la Corriente Sindical d’Izquierda.

Dende la primer hora la terdi, allugaráse la capilla ardiente na Casa Sindical de Xixón, asitiada na cai Sanz Crespo 3. Posteriormente, a les 20:00 h., realizaráse un actu d’homenxe y despedía, cola intervención del Secretariu Xeneral de la CSI d’anguañu, Samuel Fernández. A la fin, entamaráse una caravana coches p’acompañar a Luis Redondo hasta’l tanatoriu.

Luis Redondo nació en Turón (Mieres) un mes d'avientu nuna familia humilde, obrera y comunista, que tuvo que treslladase a Xixón cuando él inda yera un neñu, asitiándose n'El Natahoyo, barriu marcáu pola industrialización, la esperiencia fabril y naval, la vida en comunidá y la llucha.

Redondo definíase como marxista-leninista, comunista, atéu y estudiosu de les relixones. Foi autodidacta, llector de los filósofos griegos y de Freud, aficionáu al boxéu (deporte que practicó), a la música clásica y siguidor de los profesores Emilio Alarcos y Gustavo Bueno. Estudió colos Hermanos de La Salle, colos qu'alquirió conocencies y un gran interés cultural, hasta que tuvo que ponese a trabayar a los 13-14 años. Primero foi pinche nuna tienda, dempués trabayó na construcción hasta que llegó a la metalurxa, entrando d'aprendiz na fábrica onde trabayaba'l so pá, Talleres de Moreda. Ellí aprendió l'oficiu soldador, categoría llaboral cola que percorrió la mayoría los centros industriales d’Asturies, casi siempres como eventual, dáu'l so compromisu políticu.

Ente llucha y llucha conoció a la so compañera Beni, cola que tuvo cuatro fíos que-yos dieron unos nietos a los qu'últimamente se dedicaba con chulería y arguyu de güelu.

El nome de Redondo ta venceyáu a les lluches, movilizaciones y fuelgues xenerales de los seutores de la naval y la metalurxa n’Asturies. Per onde él pasaba quedaba un rastru de fuelgues, comprometíu como taba colos derechos de les y los trabayadores. Trabayó en tolos estelleros de la bahía xixonesa y foi despidíu de toos ellos. Nos trés últimos trabayos foi despidíu en menos d'una hora, “nel dique Duro Felguera, despídenme al cuartu d'hora”, dicía. Esa yera, y sigue siendo, la resultancia d'engarrar polos drechos llaborales y políticos, tener que dir de trabayu en trabayu, despidu tres despidu, siendo, xunta otros compañeros, un “nómada” llaboral”, y pasando dómines d'apuros económicos, como comentaba en numberoses ocasiones. A él nunca-y llegó l'amnistía llaboral. Tamién, pa neutralizar el so trabayu políticu y la so actividá axitadora, foi deteníu en munches ocasiones. Yeren, como lo llamen agora, detenciones “preventives”. Nunca delató a naide, nin robló los interrogatorios, dicía que nun-ylo dexaba la so concencia moral. Toes estes torgues, antes d'acobardalu, diéron-y más puxu pa lluchar.

Esti compromisu que dende mozu tuvo cola llucha de los y les trabayadores fíxo-y participar viviegamente na clandestinidá nel PCE y CCOO. En 1978 foi escoyíu Secretariu Xeneral de Xixón, d'esta última organización, nel mesmu congresu nel qu'él y la mayoría de militancia de la so fastera pronunciáronse a la escontra los Pactos de la Moncloa: “Teníamos que tar a la escontra los Pactos de la Moncloa y la Constitución por responsabilidá política y social, porque yera una traición nidia a la clas obrera”. Ende entamó'l procesu que lu llevaría a ser espulsáu de CCOO y PCE en 1981. Funda entós, con otros compañeros y compañeres la Corriente Sindical d’Izquierda. Cansaos d'engarrar contra'l burocratismo, l'ordeno y mandu, l'alloñamientu y traición a les bases, les poltrones, les espulsiones, la negación del asamblearismu como forma de tomar decisiones y de lluchar, pescancien qu'hai otra forma de faer sindicalismu y trabayu políticu. Como él mesmu diz n'ún de los sos testos: “En dichu coleutivu sindical creo que ta'l núcleu más arrogante tocantes a entrega sindical, vocacional y con más sentíu revolucionariu y menos egoísmu qu'hai nes organizaciones sindicales, anque primeramente esta organización fuera llamada horda sindical, exércitu de Pancho Villa, inorgánicos, aventureros, gasolineros y terroristes. Esti núcleu foi primeramente refugáu poles instituciones n’Asturies, amás de polos axentes sociales y políticos. Influyó esti fechu n'acentuar la fisonomía propia y evitar contaminaciones pernicioses, al marxe, evidentemente, del factor más importante, que ye'l calter vocacionalmente estremáu como sentimientu mayoritariu d'esta organización; sobremanera nos mecanismos de defensa pa caltener los puestos de trabayu, el ser solidariu colos eventuales y los paraos y el calter asistencial y meticuloso de la so asesoría xurídico y sindical colos pequenos talleres, paraos y les rames más desprotexíes”.

Redondo desplicaba qu'hai dos maneres de concebir el mundu, “la que pasa por salvase ún solu o la de salvanos toos”. Dicía que'l capitalismu ficiéralo perbién, que fueron individualizándonos, faciéndonos competir ente nós, perdiendo asina “l'alma coleutiva de clas”.

“Humanismu cristianu dende l'ateísmu, compromisu solidariu y llucha contra la inxusticia social” son carauterístiques d'un home bonu, compañeru y militante enfotáu, del que munchos y munches tamos arguyosos y arguyoses.

Redondo foi Secretariu Xeneral de la Corriente 16 años, y dempués militante activu, dando al sindicatu una personalidá propia. La Casa Sindical, como diz la so familia, foi la so primer casa. Poro, la nuesa primer despidía va ser ende. Na so casa, na casa de la clas obrera, acompañáu de la so familia y de los sos compañeros y compañeres.

viernes, 18 de octubre de 2013

"Los nomes de llugar nun tienen preciu"??, ostia que si!!!.



El Centru Social Autoxestionáu La Semiente ante l'aplicación de la toponimia oficial
Cartelu del aniciu la campaña.
en Samartín del Rei Aurelio.

El Conceyu de Samartín del Rei Aurelio ta desenvolviendo una nueva campaña pa dar a conocer y promover l'usu de la toponimia oficial del conceyu. El Consistoriu editó 2.000 chapes metáliques nes qu'apaecen recoyíos un total de 52 topónimos de pueblos como Sanamiés, La Güeria, L´Acebal, La Envernal o La Potoxa, ente otros. Tamién editaron pegatines y cartelos de la campaña col eslogan "Los nomes de llugar nun tienen preciu". La campaña desenvuelvese col apoyu de la Rede de Normalización Lligüística nos Conceyos y cuenta  col sofitu de la Conseyería de Cultura, Educación y Deporte del Principáu.
Dende la Semiente consideramos esta campaña como daqué positivu na sensibilización  nel usu de La toponimia oficial del conceyu, que foi aprobada en febreru de 2008, y que recueye un total de 484 denominaciones. Daqué que contribúi a la normalización y recuperación del nome de los nuesos pueblos. Pero aun así considerar vacida d'intenciones y como un meru actu de “bona publicidá” con ciertes dosis d'hipocresía. Consideramos que'l conceyu tien la competencia abonda non solo pa promover, sinón por que se respeten los topónimos oficiales, polo que consideramos que dende'l mesmu conceyu tendría de dir más allá.
Nesi sentíu, La Semiente presentó un escritu al conceyu, por qu'amás de esta campaña de marketing y de llavadura de cara, él mesmu conceyu tamién s'aplique'l cuentu y respete el mesmu los nomes de los sos pueblos. Que tome midíes, pa que toles empreses, asociaciones, clubes deportivos, comerciantes, entidaes bancaries, etc. del conceyu usen dicha toponimia.
Asina mesmu que tomen la midíes oportunes por que toles referencies escrites sobre los pueblos del conceyu, yá sían de prensa, publicIidá, guíes de turismu, cartografía, etc. respeten dicha toponimia oficial.
Que toles publicaciones, comunicaos de prensa, documentación y demás escritos del conceyu tamién respeten y reflexen los nomes tradicionales aprobaos en 2008. Que toles instalaciones municipales tamién pasen a tener los sos rótulos col nome oficial y que tolos pueblos tamién lu vean reflexáu nes sos señales.
Que faigan amosar tamién dicha voluntá nes sos relaciones col restu d'alministraciones públiques, dende la central, a l’autonómica, al restu de conceyos. Pa que toles referencies al nuesu conceyu per parte d'éstes, respete'l nome de los nuesos pueblos.
Que ponga en marcha los mecanismos por que la señalización de tola rede de carreteres onde se faiga referencia a una de les nueses localidaes tamién la respeten.

A la fin, nun ye cierto que "Los nomes de llugar nun tienen preciu", en realidá si, tener el compromisu y la constancia. Consideramos que solo d'esta forma pue faese ver ante la sociedá que realmente apuesten por daqué qu'ellos mesmos aprobaron fai yá casi seis años y qu'hasta agora dio poques resultancies.



martes, 15 de octubre de 2013

MANIFESTACIÓN EN SOLIDARIDÁ COLA XENTE DE TENNECO (MONROE). XUEVES 17 D'OCHOBRE.

 El Centru Social La Semiente, súmase a la llucha de les trabayaores de TENNECO por defender los sos/nuestros puestos de trabayu.

Manifestación:
XUEVES 17 D'OCHOBRE. 19:00 H. PLAZA L’HUMEDAL. XIXÓN. ASTURIES (Los y les trabayadores de Tenneco-Ermua/Euskal Herria, convoquen un día de fuelga, el mesmu día 17, en solidaridá con Asturies).

CONVOCA: ASAMBLEA TRABAYADORES DE TENNECO.

CONCENTRACIÓN: SALARIU SOCIAL YA. XUEVES 17 D'OCHOBRE A LES 11:30H UVIÉU.

Compartimos equí la convocatoria fecha pol colectivu ALAMBIQUE:
Más de 6.300 solicitúes pindies, un atrasu DE 18 meses de media, presupuestu insuficiente, inutilidá de la Conseyería, falta de respuesta política de l'alministración publico...

Porque nun puede haber derechos de 2ª división: escontra'l derechu universal, individual ya incondicional a un ingresu abondu por que toes les persones tengan unos mínimos pa poder vivir con dignidá.

Pola redistribución de la riqueza: queremos xusticia social y non caridá.

¡Vivir dignamente ye un derechu!

Concentración, xueves 17 d'ochobre.
11.30h delantre de la Conseyería de Bienestar Social y Vivienda
(C/Alférez Provisional s/n, Uviéu).




Per otru lláu recordar que La xente de la Asociación escontra la esclusión Alambique celebra'l so X Aniversariu con una riestra d'actividaes bien interesantes.
http://asociacionalambique.blogspot.com.es/2013/09/actividades-10-aniversario.html

Día internacional contra la fractura hidráulica. 19 d'0chobre



Día internacional contra la fractura hidráulica
EL 19 DE OCTUBRE EL PLANETA SE PONE EN PIE CONTRA EL FRACKING

La Plataforma Asturiana Anti-Fracking participa el 19 de octubre en la segunda edición del "Global Frackdown", una iniciativa internacional para prohibir la fractura hidráulica en todo el mundo.

La resistencia internacional contra la fractura hidráulica (fracking, en inglés) no para de crecer y de cosechar victorias. La primera edición del "Global FraFrackdown", el Día internacional contra el fracking, en 2012, fue un éxito rotundo, a pesar de haberse convocado con mucha premura, consiguiendo una convocatoria masiva, con cerca de 200 actos en más de 20 países. A una semana de que tenga lugar la segunda edición de esta jornada de lucha, ya se ha igualado el número de convocatorias de 2012, y se espera que muchas más sean registradas en los próximos días (1). Activistas de todo el mundo aunarán sus voces para pedir alto y claro una prohibición de esta técnica que ya ha contaminado acuíferos, suelos y aire allí donde se ha empleado de forma masiva para extraer las últimas migajas de combustibles fósiles del planeta.

  • Coincidiendo con esta celebración, desde La Plataforma Asturiana Anti-Fracking pedimos al Consejo de Gobierno del Principado de Asturias a cumplir con la proposición no de ley, aprobada por la Junta General sobre las decisiones relativas a la extracción de recursos y de oposición a la extracción de gas por fracking, y que se dirija al Ministerio de Industria, Turismo y Comercio para que está proposición se aplique también, en el territorio de Asturies, a los permisos de competencia estatal.

  • Pedimos, así mismo, a la Junta de Gobierno del Ayuntamiento de Xixón; cuyo territorio está totalmente ocupado por el permisos de investigación de hidrocarburos “Granda”; en el único permiso vigente en estos momentos en Asturies; que presente al pleno del ayuntamiento, para su aprobación, una resolución en contra de la extracción de gas de esquisto mediante técnicas no convencionales de fractura hidráulica (fracking) y manifieste una posición activa con la declaración de Xixón como “Municipio Libre de Fracking.

Con estas peticiones, y las actividades a realizar en Xixón el día 19, La Plataforma Asturiana Anti-Fracking se suma a las actividades de Cantabria, Catalunya, País Valencia.... y lo hará con el mismo mensaje unánime que caracteriza la resistencia global: "fractura hidráulica, no, ni aquí, ni en ningún sitio". Porque el movimiento antifracking tiene claro que no cabe una regulación adecuada de la técnica. Los riesgos que conlleva son de tal magnitud que solo cabe una prohibición. Además es común la demanda de abandonar el insostenible camino de los combustibles fósiles y dedicar todo este valioso esfuerzo y dinero en acelerar el necesario y urgente cambio hacia un modelo energético que esté basando en el ahorro energético y en las fuentes renovables.

El movimiento contra la fractura hidráulica ha conseguido que la propia industria lo considere un obstáculo importante para el desarrollo de la actividad. Esta oposición social se ha venido traduciendo en moratorias, prohibiciones, aumentos de la carga regulatoria, y abandonos de los proyectos por parte de las compañías.



En concreto el movimiento de oposición ha conseguido que se aprobaran más de 300 medidas contra el fracking en distintas comunidades de los Estados Unidos incluyendo la prohibición en el estado de Vermont. Ha conseguido prohibiciones y moratorias en países como Francia (2), Bulgaria, Holanda, o Republica Checa. Ha contribuido a organizar la resistencia en Argentina, Túnez, Argelia, Marruecos, o Egipto. Ha contribuido a que se endurezcan los marcos regulatorios en lugares como Australia. Ha retrasado la actividad en países como la República de Irlanda o Sudáfrica o que la Unión Europea comience a tener en consideración los riesgos y reevalúe su normativa. Y ha convencido a 262 europarlamentarios (más de 1/3) de que voten a favor de una moratoria inmediata.

En el Estado español; además de varias provincias y cerca de 400 municipios que se han declarado ya libres de fracking; son seis comunidades autónomas las que han tomado algún tipo de medida para protegerse de la fractura hidráulica como Andalucía, Catalunya, La Rioja, Navarra, Cantabria o Asturies donde una proposición no de ley, aprobada por el Pleno de la Junta General del Principado de Asturies, insta al Consejo de Gobierno a promover una normativa responsable y coherente con el principio de precaución en las decisiones relativas a al extracción de recursos, y de oposición a la extracción de gas por fractura hidráulica.


Acto informativo en Xixón con motivo del Día internacional contra la fractura hidráulica convocado por la Plataforma Asturiana Anti-fracking con el siguiente programa de actos:

Lugar: Jardines del Náutico. Frente a La Escalerona (Xixón)

Fecha: 19 de octubre (sábado)

Hora: a partir de las 12.00 h

Programa:

Presentación
¡El Fracking! por el Grupo de Medio Ambiente del 15M de Xixón
Lectura de Manifiesto

El grupo musical Colmena presentará "Folclore Imaginario

MIERCOLES 16. CONCENTRACIÓN DE SOFITU

CONCENTRACIÓN DE SOFITU, NEL ACTU CONCILIACIÓN, SERGIO RODRÍGUEZ, DESPIDÍU DEL TALLER DE BARROS DE DURO-FELGUERA.

MIÉRCOLES 16 D’OCHOBRE. 13:00 h. UMAC DE LA FELGUERA (

C/ Florentino Cueto s/n).

¡NIN DESPIDOS NIN PIESLLES!

martes, 8 de octubre de 2013

Esti xueves día 10, Manifestación!



El Centru Social Autoxestionáu La Semiente, anima a la xente de La cuenca’l Nalón a participar na manifestación d'esti xueves día 10 en defensa del caltenimientu de los talleres de Felguera Melt de la filial Duro Felguera.
La manifestación va ser esti Xueves a les 19:00h y va salir dende Sama en dirección a La Felguera, y consideramos necesariu que la xente lluche por caltener toos y cá un de los pocos puestos de trabayu qu'entá queden nes cuenques. Nunos tiempos como los actuales dexar, que por intereses escuros mas allá de la rentabilidá de les empreses, el capital aproveche pa la deslocalización de les empreses y la precarización de los puestos de trabayu, y l'aplicación de EREs, la mayor parte de les veces con una clara complicidá de les cúpules de los sindicatos mayoritarios y de los gobiernos locales o autonómicu. Ye por ello que sofitamos cualquier acción per parte de trabayadores y paraos dedicada a defender l'empléu y a lluchar contra la precariedá.
Recordar que nun se trata namás de Felguera Melt, tenemos presente'l recién despidu de dos trabayadores de D.F miembros de la C.S.I., onde s'escuende daqué mas qu'unos simple despidos rutinarios, y tamién los planes de la empresa pa cerrar los talleres de la empresa en Barros.
Pol nuesu presente, pol nuesu futuru, defendamos cada puestu de trabayu.

Esta semana en La Semiente...

Segunda selmana d’actividaes en La Semiente, y el ritmo nun para coles proyecciones y les charres nel centru social más vivu de la cuenca’l Nalón.

El Miércoles 9 a les 20 hores, na tradicional proyección d’esti día visionaremos el documental “La doctrina del shock” de Michael Winterbottom y Mat Whitecross. Película basá nel célebre ensayu de Naomi Klein sobre l’orixen de les teoríes neolliberales de Milton Friedman, profesor de la Universidá de Chicago, y su puesta en práctica, durante cuarenta años, en países tan dispares como’l Chile de Pinochet, la Rusia de Yeltsin, el Reino Unido de Thatcher y, más recientemente, n’Afganistán e Irak. Ponse de manifiestu el llau más oscuru de la ideoloxía de Friedman, tan impopular que sólo pudo imponese mediante la tortura y la represión.



Pa completar la selmana, el Xueves a la misma hora, toca-y el turnu a les charres. Nesta ocasión, la temática ye mui llocal, ya que vamos falar de la minería. Acompañándonos y contándonos muches experiencias va tar Antón Saavedra, n’una charra entitulá “Por la defensa de una mineria del carbón al serviciu´l pueblu”, na que falaranos del nuevu plan del carbón, de les mines a cielo abiertu, de la aición y la unidá sindical y de les alternatives al sector.




Recordar que ambes actividaes son gratuites, que’l centru abre el miércoles y el xueves a les 17:30 y que disponemos además d’una nevera con bebides, d’una biblioteca llibre y gratuita.

jueves, 3 de octubre de 2013

“Fundido a negro carbón” presentación del llibru y pincheu. Xueves día 3 a les 20:00h

Esti xueves día 3 a les 20.00h arrinca la programación d'actividaes del Centru Social Autoxestionáu La Semiente cola presentación del llibru “Fundido a negro carbón” de la editorial “El pescador de agua dulce”. Onde se compila´l trabayu documental del fotógrafu asturianu Monty (Sergio Montero) al roriu l’últimu conflictu obreru que solmenó Asturies y les zones mineres de Llión y Aragón en 2012, el conflictu de la minería. La presentación va correr a cargu del propiu Monty y de Pablo Rodríguez Medina, ambós entreguinos y vieyos amigos de La Semiente.
Cola publicación d'esti llibru remanez pal públicu una colección fotográfica que ta destinada a caltener la memoria del quiciabes sía l'últimu cartuchu d'una llarga llucha qu'empezó xusto al par que la estracción de les primeres piedres de carbón. Les movilizaciones de la minería en 2012 volvieron allugar al sector como la piedra angular del movimientu obreru.
Con prólogu del escritor Pablo Rodríguez Medina'l trabayu amuesa 70 instantánees que dibuxen el final d'un conflictu y de una hestoria, qu'empezó a mediaos del sieglu XIX cola implantación de la industria hullero nel corazón de Asturies.
Parte de los beneficios que se llogren pola vienta del llibru van ser destinaos a financiar los procesos xudiciales de el trabayadores deteníos mientres el conflictu col fin d'ocupar el so llugar como última de les acciones del mesmu.
Cita al Prólogu de Pablo Rodríguez Medina:
Los paisaxes de la mio infancia pueblense de símbolos mineros. Les mios primeres cartiyes de llectura fueron pancartes y pintaes nes parés que falaben, va trenta años, d'una reconversión que nunca foi efectiva, que siempre tevo a puntu d'empecipiar la so marcha, que los poderes políticos nun s'encargaron d'acometer. Anticipo con esto que nun soi neutral. Quiero dicir que nun voi ser oxetivu, que nun puedo ser oxetivu, que nun quiero selo; que tomé partíu.
Nestes fotografíes, tomaes a cuerpu de conflictu, goliendo l'adrenalina del enfrentamientu, la emoción a les salíes de los encierros, el vehemente silenciu de los berros nes manifestaciones, Montero da cuenta del últimu episodiu d'esta llucha. Frente a la imaxe épica que se vendió del mineru, belicosu, batallador, dinamiteru, que los medios de persuasión contaminaron una y otra vez col propósitu de criminalizar y condergar la llucha, intoxicando con medies verdaes los pretendíos privilexos d'un oficiu, diré-yos que poca xente más pacífico van topar que la xente de la minería.
La mitoloxía cai y la realidá vese nestes semeyes: xente normal, homes y muyeres, rapazos, neños, persones en fin que s'emocionen, que rin, que lluchen, qu'asisten col so sofitu, qu'empresten el so aliendu

martes, 1 de octubre de 2013

Programación d'Ochobre

Equí asoleyamos la programación d'esti primer mes completu de la seronda que se presenta caliente en tolos sentios...

Na primera semana'l mes tornen a La Semiente les proyeiciones de cine y documentales, como siempre los Miercoles a les 20h de la tarde, nesta ocasión la cinta seleccioná ye "La Voz del viento - Semillas de transición".
Esti documental enllaza a través del llenguaxe audiuvisual, tres viaxes en tornu a la emerxencia d'una nueva conciencia universal.
Ta basau n'un viaxe de Provenza en Francia a Granada, realizau en Febreru de 2012 por Jean-Luc Danneyrolles, un agricultor frances, productor de semientes ecolóxiques y participe del movimientu pol decrecimientu, acompañau de Carlos Pons, realizaor, tecnicu de soníu y activista pol decrecimientu.
Recordamos que nes proyecciones teneis una nevera con bebides con y sin alcohol pa la autoxestión del centru, pue fumase y si traes comida, tamién ta permitio zampar, faltaría más.

El día siguiente, tamién a les 20h toca-y el turnu a les charres, nesta ocasión tratase de la presentación del llibru de fotografies "Fundido a Negro Carbón" sobre'l caberu conflictu de la mineria en tou el Estau Español. Pa ello acompañarannos el so prologuista Pablo Rodríguez Medina, y el fotografu y compañeru Sergio Montero "Monty". Parte de los beneficios que se llogren pola vienta del llibru van ser destinaos a financiar los procesos xudiciales de los trabayadores deteníos mientres el conflictu col fin d'ocupar el so llugar como última de les acciones del mesmu. Pa finar además habrá un pincheu.

Recordamos que el Centru Social Autoxestionau La Semiente cellebra la so asamblea los Llunes a les 20h, y que ta abierta a la participación de cualquier persona. Además tamién abrimos el llocal los Miercoles y Xueves a partir de les 17:30.