martes, 26 de noviembre de 2013

Esti Xueves día 28: NAIS CONTRA A IMPUNIDADE (Galicia) y CASU DAVID BLANCO en La Semiente


La charra que va llevase a cabu nel Centru Social La Semiente, sitiau en L'Entregu (Asturies) na C/ Eladio García Jove nº 6, a les 19:30 de la tarde y ta entamada además de polos citaos, pol colectivu “Nais contra a Impunidade” de Galiza y la familia de David Blanco. Los ponentes de la misma van ser: Pastora, lluchaora anticarcelaria madre de Xose Tarrió, muertu baxo les garres de l’estau. Lola Riveiro: Ma de Noelia Cotelo, moza reclusa que tá sufriendo diferentes abusos y vegaciones pola so conducta contestataria dientro les cárceles del estau español. Begoña y Fernando Padres de David Blanco, mozu muerto baxo custodia policial el 26 d´avientu de 2008 na comisaría de Xixón a los 22 años de edá y sin tar clares les causes d´esta.
Pa finar vamos entamar un pincheu con comida vegana y llocal, nel que pedimos que collaboreis económicamente cola xente que vien de Galiza y cola familia de David.

"Manifestación esContra'l Paru". Sofitu dende La Semiente


Dende el Centru Social Autoxestionáu La Semiente queremos mostrar el nuestru sofitu a la manifestación convocada pola Plataforma de Para@s y Precari@s que col lema ESCONTRA’L PARU. POR UN TRABAYU DIGNU Y UN SALARIU XUSTU  va faése esti xueves día 28 de payares a les 19:00h en Xixón. Dende la Semiente anunciar que nun vamos poder dir, ya que tenemos una actividá que nun podemos modificar ya que ye la visita de Nais contra a Impunidade que se desplacen dende Galicia. Pero que queremos dexar claru el nuestru compromisu, con esta como notres movilizaciones a les que nun podemos dir.
Dende La Semiente queremos afalagar a la defensa de los derechos llaborales, de los derechos sociales, escontra la precarización de les ya pésimes condicones llaboráles, escontra la diferencia de sueldu por cuestiones de xéneru, nacionalidá, etnia…, escontra les hores de más (o extras) y a favor del repartu del trabayu ensin mengua del salariu.
Pel momentu, nel actual sistema capitalista nel que vivimos, les persones necesiten vender la so fuerza de trabayu pa sosistir, y por desgracia, nun podemos perder los pocos derechos y conquistes feches col sudor y la sangre de miles de trabayaores.

Esti Miercoles en La Semiente vemos "Searching for Sugar Man"

 Esti documental, ganaor del Oscar al meyor documental de 2012, cuenta una historia un poco peculiar en clave de misteriu y con un gran pesu de la banda sonora.

La proyeción entamará a  les 20 hores nel CSA La Semiente, pue fumase y teneis a la vuesa disposición una nevera con bebides pa moyar el garguelu (con y sin alcohol)

Dexamosbos portada y sinopsis:



"A finales de los años 60, un misterioso músico fue descubierto en un bar de Detroit por dos productores que quedaron prendados de sus melodías conmovedoras y de sus letras proféticas. Grabaron dos discos que ellos creían que situarían al artista como uno de los más grandes de su generación. Sin embargo, el éxito nunca llegó. De hecho, el cantante desapareció en la oscuridad en medio de rumores sobre su horripilante suicidio encima del escenario. Mientras la figura del artista se perdía en el olvido, uno de sus vinilos llegó a la Sudáfrica del Apartheid, multiplicándose por todo el país en grabaciones piratas, y durante las dos siguientes décadas Rodríguez se fue convirtiendo en un fenómeno, en un icono de la libertad y el "anti-establishment". Mucho tiempo después, dos fans sudafricanos se empeñaron en averiguar qué pasó realmente con su héroe. Su investigación los condujo a una historia aún más extraordinaria sobre el mito del artista conocido como "Rodríguez". Esta es una película sobre la esperanza, la inspiración y el poder de la música. "

miércoles, 20 de noviembre de 2013

Proyeción y pinchéu. Alredor del Día Mundial de la Llucha Campesina.



Proyección: Mercacción “La Galia contra Roma”. Vidio sobre la acción que se fexo coincidiendo col Día Internacional de la Llucha Campesina y qu’esti añu celebróse en L’Entregu. Con charres, un mercáu de productos ecolóxicos, la obra Dos Tomates-Dos destinos y una performance dientro del Alcampo de L’Entregu.
Pinchéu de productos ecolóxicos y de comerciu xustu. Tamos toes convidaes a forrar algo en buen compañía, pol Grupu de Consumu de La Semiente.

jueves, 14 de noviembre de 2013

Presentación de llibru proyección y charra:El oro de Salave. Minería, especulación y resistencias.


XUEVES 14 a les 20:00H.
Presentación de llibru proyección y charra:El oro de Salave. Minería, especulación y resistencias. VV.AA. Cambalache 2013.


La fiebre del oru, que nes últimes décades supunxo la irrupción de les corporaciones mineres en bona parte d'África y América Llatina, llegó tamién al Estáu español, y concretamente a Asturies.
Esti llibru ye una contribución a la llucha contra'l proyectu d'una mina d'oru nel occidente asturianu. Ellí, na redoma de Tapia de Casariego, güertes y ganaderíes ecolóxiques, escueles, pesqueríes tradicionales y l'ecosistema singular de los Llagos de Silva atópense amenaciaes.Nun queremos la mina. Nin en Salave nin na aldega d'al llau. Nin tampoco en Galiza nin en Grecia. Nin n'otru continente. Nun queremos ser el patiu traseru del capitalismu nin contribuyir a qu'otros territorios y comunidaes ser.

Documental: El oro de Salave. De Jose Alberto Álvarez. Local Creativo Paraíso y Cambalache, 2013.
Una escuela cooperativa d'educación especial, güertes y ganaderíes ecolóxiques, un mozu apasionáu pola arqueoloxía romana, percebeiros y pescadores d'artes tradicionales... El proyectu psicópata de la mina d'oru enclavase nuna zona llena d'esperiencies respetuoses cola so redolada. Éstes atópense en peligru y defenden ilusionaes un futuru bien distintu al del espoliu pol que s'encerrisca la multinacional aurífera.

miércoles, 13 de noviembre de 2013

III Amagüestu de La Semiente. Vienres 15 de payares/noviembre



El vienres día 15, la seronda va ser la protagonista una vegada más nes actividaes del C.S. La Semiente, con un amagüestu, tradición viva entá anguaño y típica destes feche..
Esta tercer edición del Amagüestu de La Semiente tien dellos cambios coles ediciones anteriores. L’Amagüestu va ser a les 17:30h n'El Parque La Llaguna de L'Entregu (o na Plaza Abastos si lloviese). Empecipiará col espectaculu El “Loco Viaje Malabar” de El Ñeru Los Coríos y depués, van repartise castañes y sidra duce a los asistentes. Tamién va haber un mayu tradicional y un llagar, pa que los neños esfruten mayando y conozan un poco de la nuesa  cultura tradicional y de onde vien un productu tan natural y tan nuesu como ye la sidra. Los mas pequeños, van poder pasalo pipa colos xuegos tradiconales que se van faer pa toos esllos..
El platu fuerte, El Conciertu Amagüestu, esta vez nun va ser nel Centru Social, non, va faese a techu, nes istalaciones del Campu Futbol del Unión Deportivo El Corvero col fin de poder allargar la fiesta ensin problemes.
Va empecipiar a les 21:00h. Nel conciertu van contar con Helios Ruiz, trovamundos  que ta estos díes de xira, mostrando les sos composiciones per tol estáu, 13 Palabras, veteranu grupu de Hip Hop, qu’anguañu presenten el so trabayu “Fraktal”, la bandina de música tradicional La Bandina del Matto Grosso, la batukada Matu Na Cai y el duo de comicos Teatroncho, que pondrán la parte de teatro y humor con algun de los sos “squetch. Aparte del conciertu va haber un escenariu abiertu nel que se va a entemecer, poesía, monologos y música.
Too esto nun sedría posible ensin la complicidá nin la collaboración de tolos artistes que van actuar desinteresadamente, l’Asociación Xuvenil Esperteyu de Siero qu’apurrió un monton de castañes y del U.D. El Corvero, que dexa parte de les sos instalaciones pa poder celebrar el Conciertu Amagüestu. La suma de too ello contribui a dinamizar la vida cultural del conceyu y a echar una mano na propia autogestión del Centro Social Autoxestionáu La Semiente.

Como non, aparte de castañes y sidra… tamién se podrá esfrutar de les castañes acompañaes de Cerveza Caleya, una nueva forma d'esfrutar del amagüestu con una cerveza artesanal de calidá, producio por dos compañeros de La Semiente.

Toles actividaes son gratuites y convidamos a tol mundu a participar.. Tamos en Centru Social La Semiente, C/ Eladio Jove, 6, L´Entregu (lasemiente@hotmail.com)



Como llegar dende L'Entregu:
https://mapsengine.google.com/map/edit?mid=zC3gMHe1mk7s.kQ0UgnmVAhsM

martes, 12 de noviembre de 2013

La Semiente en Solidaridá colos procesaos poles tartes del TAV.



El 27 d'ochobre de 2011, trés persones “entartaron” a la presidenta de Navarra, Yolanda Barcina, nel intre d'una sesión plenaria de la Comunidá de Trabayu de los Pirineos, na ciudá de Toulouse (estau francés). Mientres unos instantes, la cara de Barcina tevo cubierta de dulce merengue. L'ación de protesta realizada pol movimientu de desobediencia al TAV Mugitu! tenía como oxetivu denunciar a Yolanda Barcina como principal responsable presente naquella xunta de la imposición del Tren d'Alta Velocidá en Euskal Herria (País Vascu), que dende los sos oríxenes amenó una amplia oposición.

 En Toulouse, l'acción nun foi causa de nenguna detención nin identificación, los guardies de seguridá namas que fixeron espulsar a los “tartalaris” de la sala. Sicasí, de regresu a Navarra, los autores de los tartazos fueron deteníos pola policía foral ya imputaos por un supuestu delitu de “atentáu a l'autoridá” na Audiencia Nacional española, tribunal d'esceición que decalro ser suyu el derechu de xulgalos. Amás, una cuarta persona tamién foi darréu imputada so la mesma acusación pola so participación na acción de protesta de Toulouse y na rueda de prensa realizada a otru día en Iruñea (Pamplona) pa esplicar los motivos de l'acción. Anguaño, l'Audiencia Nacional afitó pal prósimu 18 de noviembre la celebración del xuiciu, con demandes de penes de 5 a 9 años de prisión.

 Con éses consideramos qu'acciones populares como'l “entartado” de dirixentes que, como Yolanda Barcina, son responsables d'imponer el TAV despintando los sos efectos nocivos, lo mesmo que de mentir sobre'l so verdaderu impactu económicu y social, son perfectamente lexítimes y comprensibles como forma de protesta xusta contra'l TAV. Sicasí, denunciamos que la gravedá y l'absoluta desproporción de les penes de 5 a 9 años de prisión solicitaes contra estes cuatro persones nun tienen sitiu en nengún otru estáu occidental, cuidao qu’acciones similares de llanzamientu de tartes a les autoridaes son consideraes infracciones menores y apenes suelen tener consecuencies llegales. Too ello contrasta vergonzosamente cola “magnanimidá” qu'amuesa la Xusticia colos políticos embusteros y corruptos, absueltos na mayoría los casos.

 Por too ello, dende La Semiente, esiximos la paralización de les obres del TAV y l'archivu del procesu inciniáu na Audiencia Nacional contra estes cuatro persones poles tartes qu'adulzaron la cara de Barcina. Amás, este ye un asuntu que tuviera de xulgase sía que non en Toulouse, llugar de los fechos. Podemos ensin dulda afirmar qu'esti procesu axunta tolos elementos propios de la inxusticia penal”, como son l'usu de tribunales d'esceición como l'Audiencia Nacional pa reprimir la disidencia social y l'aplicación de códigos penales cada vegada más represivos pa criminalizar la desobediencia civil. Y queremos que'l final d'esti procesu sirva de toma de conciencia al respective de lo innecesario y dañible del TAV, y d'otres infraestructures igualmente megalómanes y destructores.
Non al Tren d'Alta Velocidá
Fin del procesu contra los cuatro tartalaris
La desobediencia nun ye delitu.

Sofitu económicu a los encausaos:
 3035.0068.08.0680058591(Llaboral Kutxa)
Compañeres de la CSI y La Semiente ente les obres del TAV n'Asturies.


 Firmai pa que anulen el casu:

lunes, 11 de noviembre de 2013

Proyección de "La Noche de los lapices"

Esti Miercoles 13 de Payares a les 20 hores visionaremos esta producción arxentina de Hector Olivera. Vamos tener refrixerios na nevera pa moyar el garguelu y pue fumase. Dexamosbos la sinopsis y una fotuca. Vemonos na Semiente!

En septiembre de 1976, durante los primeros meses de la dictadura militar argentina, siete adolescentes de la ciudad de La Plata son secuestrados, torturados y asesinados a raíz de sus protestas por el aumento del boleto estudiantil. El film relata estos sucesos desde la voz y presencia de su único superviviente.




martes, 5 de noviembre de 2013

Actividaes del mes de payares nel CSA La Semiente


MIÉRCOLES 6, a les 20:00H.
Cine/Charra:"Sahara Occidental, 28 años na diáspora".
XUEVES 7 a les 20:00H.
Charra: Wifi Llibre, Otras redes son posibles.
MIÉRCOLES 13, a les 20:00H.
CINEFORUM “La Noche de los lápices”
XUEVES 14 a les 20:00H.
Presentación de llibru proyección y charra:El oro de Salave. Minería, especulación y resistencias.
VIENRES 15: a les 17:30H.
AMAGUESTU POPULAR.
MIÉRCOLES 20, a les 20:00H.
Proyeción y pinchéu. Pol Grupu de Consumu de La Semiente
MIÉRCOLES 27, a les 20:00H.
CINEFORUM. Peli o docu por confirmar.".
XUEVES 28 a les 20:00H.
Charra: “Nais Contra a Impunidade” (Galiza y Casu David Blanco. Testimoniu de madres que perdieron a los sos fios baxo custodia, n’estrañes circustancies..

Sahara Ocidental, 38 años na diaspora.


En colaboración cola xente de Mensajeros de paz, el Centru Social Autoxestionáu La semiente va realizar uan actividá rellacioná col pueblu Saharagüi. Sedrá el miercoles día 6 a les 20:00h nel propiu centru.
Dende va cuasi 40 años, el pueblu saharawi vive na diáspora, siendo munchos d'ellos asesinaos y desapaeciós dende entós. Nesta xornada, vamos adentranos un poco nesta llucha cola proyección del curtiu-documental "¿Hasta cuándo?", de Lala Muhamed Fadel y Fatimetu Bualam, y "Hijos de las nubes" de A. Longoria y J.Bardem. Fadremos mesa redonda depués de la proyeción, encabeada por Bachir Lehdad Dadda, que tamién nos va falar del so llibru "El largo viaje hacia el este"