lunes, 29 de octubre de 2012

Manifestación "!No dejes que destruyan la Sanidad Publica!"

Ante los continuos ataques desde el gobierno del estau español a la sanidad, y por consiguiente a la salud de los ciudadanos.
La asamblea de trabayaores del Area V d'Asturies (Xixón) y el sindicatu de clase CSI-Asturies, entamen mañana esta manifestación, como afectados laboral y socialmente, pero esti ye un problema de toos y toes, por eso animen y animamos a tola ciudadanía xixonesa y asturiana, a acudir a la manifestación.

Mañana a les 19, na Plaza el Humedal, porque cola nuesa salud, la de toes y toos, nun se xuega!

miércoles, 24 de octubre de 2012

Materiales venta y sofitu.

Nel C.S. La Semiente nun tenemos nenguna distribuidora alternativa, pero poco a poco van saliendo materiales pa l'autoxestión, la nuestra y la d'otros colectivos. Por ello ye que tenemos a la venta una riestra cosuques a les que hai que dir dando-yos salida.
Nel Centru Social Autoxestionáu La Semiente tienes:
  • Lloteria de navidá d'ADEPAVAN (Asociación de Para*s del Valle del Nalón)
  • Bonos de sofitu a los represaliáos del Pozu Santiago.
  • Camisetes del F.U.S.O.A. (Fondu Xunitariu de Solidaridá Obrera d'Asturies), pa cubrir gastos derivaos de la represión a les movilizaciones mineres.
  • Camisetes de FNAST, pa ayudar a cubrir deudes qu'esta asociación arrastra de mui atras.
  • Camisetes de K-Nalón.
  • Camisetes de La Semiente.
  • Discos de Xorrecer. Compilatoriu de mas de 20 grupos asturianos cantando escotra la violencia de xéneru.
  • Discos de La Tarrancha. (discografía completa, col so ultimu trabayu recien saliu'l fornu).
  • Población Suplerfua. Pieza pa colecionistes en vinilu d'esti grupu punk de los 90.
NINGUNA COSA PASA DE LOS 10 EUROS
Camisetes del F.U.S.O.A.
Camisetes de La Semiente, K-nalón y FNAST

Discos

martes, 23 de octubre de 2012

Resolucion del C.S. La Semiente sobre “Buscando confluecies: Asambles de movimientos, colectivos y persones”. y la posterior convocatoria "Nin recortes nin privilexos"

El pasáu 11 d'ochobre, La Semiente foi convidada a participar nuna asamblea baxo'l nome de “Buscando confluecies: Asambles de movimientos, colectivos y persones”. Onde tubimos presentes distintos colectivos de trabayaores, colectivos sociales y persones Una convocatoria que dende La Semiente vemos positiva y necesaria, pero ante la que tenemos qu'apuntar delles cuestiones.

La Semiente fue allí como un colectivu más, pero desconociendo l'orde del día. Polo que tanto La Semiente como algún otru colectivu manifestemos que nós allí nun podímeos tomar nenguna decisión, ya qu'al ser un colectivu que furrulamos en conceyu o asamblea, teníemos que trasmitir tolo que se comentara n'esta asamblea de colectivos a la nuestra propia, pa dende élla tomar decisiones y tresmitiles a la asamblea de colectivos, movimientos y persones.

Nel trescursu de l'asamblea pola confluencia de lluches, tomáronse delles decisiones, nes que los representantes de los colectivos que furrulamos asambleariamente nun pudierón votar (ya que nun teníen postestá pa éllo). Pero entá con eso, viose como algún colectivu votaba non solo como colectivu, sinon tamién col númeru de persones d'él mesmu que taben ellí. Dicimos esto, porque nos comunicaos que salen públicos por parte d'esa asamblea dizse. “... alcordaron per unanimidá llamar a la movilización el día de la entrega de los Premios Príncipe d'Asturies ...”, cuando realmente nun pudo ser asi.

Per otru lláu la representación de La Semiente comentó que se veía bien la iniciativa, pero que pa echar a andar una confluencia de lluches y non morrer nel intentu, yera necesario abrir un debate previu, articulando unos puntos mínimos d'alcuentru nos que sofitanos. Unos puntos mínimos nos qu'afitar la xunión, ya que ye necesario buscar precisamente eses confluencies pa que depués nengún colectivu, nin ninguna perona se llame a engañu. Esperiencies de “yo nun vine pa esto” o “yo lo que griten estos nun va comigo” o sorpreses mas desagradables hailes a barullu.

Les aiciones que se “acordarón” entamar dende esa asamblea cola coincidencia coyuntural de la entrega de los “Premios Principe d'Asturies, son la d'ún pasacais pal xueves 25 pel cascu vieyu d'Uviéu y la d'una concentración el vienres 26 na Plaza la Escandalera coincidiendo cola entrega premios, baxo'l lema “Nin recortes, nin privilexos”. Dende La Semiente vemos guapes estes dos convocatories, pero con obxeciones, ya que como comentamos, vémoslo un poco dir a saltu mata ensin afondar unos puntos mínimos y ensin profundizar nuna estratexa común de CÓMO, CON QUIÉN, POR QUÉ y PA QUÉ. Nun ye lo mesmo dir xuníos que dir xuntos (pa esto ultimo ya hai mil manifestaciones nes que confluir). Tol mundiu paez tener claro esos conceptos de CÓMO, CON QUIÉN, POR QUÉ y PA QUÉ, pero ca ún dientro la so cabeza, dientro la so perpectiva y dientro los sos plantiamientos filosóficos y/o políticos, por elló que comentamos de buscar los puntos de xunión. Pue paecer una chorrá, pero nun ye así, ya que tamos delantre d'una convocatoria que pue traer consigo consecuencies graves y diba ser mui gordo qu'ante esa falta de unidá real los problemes nun vinieren namás per parte de les fuerces de represión y los siguidores del Hola , el Pronto y l'ABC, sinon que tamién les desaveniencies se dieren ente los propios manifestantes por culpa de nun tener les coses bien clares de mano. Eso diva ser mas triste y diva ser un llastre a la hora de buscar otres confluencies. Depués d'ecuchar alguna intervención de les que se fixeron el día l'asamblea colectiva... tenemos les nuestres dudes de qu'esto nun puea pasar.

Por too esto, dende La Semiente queremos dexar claro que, nós como colectivu, nun tomenos nenguna decisión n'aquella asamblea y que nun queremos figurar como convocantes de los actos d'esta selmana. Pero si queremos dexar claro que vemos positiva la continuidá d'eses asamblées ante una necesaria unión articulada y previamente trabayá pa esti tipu d'aiciones.

Per otru llau, queremos dexar claro que nos oponemos a los privilexós de culquier clase o casta social o politica, como ye'l casu de la monarquía y de tola aritocracia. Queremos la so desapaición, así como tamién queremos la disolución d'una entidá tan fastuosa como tresnochada como ye la Fundación Principe d'Asturias, creá pa da-y prestixu y bona imaxen a la Corona d'España y a la monarquía en xeneral a base de les perres del pueblu.

Prestábanos qu'esti mensaxe llegase a tolos colectivos y persones presentes nel conceyu “Buscando confluecies: Asambles de movimientos, colectivos y persones”, pa que quede clara la nuestra postura a los güeyos de toes elles.


Conceyu del Centru Socila Autoxestionáu La Semiente

II Amagüestu de La Semiente.


El vienres día 26, la seronda va ser la protagonista una vegada mas nes actividaes del C.S. La Semiente, con un amagüestu. Tradición viva entá anguaño y que tien los sos oríxenes nuna antigua celebración celtica venceyada a lo que güei conocemos como “día de los muertos” o “de tolos santos”, lo que yera'l Samhain, y de lo qu'entá güei en munches aldegues d'Asturies caltiense la tradición de poner calabaces agüecáes con forma de cabeza pelos caminos o en fuera les cases. Anque paeza mentira, esti iconu de les calabaces vuelve agora a los nuesos llares non por recuperación de parte de la nuesa cultura, si non por influencia del consumismu americanu; cola so propia versión del halloween, qu'estos díes va anubrir de fiestes munchos pubs en forma de promociones y demás y que pocos o nengún van rellacionar col nuesu tradicional amagüestu y nueche de los muertos.
Amagüestu La Semiente pa neños na Plaza Abastos 2011
Esta segunda edición del amagüestu de La Semiente va trescurrir de la mesma forma que la pasada edición. Va haber una versión pa los mas pequeños, y otra pa los yá non tan pequeños. A les 18:00h n'El Parque La Llaguna de L'Entregu (o na PlazaAbastos si lloviera), van repartise castañes y sidra duce a los asistentes. Tamién va haber un mayu tradicional y un llagar, pa que los neños esfruten mayando y conozan un poco de la nuesa cultura tradicional y dú vien un productu tan natural y tan nuesu como ye la sidra. Tamién van tener otres actividaes rellacionaes coles manualidádes. Dempués a les 21:00,h l'amagüestu treslladarase a la cai Eladio Jove, al interior del C.S. La Semiente, onde va haber un escenariu abiertu nel que se va a entemecer, poesía, monologo y música. L'añu pasáu foi un ésitu de participación asina que toes la persones que quieran mostrar el so arte o namás comer unes castañes y tomar daqué nun tienen mas que dir. Una de les novedaes d'anguaño ye que tamién se podrá esfrutar de les castañes acompañaes de Cerveza Caleya, una nueva forma d'esfrutar del amagüestu con una cerveza artesanal de calidá, produco por dos miembros del colectivu de La Semiente.

Toles actividaes son gratuites y convidamos a tol mundu a participar y esfrutar. Tamos en Centru Social La Semiente, C/ Eladio Jove, 6, L´Entregu (lasemiente@hotmail.com)

martes, 16 de octubre de 2012

Comunicau escontra les ultimes agresiones fascistes en Xixón

Los fechos:
Apocayá una pareya de neonazis abrieron un chigre na C/ Gran Capitán, frente al edificiu del INEM, nel barriu xixones de La Calzada.

Esti chigre, que sirve de llugar d’alcuentru de neonazis, yá traxo los primeres y graves problemes de convivencia nel barriu. N’apenes un par de selmanes pasaron d’amedranar a mozos del barriu por tener ideoloxíes contraries a les suyes, a intentar atacar con un cuchiellu a un vecín del barriu, esti xueves día 11 d’Ochobre. Inexplicablemente (o non), inclusive dempués d’intentar atacar a un mozu con un cuchiellu, los mesmos neonazis nun duldar en llamar y amenaciar cola policía nacional al nuesu compañeru.

Esti sábadu día 14, alredor de 40 neonazis, dirixiéronse a La Cruz, campu del equipu de fútbol UC. CIARES una hora y media antes del partíu, y frayaron a quien s’atoparon, esta vegada tocó-y al vicepresidente del Ceares, que taba a la puerta p’abrir el campu. La policía taba informada de lo que podía asoceder, y nun actuó, magar les numberoses llamaes de vecinos del barriu de Ciares y de Viesques qu’alvertíen de la presencia de grupos de nazis encapuchaos nel barriu, dirixiéndose a La Cruz.




Dende'l Centru Social Autoxestionau "La Semiente", en primer llugar, queremos mostrar la nuesa solidaridá colos agredios, así como tamién cola afición y la directiva del UC Ciares, los cuales tan faciendo una gran llabor col barriu y pol futbol asturianu, demostrando qu'el futbol social tamién ye posible nestos tiempos de salarios estratosféricos, publicidá y capitalismu nel mundiu futbolísticu.
 

En segundu llugar condenamos estes cobardes y ruines acciones, de esta marea neonazi que inunda la villa xixonesa, y que amparaos nel grupu ultra fascista "Ultra boys" vinculau al Real Sporting de Xixón (que nun olvidemos, dexa usar les sos instalaciones a estos elementos) y "la xusticia" que dexa impune estes agresiones y otres cometies por esta gandalla . Que créense col derechu a facer atrocidaes como les narraes anteriormente, escontra de los que nun entren na su "pureza" racial, ideolóxica y cultural.

Por último, anunciar que na tarde de güei, Martes 16 d'Ochobre, va cellebrase una asamblea abierta na casa sindical de Xixón a les 19h de la tarde, pa organizar una respuesta ciudadana y antifascista que plante cara a estos energúmenos sin cerebru que quieren amedrentar les nueses ganes de lluchar polo xusto e igualitario.


GÜEI COMO AYERI, ESCONTRA EL FASCISMU...
NI UN PASU ATRÁS!

miércoles, 10 de octubre de 2012

Ochobre 1934. Charra/alderique

Estos díes atopámonos ante una efemérides bien importante na hestoria de Asturies y de lo que vieno soceder darréu en tol estáu español. Trátase del 78 aniversariu de la revolución asturiana d'ochobre de 1934, un fechu históricu póliticu y social de gran trescendencia. Anque sía una fecha conocida, tamos ante un asuntu bien poco conocíu y pa contruvuir a qu'esto nun sía asina, el Centru Social y Autoxestionáu La Semiente, entama una charra y una mesa redonda sobre éllo. L'act
ividá lleva por títulu “La Revolución d'Ochobre nel so contestu hestóricu” y va correr a cargu del profesor d'hestoria ya investigador Faustino Zapico, que nos enfusará nos antecedentes históricos, lo fechos en sí, les sos consecuencies y les distintes llectures ya interpretaciones del la mesma revolución.
Ente otros trabayos y publicaciones, Faustino Zapico ye autor de los llibros “1808 o l’aniciu de la hestoria contemporanea d’Asturies”, Y .“Hestoria de Suráfrica: El nacimientu d’una nación”.
L'actividá va ser el xueves día 11 a les 20:00 hores n'el mesmu Centru Social La Semiente, onde les persones asistentes tamién van poder esfrutar de la esposición de temática medioambiental “Arte Gráficu y Defensa de la Tierra” de los colectivos mexicanos LUCHATE (Arte en Lucha) y Resistencia Gráfica.
Tamién recordar a les persones que-yos pete, qu'esti miercoles continua'l taller de Baille Tradicional Asturianu a les 18:00h. Los demás dies sigue siendo de vienres.
El documental “L'oru y la vida” previstu pa esti miércoles retardar pa nun coincidir col XV Certame de Curtios Aula 18”, del que la xente de la Semiente anima a participar

miércoles, 3 de octubre de 2012

Programación d'Ochobre

Dempués d’un branu calentin, muchos piensen que torna la fría seronda, pero esto va ponese n’ascues
Vuelven les actividaes culturales y sociales a La Semiente, con les charres de los xueves y les proyecciones de los miércoles además d’alguna sorpresa más.

Para entamar, esti miércoles 3 d’Ochobre a les 19:30 presentamos un documental d’ orixen mexicanu “Tlatelolco, las claves de la masacre”. Esti, aborda los acontecimientos ocurrios el 2 d’esti mes en Mexico DF fae ya 44 años, cuando una manifestación estudiantil convirtiose n’una masacre, con muchos sucesos extraños alrrodiu de la actuación de la policia y l’exerrcitu.

Al día siguiente y a la misma hora, el Xueves 4, va visitanos la asociación “Acción popular organizá pa la reciprocidá Mutua n’Asturies”, que van falanos de los oríxenes del dineru, pa entender el so funcionamiento actual y debatir entre los asistentes les diferentes visiones sobre eso de lo que dicen que mueve el mundiu.

N’esti Ochobre caldeau ná meyor que acordarnos de los revolucionarios del Ochobre Asturianu. Pa ello, el Xueves 11  contaremos cola presencia del historiaor Faustino Zapico.
Y porque no, también vamos cruzar el charcu el Miercoles 17 pa ver un documental llamau “El oro o la vida”, que cuenta la resistencia indixena frente al expoliu de les multinacionales mineres de esi metal.

Por otra parte esti mes, en concretu el día 5, entama nel Centru Social un taller de “Baile tradicional Asturianu”, el/la que té interesau/a aún ta a tiempu d’apuntase antes de que arranque. (El cursu ye de baldre)

Pa cerrar nel mes de les castañes toca lo que toca,y el día 26 tornará l’amagüestu popular a L’Entregu, pero eso ya vos lo contaremos…

Recorda-y, que los Miercoles y los Xueves el centru social ta abiertu al público de 17:30 en adelante, y que disponemos de una biblioteca llibre y gratuita.