jueves, 28 de marzo de 2013

La Semiente y Casa Viña

Esti Miércoles, coincidiendo col mercáu entreguín semanal, integrantes del Centru Social Autoxestionáu La Semiente, fizimos un actu de protesta ya informativu, sobre l'edificiu El Cafetón o Casa Viña

Durante la mañana, repartimos pasquinos como los de la semeya y pegaronse varios carteles aludiendo al pelotazu urbanísticu que nos golemos y ante la desidía y la pasividá que mostraron tanto'l propietariu como l'ayuntamientu de SMRA, pa con esti emblema arquitectónicu del pueblu que actualmente ta insalubre y peligrosu pa tola población.

Ante estes acciones, atopámonos con un debate popular entorno al edificiu y los axente implicaos que nos paez mui productivu y necesariu. Seguiremos informando...


viernes, 22 de marzo de 2013

Suxerencies al Documentu Prioridaes del PGOU de SMRA

 Dende La Semiente, creemos na participación popular, en marcar nos el nuesu futuru y como primera piedra, presentamos nel nuesu ayuntamientu unes suxerencies pa la redacción del Plan Xeneral d' Ordenación Urbana.



A l'atención del Sr. Alcalde del Conceyu de Samartín del Rei Aurelio.

ASUNTU: Suxerencies al Documentu de Prioridaes del PGOU



Nel desenvolvimientu d'ellaboración del Plan Xeneral d'Ordenación Urbana de Samartín del Rei Aurelio, presentóse apocayá'l Documentu de Prioridaes de dichu Plan, atopándose nesti momentu nel  plazu llegal d'esposición pública con cuenta de que quienes asina lo deseyen puedan presentar suxerencies. Dende La Semiente defendemos un modelu de Planiamientu urbanísticu al serviciu de la población del nuesu conceyu, respetuosu col mediu ambiente y qu'encete les necesidaes esenciales en materia urbanístico d'un conceyu con graves problemes de desempléu, con una minería a puntu de desapaecer, con  un fracasu evidente nel modelu de reconversión minera siguida hasta'l momentu, con un índiz de población activa batiendo récords negativos nel estáu español, con una población por demás avieyada y con unes perdides  de población constantes nel tiempu desque s'empecipiara la reconversión minera, que tien como unu de los sos principales factores la emigración constante de la nuesa  mocedá que se ve obligada a llabrar el so futuru n'otros llugares. A esto habría qu'añadir  problemes de comunicación  cola Área Central Asturiana, el despoblamientu galopante de la zona rural del conceyu, la esistencia de zones degradaes, vertideros illegales y un bon  númberu de regueros que siguen virtiendo agües contaminaes al Nalón, ente otros asuntos.

Con éses teniendo en cuenta lo anterior, el  Centru Social La Semiente presenta les siguientes SUXERENCIES:

PRIMERA.- Magar ye verdá que, a efectos informativos, mientres el períodu d'esposición pública d'esti Documentu de Prioridaes fixeronse delles charres esplicatives y que’n dellos díes de la selmana, n'hores determinaes, atendiose al públicu col mesmu fin, entendemos qu'estes  acciones nun pueden despintar el fechu principal  de qu'el PGOU ta dearrollandose ensin un modelu claru y concretu de PARTICIPACIÓN CIUDADANA efectiva. Entendemos que, anque tarde, tovía se ta a tiempu de desarrollar y aprobar dichu modelu, pudiendo tomar como referencia los múltiples exemplos de participación siguíos en bona parte de los conceyos del estáu español. Creemos que implicar al vecindariu na so ellaboración  sería positivu pa llograr un PGOU que respuenda a los intereses de la población y, de camín, demostrar que la DEMOCRACIA PARTICIPATIVA ye un valor n'alza nesti Aytu.  

SEGUNDA.- Nesti casu, y non se debe  de considerar como una suxerencia, sinón como una crítica en  toa riegla. Constatamos que l'usu de la Toponimia tradicional del conceyu, oficial dende la so publicación nel  BOPA del día 7 de febreru de 2008, el  Decretu 3/2008 de 23 de Xineru, nun se respeta nun  númberu incontable d'ocasiones nos diversos documentos presentaos. Especial mención merecen aquellos núcleos a los cualos reconocióse-yos tanto'l so nome tradicional como'l castellán, tamos falando en concretu de Santa Bárbola/Santa Bárbara y de L´ Entregu/ El Entrego, yá que,  nos documentos, namá s'usa'l nome en castellán, siendo oficiales ambos y, polo tantu, en tolos documentos municipales deben d'usase los dos, tantu l'asturianu como'l castellán. Esperamos qu'esta situación sea correxida y se respete la toponimia oficial d'esti Conceyu.

TERCERA.- Plantéase la necesidá de promover les esplotaciones forestales. Tando d’alcuerdu con  ello, entendemos que nun se debe de cayer nel erru de dar  pie a plantíos masivos d'especies foranies de pocu valor pero por demás agresives cola redolada, tantu pol impactu paisaxísticu, como pola so afección sobre'l suelu, les agües y la biodiversidá.    Hasta agora la presencia de plantíos d'ocalitos y de pinos nel nuesu  conceyu foi casi testimonial. Dende La Semiente, suxerimos qu'esa situación debe de siguir calteniéndose, ye por ello que proponemos que nel PGOU se recueya la prohibición de plantíos d'ocalitos y de coníferes.  Pol contrariu, deben potenciase los plantíos d'árboles autóctonos de gran valor ambiental y económicu. Amás consideramos que la esplotación maderera debe de realizase con criterios sostenibles y respetuosos col mediu ambiente, torgandose n'el mesmu Plan, aquelles formes d'esplotación o técniques que nun sigan estos criterios.

CUARTA.- La esistencia de regueros, afluentes del Nalón, que reciben virtíos d'agües fecales y otres, provenientes, tantu de núcleos  rurales, como de les propies redolaes urbanes, faen necesariu que s'encete, obviamente en collaboración coles alministraciones indicaes, el so saneamientu.  Nesti sentíu proponemos que s'ellabore un plan que recueya nun catálogu los regueros afectaos por esta situación, l'estáu en que s'atopen, onde tan los focos contaminantes, etc. con cuenta de dir encetando gradualmente la solución a esta problemática.

QUINTA.- Creemos qu'una de les faltes de Samartín, qu'incide directamente na perda de población, ye l'ausencia de texíu empresarial qu'en materia d'empléu pueda ufiertar  una alternativa al gran volume de puestos de trabayu amortizados col cierre de los pozos mineros, lo qu'obliga a gran parte de la población a buscar  empléu fuera del Conceyu y en munches ocasiones fuera de la mesma Cuenca del Nalón. Con éses l’ Área Central asturiana perfílase como la gran receptora d'esa demanda d'empléu, Xixón, Uviéu, los polígonos empresariales  allugaos nesi espaciu central de Asturies...etc. N'esti contestu, creemos que se debe de potenciar una alternativa pública de tresporte que, al nuesu criteriu pasa fundamentalmente por meyorar los defectos  del serviciu ferroviariu esistente na actualidá. Los parámetros d'esa meyora deben de basase na solución de faltes, como les frecuencies de pasu de los trenes y l'escesiva duración de los recorríos. Resultando evidente qu'alternatives como la propuesta del  Tren-Tran nun solucionen el problema, en cambiu paeznos más indicáu llograr l'aplicación nesti asuntu de les recomendaciones recoyíes nel Plan Estratéxicu Comarcal del Valle del Nalón qu'afondaben, fundamentalmente na necesidá de llograr un modelu ferroviariu rápidu y competitivu, qu'ayudara a contribuyir a afitar población y a ser la principal alternativa de movilidá ente la Área Central Asturiana y la Cuenca, siendo capaz de competir y de complementase col tresporte per carretera. Tocantes a los problemes urbanísticos xeneraos, pensamos qu'actuando localizádamente con soterramientos puntuales, podríamos resolver los principales problemes que xenera'l trazáu del tren al so pasu peles zones urbanes, pudiendo ser compatibles diches actuaciones.

SESTA.-El sector del comerciu de proximidá en Samartín, formáu fundamentalmente por pequeños comercios de la más diversa actividá, amenazáu na so  supervivencia pola competencia de les grandes superficies comerciales, tantu poles del centru asturianu, como pola asitiada directamente nel nuesu conceyu y poles medianes superficies qu’abunden en toos los nuestros núcleos urbanos, debe d'atopar nesti PGOU un ciertu grau de reconocimientu que contribuya a la so    pervivencia, yá de por sí bien complicada. Esti sector económicu non solo contribúye a facer ciudá, sinón que, amás, al ser los sos propietarios persones afincaes y residentes nel conceyu contribuye directamente a l’oxetivu d'afitar población y a xenerar actividá económica al redior suyu.  Por tou lo anterior, suxerimos que, con calter xeneral, se determine  nun autorizar  nueves implantaciones en tol conceyu d'esti tipu de superficies comerciales grandes y medianes

SÉPTIMA.- El planteamientu efectuáu nel Documentu de Prioridaes en relación cola peatonalización del centru de los pueblos paeznos correctu. Sin embargu, consideramos necesariu complementar eses polítiques cola creación d'aparcamientos públicos y gratuitos  en zones afayadices pa ello, que solucionen los problemes xeneraos pola eliminación de les places d'aparcamientu esistentes con anterioridá.

OCTAVA.- El D.P.    Concreta una serie d'alternatives pa unes zones determinaes del conceyu. Dempués d'estudiar con detalle lo planteao llegamos a les siguientes consideraciones:
             MUMI.- Non solo debe tenese  en cuenta la proximidá del MUMI a la de contemplar les altures permitíes. La proximidá a esti espaciu de la barriada de San Vicente y  l'impactu que sobre ella y los sos habitantes tendría l’altura  de les instalaciones que se planteen, faen conveniente, al nuestru criteriu, que l'altura màxima permitía se reduza de cuatro a dos plantes.
             TALLERES DE SANTANA- Pensamos que l'usu residencial debe de quedar llindáu al ámbitu espacial contempláu nes actuales N.S.P., quedando'l restu de la so superficie acutáu pa usos empresariales que sean compatibles cola redolada urbana na que s'alluga. Amás debería d'estudiase la posibilidá d'un paséu fluvial pela zona colindante col Ríu Villar.
             POZU ENTREGU.- En casu de desarrollase soluciones como la planteá pa esti espaciu, consideramos  como requisitu que los aparcamientos que pudieren xenerase sean de calter públicu y gratuitu y nun signifiquen una amenorga de les places esistentes anguaño.
             ZONA’L FLORÁN.- A falta d'una mayor concreción, si lo que se plantea ye la posibilidá de baltar el Campu fútbol d'El Florán por que n’esi espaciu pudieren desenvolvese construcciones de vivienda por axentes privaos, yá adelantamos el nuesu desalcuerdu con tal pretensión.  De llevase a cabu el derribu, entendemos que l'alternativa pasaría,  bien pola ampliación del Parque, bien por dalgún nuevu equipamientu compatible col sitiu.
             ZONA  LA ISLLA.- No referente a reafitar lo aprobao nel so día, consideramos qu'a esti respectu yá hubo apocayá un resolvimientu del plenu y agora lo que-y correspuende a esti PGOU ye buscar un usu compatible con esi resolvimientu.
NOVENA.- Resumiendo, compartimos, polo xeneral, los principios rectores del PGOU que nos propón l'equipu redactor, por eso facemos la reflexón siguiente: Nel analís que se fai del anterior Documentu de Prioridaes  ponse de relieve la contradicción esistente ente planteao nél y lo desarrollao darréu, como quiera qu'en  gran parte esi desarrollu posterior, absolutamente refugable pela nuesa parte, vieno dáu pola intervención  de los Servicios Técnicos Municipales encabezaos pol equipu de gobiernu d'aquellos momentos, teniendo en cuenta qu'esos servicios técnicos municipales son les mesmes persones y que l'equipu de gobiernu actual respuende al mesmu partíu que defendía esi indeseáu modelu de desarrollu, manifestamos la nuesa esmolición pol fechu de que pudiéramos  repitir la mesma hestoria, de manera que, a la fin del procesu, atopáramos con un PGOU nel que cualquier paecencia cola filosofía que s'esprende d'esti Documentu de Prioridaes sea una mera coincidencia.

L´Entregu a 20 de Marzu de 2013
 

martes, 19 de marzo de 2013

ASTURIES EN PIE!! SÁBADU 23 DE MARZU

¡ASTURIES EN PIE!

RECORRÍU DE LA MARCHA-MANIFESTACIÓN ESCONTRA’L PARU, LA CORRUPCIÓN, LOS RETAYOS Y LA REPRESIÓN

SÁBADU 23 DE MARZU. 18:30 H. FÁTIMA (EL CERILLERU). XIXÓN.

ENTAMEN: CSI, CNT-XIXÓN, CXT, SUATEA, COLECTIVU DE PARADES-PRECARIES D’ASTURIES, FUSOA, CENTRU SOCIAL SESTAFERIA, ASOCIACIÓN PICU RABICU, ASOCIACIÓN ESCONTRA LA ESCLUSIÓN ALAMBIQUE, ASOCIACIÓN CAMBALACHE, ASOCIACIÓN L’ARCU LA VIEYA, COMITÉ DE DEFENSA DE LA MINERÍA, CENTRU SOCIAL LA SEMIENTE Y PLATAFORMA D’AFECTAES POLA HIPOTECA.


"Sangre en el Movil". Proyeición de documental.


Esti documental realizáu por una cadena francesa, avéranos al incómodu problema que'l llogru de Coltán,(mineral necesariu pa la fabricación mayoritariamente de teléfonos móviles), ta causando nel Congo.

Responsable de matances, abusos y causante de condiciones de trabayu en réxime d'esclavitú, munches con neños por protagonistes.

"Sangre en el movil". Proyéctase esti miércoles día 20 a les 20:00h. (Con puntualidá).
Na proyección esparderase ente la xente información sobro'l Coltán. Y depues entamarase un alderique ente les asistentes.

lunes, 18 de marzo de 2013

Actividá aplazada.

La charra que teníemos pa esti vienres día 22 con  Pablo Iglesias Turrión, col nome de "COMUNICACIÓN Y CRISIS DEL RÉGIMEN" va tener que quedar pa otra, por cuestiones d'axenda del ponente.
Tai sollertes, que ya diremos informando.

Perdonai les molesties.

viernes, 8 de marzo de 2013

9 marzu marcha escontra'l paru...


Marches-manifestaciones escontra'l paru, la corrupción, los retayos y la represión.

Sábadu 9 de marzu. 18:30 h. Plaza del Vaticanu (La Sindical). Avilés-Asturies.

Autobús dende Xixón, con salida a les 17:30 h. de La Gota Llechi (xunta la plaza L’Humedal) y vuelta a les 21:00 h. Preciu: 5 € (pa quien pueda pagalo).

Convoquen: CSI, CNT-Xixón, CGT, SUATEA, Colectivu de Parad@s-Precari@s de Asturies, FUSOA, Centru Social Sestaferia, Asociación Picu Rabicu, Asociación escontra la esclusión Alambique, Asociación Cambalache, Asociación L’Arcu la Vieya, Comité de Defensa de la Minería, Centru Social La Semiente y Plataforma de Afectad@s pola Hipoteca.

jueves, 7 de marzo de 2013

Charra sobre'l "Casu Marea"

Güei vamos conocer meyor como ta l'asuntu del Casu Marea. 
Esti conflictu de corrupción ye'l procesu llegal mas importante anguañu n'Asturies, y güei vamos tener la oportunidá de conocer les sus visicitudes a cargu de Alberto Suarez, abogáu de l'acusación popular.
 

Nun esperes a que la prensa te cuente la verdá, a les 20:00h nel Centru Social Autoxestionáu La Semiente, teneis la actualidá al vuesu alcance.


miércoles, 6 de marzo de 2013

8 Marzu. Día de Llucha.

Dende'l Centru Social Autoxestionáu La Semiente, queremos sumamos a les reivindicaciones y a la xornada de llucha que representa'l DÍA INTERNACIONAL DE LA MUYER TRABAYAORA. Son munchos los años de llucha pola igualdá de derechos ente homes y muyeres, munchos los pasos daos nunes poques partes del planeta, pero munchu el camín qu'enta queda por faer.
Anque últimamente'l sistema absorbió'l día 8 de marzu institucinalizándolu, camuflándolu..., queremos calcar que'l 8 de Marzu ye un día de llucha. Y que queremos remarcar el día del so nome completu; DÍA INTERNACIONAL DE LA MUYER TRABAYAORA, y non el día de la muyer a seques. Porque la llucha pola lliberación de les muyeres nun tien de dir separáu del conceutu de clase, y muncho menos agora nestos tiempos revueltos onde precisamente l'ausencia d'esa conciencia de clase fainos mas débiles y mas probes na reacción. Doblemente reprimíes doblemente esplotáes.
Nun podemos defender la igualdá a ser esplotaes por homes y muyeres, nun podemos defender la igualdá a ser reinaes por homes o muyeres, nun podemos defender la igualdá de ser reprimíes y cutíes por policías homes y muyeres... ´Tanto homes como muyeres tenemos un enemigu común el capitalismu y el so patriarcáu.
Pola igualdá de les persones y contra la esplotación del home pol home, de la muyer pola muyer, del home pola muyer y de la muyer pol home, contra toa esplotación y contra esti sistema que nos quier dividíes... viva la llucha del 8 de marzu.

Dellos apuntes sobre los antecedentes a la celebración d'esti día:

La muyer na Revolución francesa.
Mientres la Revolución francesa la muyer va tomar per primer vegada, de manera colectiva, conciencia de la so situación social. Colando escontra Versalles, al pie de los homes, les muyeres parisines reclamaron la igualdá social sol lema llibertá, igualdá y fraternidá. Les muyeres tamién tomaron conciencia de que naquel momentu la llucha de clases nun contemplaba la llucha de xéneru, esto ye, la plena igualdá social de la muyer pola que teníen de lluchar. Mientres la Revolución francesa produciéronse los primeros pidimientos formales de derechos políticos y ciudadanía pa la muyer.
La reivindicación de la igualdá de la muyer y el movimientu obreru.
Nos sos entamos, finales del sieglu XVIII y principios del XIX, el movimientu obreru caltenía una posición tradicional de corte patriarcal en relación cola igualdá de la muyer y les sos reivindicaciones. Va Ser a mediaos del sieglu XIX cuando los movimientos reivindicativos de la muyer tomen fuerza: llucha pol sufraxu femenín, la reivindicación de la igualdá, la denuncia de la opresión social, familiar y llaboral. Surdieron entós los denominaos movimientos sufraxistes, primeramente d'orixe burgués.
Los primeros grupos feministes nel movimientu obreru van tener como gran aliáu teóricu'l llibru de Friedrich Engels, publicáu en 1884, L'orixe de la familia, la propiedá privada y l'Estáu y van surdir dientro de los movimientos anarquistes que reivindicaben la procreación consciente del proletariáu, la separación ente sexualidá y reproducción, la defensa de la maternidá llibre, la lliberación femenina, la llibertá sexual, la promoción de la planificación familiar, el cuidu de los neños, y l'usu y espardimientu de métodos anticonceutivos artificiales.


Cronoloxía de la celebración del Día Internacional de la Muyer
El 28 de febreru de 1909 celebrar por primer vegada n'Estaos Xuníos el Día de les muyeres socialistes tres una declaración del Partíu Socialista de los Estaos Xuníos.
N'agostu de 1910 la II Conferencia Internacional de Muyeres Socialistes, axuntada en Copenhague, repitió la demanda de sufraxu universal pa toles muyeres y, a propuesta de la socialista alemana Luise Zietz, aprobóse'l resolvimientu propuestu por Clara Zetkin proclamando'l 8 de marzu como'l Día Internacional de la Muyer Trabayadora. La propuesta de Zetkin foi sofitada unánimemente pola conferencia a la qu'asistíen más de 100 muyeres procedentes de 17 países.


Añu 1911 - Primer celebración del Día Internacional de la Muyer Trabayadora
De resultes de la decisión adoptada en Copenhague l'añu anterior, el Día Internacional de la Muyer Trabayadora celebrar por primer vegada'l 19 de marzu n'Alemaña, Austria, Dinamarca y Suiza, con mítines a los qu'asistieron más d'un millón de persones, qu'esixeron pa les muyeres el derechu de votu y el d'ocupar cargos públicos, el derechu al trabayu, a la formación profesional y a la non discriminación llaboral.
Menos d'una selmana dempués, el 25 de marzu, más de 140 moces trabayadores, la mayoría inmigrantes, morrieron na tráxica Quema na fábrica de camises Triangle Shirtwaist de Nueva York. Esti sucesu tuvo grandes repercusiones na lexislación llaboral de los Estaos Xuníos, y nes celebraciones posteriores del Día Internacional de la Muyer fixo referencia a les condiciones llaborales que conducieron al desastre.

Años 1913 y 1914 - Día Internacional de la Muyer antes de la Primer Guerra Mundial
En 1913, nel marcu de los movimientos en pro de la paz que surdieron en víspores de la primer guerra mundial, les muyeres de Rusia celebraron el so primer Día Internacional de la Muyer l'últimu domingu de febreru de dichu añu. En 1914 n'Alemaña, Suecia y Rusia conmemorar por primer vegada, de manera oficial, el Día Internacional de la Muyer el 8 de marzu. Nel restu d'Europa, les muyeres celebraron mítines en redol al 8 de marzu pa protestar pola guerra y pa solidarizase coles demás muyeres.
Tando entá en plena Primer Guerra Mundial, na que yá morrieren 2 millones de soldaos rusos, producióse la Revolución de Febreru, que marcó la primer etapa de la Revolución rusa de 1917 . Na primer metá de febreru de 1917, l'entamu d'una hambruna provocó revueltes na capital Petrogrado, actual San Petersburgo. El 3 de marzu de 1917, la mayor fábrica de Petrogrado, la factoría Putilov cerróse, quedando 30.000 trabayadores en situación desesperada. Anuncióse una fuelga; dispararon a los güelguistes y delles tiendes cerraron, lo que provocó insurrecciones n'otros centros de producción.
El 8 de marzu de 1917. tamien ren Rusia, celebróse una serie de mítines y manifestaciones con motivu del Día Internacional de la Muyer que progresivamente algamaron un fuerte tonu políticu y económicu. Incidentes ente ames de casa nes llargues coles por consiguir pan convertir en manifestaciones bonales contra la monarquía y a favor del final de la guerra. Empezó asina'l llevantamientu popular qu'acabó cola monarquía, ensin preparación nin coordinación de los partíos revolucionarios.


Años 1922 a 1975 - Institucionalización del Día Internacional de la Muyer
Dempués de la revolución d'ochobre, la feminista Alexandra Kollontai (que dende'l so nomamientu como Comisaria del Pueblu pa l'Asistencia Pública llogró'l votu pa la muyer, que fuera llegal el divorciu y l'albuertu) consiguió qu'el 8 de marzu considerárase fiesta oficial na Unión Soviética, anque llaborable. El 8 de mayu de 1965 por decretu del USSR Presidium del Sóviet Supremu de la Unión Soviética de la URSS declaróse non llaborable'l Día Internacional de la Muyer Trabayadora.20
Dende la so aprobación oficial pola Unión Soviética tres la Revolución rusa de 1917 la fiesta empezó a celebrase n'otros munchos países. En China celébrae dende 1922, naquella republica española celebrrose por primer vegada en 1936.
En 1975 la ONU empezó a celebrar el 8 de marzu como'l Día Internacional de la Muyer. N'avientu de 1977, dos años más tarde, l'Asamblea Xeneral de la ONU proclamó'l 8 de marzu como Día Internacional polos Derechos de la Muyer y la Paz Internacional.