martes, 25 de noviembre de 2014

Charra “la estafa Transatlántica”: EL TRATÁU DE LLIBRE COMERCIU EEUU-UE




El Tratáu de Llibre Comerciu EEUU – UE a alderique nel Centru Social La Semiente

La Plataforma Asturiana contra'l Tratáu de Llibre Comerciu EEUU – UE que nestos momentos axusten la Comisión europea y el Gobiernu norteamericanu va ser oxetu d'alderique esti xueves a les 19:30h nel Centru Social La Semiente (C/Eladio Jove, 6, L´Entregu). ONG´s, sindicatos y organizaciones sociales y ecoloxistes de toa Europa tán denunciando'l llamáu TTIP pol so calter antisocial, antidemocráticu y contrariu al medioambiente. Pa los activistes la implantación del Tratáu supondría un retrocesu en materia de derechos sociales y de protección del medioambiente, yá que supondría pa Europa una igualación colos EEXX nestes materies. Ya que la lexislación europea en materia llaboral, social y de protección de la naturaleza ye más avanzada que la norteamericana, los derechos de el trabayadores europeos y la lexislación medioambiental de la UE podría esperimentar un notable retrocesu. Pa falar del TTIP y de les sos consecuencies vamos cuntar cola presencia de Sixto Armán, Javier Cubero y Eva Fernández, activistes de la plataforma.

jueves, 20 de noviembre de 2014

SOLIDARIDÁ CON NOELIA COTELO

Dende'l C.S.A. La Semiente queremos manifestar tol nuesu sofitu a Noelia Cotelo, moza gallega, que lleva 7 años quitada de la llibertá baxo un estrictu réxime d'aislamientu en distintos centros penitenciarios del Estáu español. Noelia entró na cárcel pa cumplir 2 años y 4 meses de prisión, pero la so actitú insumisa y contestataria, fexo que nueves condenes vaigan aumentando la so estancia en prisión, viéndose sometida de forma continua a abusos, vexames y negación de l'asistencia médica.

Esiximos el cese de la tortura, que nun ye sinón una manifestación más, quiciabes la más brutal, del abusu de poder exercíu pol aparatu represor del Estáu, dotáu de plena impunidá pal exerciciu d'esta práctica.

L'Artículu 1 de la Convención de les Naciones Xuníes contra la Tortura y Otros Tratos o Penes Crueles, Inhumanos o Degradantes espónse la definición llegal de tortura, alcordada a nivel internacional:

“(…) va entender pol términu “tortura” tou actu pol cual se someta intencionadamente a una persona dolores o sufrimientos graves, yá sían físicos o mentales, col fin de llograr d'ella o d'un terceru información o una confesión, de castigala por un actu que cometiera o s'abarrunta que cometió, o d'amedranar o coaccionar a esa persona o a otres, o por cualesquier razón basada en cualquier tipu de discriminación, cuando dichos dolores o sufrimientos sían fechos por un funcionariu públicu o otra persona nel exerciciu de funciones públiques, a instigación baxo o col so consentimientu o aquiescencia (…)”.




¡SOLIDARIDÁ COLES PRESES!

¡QUEREMOS A NOELIA LLIBRE! 






martes, 18 de noviembre de 2014

CHARRA: FORU INTERNACIONAL: DERECHOS HUMANOS, MILITARISMU, PARAMILITARISMU Y INVASIONES EN LLATINOAMÉRICA

Esti xueves 20 de payares Nacho González de la organización Soldepaz Pachakuti va falanos de la realidá mexicana y de la llationoamericana en xeneral . Nacho foi l’únicu europeu nel FORU INTERNACIONAL: DERECHOS HUMANOS, MILITARISMU, PARAMILITARISMU Y INVASIONES EN LLATINOAMÉRICA que se fexo a primeros d’agosto, na ciudá capital del estáu d’Oaxaca, México, cola participación de delegaes y delegaos d’organizaciones de 17 países. México ye un país que, por desgracia, ta saliendo últimamente nos medios de comunicación a cuentu de la matanza de 43 estudiantes n'Ayotzinapa.

jueves, 13 de noviembre de 2014

LLAMAMIENTU DE LA SEMIENTE. 14N

LLAMAMIENTU DE LA SEMIENTE A LA MANIFESTACIÓN POLA ABSOLUCIÓN DE LES PERSONES ENCAUSAES NA FUELGA XENERAL DEL 14-N
VIENRES 14 NOVIEMBRE. 19:30 h. XULGAOS DE XIXÓN. ASTURIES.
DENDE LA SEMIENTE QUEREMOS ANIMAR A TOL MUNDU A PARTICIPAR NA MANIFESTACIÓN DEL VIENRES 14 DE NOVIEMBRE, PoLA ABSOLUCIÓN DE LES 6 COMPAÑERES ENCAUSÁES POLA SO PARTICIPACIÓN NA ÚLTIMA FUELGA XENERAL DE VA DOS AÑOS. ASÍ COMO PIDIMOS L'ABSOLUCIÓN DE TOLES PERSONES ENCAUSAES EN TOL ESTÁU ESI DÍA, Y DE TOLES PERSONES ENCAUSAES POR LLUCHAR, EN XENERAL.
Compartimos equí el comunicáu fechu pol FUSOA (Fondu xunitariu de solidaridá Obrera d'Asturies), que tamién faemos propiu:
La represión que impón l'Estáu contra los que lluchen tien un oxetivu claro y fundamental, que ye caltener a les persones más actives y militantes nos distintos conflictos sociales que ponen en cuestión les dinámiques del capital, nun estáu d’incertidume y presión pa que nun sigamos movilizándonos.
Sirve, amás, como un elementu de disuasión y avisu pa otres compañeres y compañeros y trata de convencenos a toos y toes de lo inútil de les nuestres denuncies. Diznos indirectamente que sólo colos sos calces establecíos podemos algamar llogros. Unos calces bien estrechos qu'impliquen qu'aceutemos la so lóxica y les sos maneres, qu'asumamos l'estáu de coses presente como dalgo imposible de cuestionar. Sicasí, la historia, la nuestra historia, la del pueblu vivu que piensa por sí mesmu, la de la clase obrera consciente de sélo, diznos que sólo cola llucha, col enfrentamientu y col cuestionamientu directu de la inxusticia llegamos a avanzar colectivamente.
El 14 noviembre cúmplense dos años de la fuelga xeneral que supuso un punto d’inflesión dempués d’un 2012 cargáu de revueltes. N'Asturies dempués d'una carga premeditada de la Policía Nacional a un piquete de trabayadores de la CSI y la CGT, 4 persones foron deteníes y otres dos, más tarde, tuvieron imputaes por distintos supuestos delitos.
Nesi momentu la rempuesta de la clase obrera en Xixón foi exemplar, arrodiando la comisaría y forzando a la policía soltar a los compañeros deteníos. Esta demostración de que la fuerza de la unidá de la xente actuando directamente, vence a la represión policial, tien que valir pa que sigamos nesa llinia y evitar qu'estos trabayaores imputaos puedan entrar en prisión.
Aparte del procesu del 14 N, n'Asturies enfrentámonos a más casos de represalies por lluchar polos derechos de toos y toes.
Especialmente sangrín ye'l casu de un mineru de Cangas del Narcea al que-y piden 6 años y mediu de cárcel y d'otru solidariu cola minería al que-y piden 3 años.
La represión continúa pero la solidaridá tien que ser más fuerte y tenemos que tar xuntos y nun dexar solos a los compañeros y compañeres que tan sufriéndola por facer frente a les decisiones de los dictadores de la economía. Una economía, la capitalista, onde les pallabres democracia o llibertá tan más vacíes que la cabeza de los sos propagandistes.
Equí como en Gamonal, guerra al Capital. Solidaridá colos que lluchen. Toos y toes a manifestase el 14N.

miércoles, 29 de octubre de 2014

Proyección "Mi Padre estuvo en UHP"

Esti Miercoles 29 d'Ochobre na programación de La Semiente, la proyección yera sorpresa, y pensando nel mes que tamos, ocurriosenos que la meyor opción yera la de visualizar otru film sobre la Revolución Asturiana del 34 nel su 80 cabudañu.

L'escoyiu pa esta xera lleva por titulu "Mi Padre estuvo en UHP", y ye una producción de Carlos Lapena, en collaboración colos nuestros collacios del Centru Social Sestaferia de Xixón. Nesti documental podemos ver una pequeña visión de que pasó equí nel 34 a travies del testimonios de los 2 fíos del hestóricu militante de la CNT xixonesa Jose María Martinez.

La proyección entamará a les 8 la tarde, como siempre con entrada llibre o gratuita, puede fumase y pa echar un gabitu a la autoxestión de La Semiente, teneis a la vuesa disposición una nevera con varios refrixerios.

martes, 22 de julio de 2014

Pesllao por ¿Vacaciones?

 Buenes, aunque paeza que dende la foguera La Semiente morrió, simplemente tabemos de parranda como diz el canciu.

 Ye cierto que dende Xunetu fasta Setiembre, como ya ye costume, les actividaes nel Centru Social La Semiente aparen, ya que falta mucha xente nel pueblu (n'especial los y les habituales de La Semiente), pero dempués del branu tenemos pensao tornar coles piles cargaes y col llocal más guapu, afayaizu y curiosu, pa ello taremos estos meses recoyendo, llimpiando y pintando. Ya vos contaremos con dalguna semeya o vidiu.

Pero antes de despedinos queremos dexabos un regalu que nos fizieron unes mozes na charra-alderique sobre la "Educación Pública", en forma de testu, que apreciamos por tar fechu por xente mozo y pol so desparpaxu al contar la so visión ante xente más vieyo (incluso ante dalgún al que nun-y gusto, problema suyu).

Dende equí da-yos les gracies a Raquel Mlich Salamanca y Claudia Miguel Serena, estudiantes combatives del IES JJ Calvo Miguel de Sotrondio, y tamién a tola xente que paso como ponente, públicu o a echar un gabitu, sin vosotres La Semiente nun sedría ná.



Pasa-y buen branu y vemonos en Setiembre.



ESCUELA PÚBLICA, GRATUITA Y DE CALIDAD

La LOMCE, no es un ataque aislado, sino que es un ejemplo más de los ataques que están sufriendo los servicios públicos, como los recortes en sanidad, reforma laboral, desahucios, la “ley mordaza”, etc.
La LOMCE, una ley que se presenta como una mejora de la calidad educativa, y que supone un ataque frontal a la escuela pública. La Ley, no es una contrarreforma educativa, sino ideológica, utilizando de nuevo la crisis como coartada para crear un nuevo sistema mucho más clasista y segregador que el actual. La LOMCE, no considera que los recursos humanos ni económicos sean indicadores de calidad, por lo que pretenden que más alumnos/as por aula, menos profesorado y menos recursos económicos den como resultado una mejora educativa. Y realmente, esta reforma mejorará sin duda los resultados, pero la explicación es que muchas personas jóvenes nos quedaremos por el camino, sin poder continuar nuestra formación.
Con ella, se establecerá además una clara jerarquía entre centros, ya que se prevé una evaluación externa de resultados en términos absolutos, sin considerar la zona, las circunstancias, la procedencia o las características del alumnado. Además, permite que los centros mediante la especialización curricular lleven a cabo una selección del alumnado. De este modo, un instituto de centro de ciudad, con alumnado de un nivel socioeconómico elevado, conseguiría, teóricamente, mejores resultados que uno de extrarradio, que acoge a alumnado inmigrante, de extracción social, más humilde, y con dificultades de cualquier tipo. El primer centro obtendría más recursos al año siguiente, en función de los buenos resultados, mientras que el segundo estaría abocado a trabajar con las mismas dificultades que el año anterior, pero con menos apoyos por parte de la administración. De este modo, resulta muy complejo nivelar las desigualdades.
Otro aspecto más de la LOMCE, es el poder casi absoluto que concede a los/as directores/as a la hora de aprobar el proyecto de centro, e incluso la selección del personal. Se abre la puerta a ofertar puestos de trabajo con un perfil diseñado a la carta (eliminando así la justa oposición a una plaza en la enseñanza) atribución que se otorga a los/as directores/as, rompiendo así el principio de mérito, igualdad y capacidad para acceder al empleo público.
Los recortes en educación suponen la vuelta de un sistema basado en la elección del alumnado, retirando así la atención a la diversidad, haciendo que estas personas se vean obligadas a salir del sistema educativo, ya que no solo no se les de ninguna facilidad, si no

que se intenta excluirlas en la sociedad. También es un ataque más, y que supone un retroceso de 40 años, y está relacionado con el nivel social y las posibilidades económicas de sus familias, son los recortes en beca a las familias humildes, llevando así, a que los hijos de la clase obrera no seamos capaces a acceder a estudios universitarios.
Nosotras sabemos que no todos llegamos a la escuela en igualdad de condiciones. Algunos/as traen una pesada mochila, cargada de dificultades: problemas de aprendizaje, o pertenecen a un entorno social y/o económico desfavorable; otros/as, en cambio, lo tenemos mucho más fácil. No podemos decir que el modelo actual educativo sea el perfecto, pero si es cierto que proporciona apoyos al alumnado que tiene dificultades, con recursos de atención a la diversidad, o apoyos individuales, que no podrán mantenerse en el futuro de la LOMCE.
Lo que hay detrás de esta Ley es un cambio de modelo educativo, siguiendo la misma tendencia privatizadora que estamos viendo últimamente en todos los ámbitos como la sanidad. La Ley, recién aprobada, elimina la educación en valores, hace desaparecer el trabajo por la igualdad de género y devalúa las enseñanzas artísticas. Propone un modelo en el que,  a tiempo que desaparece la materia de ciudadanía, no solo fortalece la presencia de la religión en las alulas, planteando que tengamos una alternativa evaluable, si no que la sitúa como asignatura fundmental, situándola ya desde primaria, a un nivel superior a materias como E.F., música, un segundo idioma… y en secundaria, le resta importancia tanto a esas materias como a filosofía o dibujo. Nosotras no entendemos esto, ya que creemos que hay cosas más importantes para tratar en un aula, además de que consideramos excesiva su importancia actual, porque queremos una escuela totalmente laica, con la religión fuera de ella. Supone, también, una carrera de obstáculos para el alumnado, implantando constantes exámenes externos, que pueden truncar nuestra evaluación, que hemos sido evaluados positivamente por nuestros profesores/as; la primer reválida es en 6º de primaria, y aunque no sea decisiva para pasar al instituto, quedará reflejada en el expediente del alumno, para empezar a desarmar su futruo; las otras son en 4º ESO y 2º Bachiller, estas si son necesarias para obtener el título, y desmerecen la labor educativa de los profesores que nos dieron clase, ya que esta prueba está hecha por gente ajena al centro, que deciden sobre nuestro futuro en un solo día.
La selección temprana en la ESO, es también un aspecto muy preocupante, porque con esta edad, aún no tenemos por qué tener claro a qué dedicarnos en el futuro. La Ley propone una elección demasiado temprana de itinerarios, dejando atrás materias, o que conducirán a los que tienen dificultades a la FP, ésta se plantea como una opción devaluada, que incluye la FP dual, que no es más que usarnos a los/as estudiantes según les convenga, de mano de obra barata.
Otro aspecto sangrante, es que una de las enmiendas introducidas a última hora en la LOMCE, es que la Administración va a tener la posibilidad de ceder terreno público (propiedad del pueblo) para la construcción de escuelas privadas-concertadas. Esta medida,
no estaba prevista en el texto inicial de Wert, y supone un espaldarazo definitivo a los intereses de la escuela pública."

viernes, 20 de junio de 2014

Foguera San Xuan 2014 L'Entregu - La Fiesta'l Solsticiu

Llega'l branu, y con él una de les folixes más importantes del Centru Social Autoxestionau La Semiente.
Como ya vien pasando estos últimos 3 años, L'Entregu torna a tener una foguera popular, sedrá como nun pue ser d'otra manera la nueche del Llunes 23 de Xunu pal Martes 24. Como otros años el llugar onde va arder la pila va ser el prau que ta al llau del campu futbol “Nuevo Nalón”, y además esti añu somos los unicos nel conceyu que facemos foguera el día San Xuán.

Pela mañana procederase a enramar y engalanar les fontes del pueblu, tradición que animamos a recuperar tamién nel restu de fontes del conceyu (Sotrondio, Blimea, La Güeria, Lantero, y un llargu etc de pueblos,...)

Dende les 20 hores de la tarde del Llunes, apertura de la cantina nel prau, con Cerveza Caleya, Sidra L'allume y otros brebaxes.
Cuando ya llegue la nueche, a eso de les 22 30, una comitiva de cabezudos, gaiteros y otros personaxes van animar les calles de L'Entregu y llamar a la xente pa que venga pa la foguera.

Enantes de que prenda la mecha, va entamar la actuación de la batucada de les collacies “Matu na Cai”, que va prolongase fasta dempués de prender la foguera, que como nun pue ser d'otra manera va ser na medianueche. Esti añu, queremos quemar toles coses males d'esta crisis, y pa ello tenemos preparau un conxuru con munches sorpreses.

Dempués de la foguera, pa la xente que quiera seguir la folixa, además de la batucada va pinchase música bailonga, va haber queimada popular y tamién se fae un llamamientu a los amantes de la música a traer los sos instrumentos pa pasar un ratu agradable de ruiu y diversión.

Como munchos ya sabreis, La Semiente ye un centru social autoxestionau que nin quier ni recibe subvenciones ni públiques ni privaes, y onde se trabaya de manera altruista, la xente que quiera apurrir maera o muebles pue dexalo nel prau dende ya hasta el Llunes a la hora comer.

Recordar tamién que les perres que se saquen, van dir pa mercar material escolar, pa la “3ª Campaña de Recoyida de Llibros y Material Escolar” que tenemos puesta en marcha.

PUXA SAN XUAN! PUXA LES FOLIXES POPULARES!

lunes, 16 de junio de 2014

Documental: Morir en El Tarronal, de Luis Felipe Capellín.


El xueves 19 a les 20:00h nel Centru Social Autoxestionáu la Semiente va presentase el documental MORIR EN ELE TARRONAL de Luis Felipe Capellín. Capellín que va unos meses presentaba el so llibru “Gerrillero Quintana” vualve a L’Entregu pa presentar esta vez el so primer proyectu audiovisal en forma de documental.

Dende Finales de la década de 1940 y hasta la de 1970, esplotóse en Mieres una mina de mercuriu conocía comu "Mina El Tarronal". Trabayaron nella, a lo llargo de dalgo menos de treinta años, ochocientos mineros, de los que güei sobreviven solamente cinco. La mayoría d´ellos morrió ensin llegar a los ciencuenta años.

Na última etapa de les sos vides, amás, tuvo marcá poles secueles y el sofrimientu a causa del mineral. La sociedá asturiana, que tanto debemos a la minería del carbón, desconoz esta otra actividá que, a mediaos del sieglu pasáu, situó a Asturies comu ún de los llugares más importantes del mundu na estracción de mercuriu. Morir en El Tarronal intenta desplicar lo que significó trabayar y vivir naquella mina.

martes, 10 de junio de 2014

III Campaña de Recoyida de Llibros y Material Escolar

Ya casi que tenemos enriba’l fin del cursu escolar 2013-2014, y como nos años anteriores, “La Semiente” tratará d’ayudar a les families de la cuenca a enfrentase de la meyor manera posible al gastu qu’esto supón. Pa ello, tamos arrancando cola que será la III CAMPAÑA DE RECOYIDA DE LLIBROS Y MATERIAL ESCOLAR PAL CURSU 2014-2015

Recoyeremos los llibros y el material escolar que nos queráis dar dend'agora hasta setiembre pa repartir lo que vayamos acumulando a principios del cursu que vien. Como nes ocasiones anteriores, cada quien pué dexar lo que quiera y, en setiembre llevar lo que tope de lo que necesite, sin que seya necesariu por parte les families aportar pa poder dir a recoyer, nin posible por parte “La Semiente” asegurar que quien aporte vaya topar tolo que busque. Siguiendo cola mesma dinamica que los otros años, garramos lo que nos den y repartimos lo que tengamos a quien lo demande. Nun facemos reserves.
Pola experiencia de les anteriores campañes, sabemos que munches families, precisen más ayuda pa facese col material escolar que pa los propios llibros de testu, asina qu’esti añu vamos prestar especial atención a esto, y pa ello vamos dexar pelos chigres del conceyu unes huches nes que podáis ayudanos a recoyer alguna perruca (Ya sabeis que “La Semiente nin tien, nin acepta subvenciones públiques, y que siempre se faen les coses desinteresadamente y gracies al apoyu popular, polo que ya vos damos les gracies d’antemano) Toles perres que nos deis gastaranse en material escolar nes llibreríes y papeleríes del pequeñu comerciu de les cuenques. Tratando de que les perres del pueblu reviertan nos establecimientos del pueblu y evitando no posible les grandes superficies comerciales que precaricen el trabayu y lleven los beneficios pa fuera.
Lo que nos queráis dar, podéis dexalo en llocal de “La Semiente” que ta na calle Eladio Jove Nº6 de L’Entregu (Frente a l’academia Sto. Tomás, detrás del supermercáu “El Árbol”). Tamos abiertos los Llunes de 8 a 10 de la tardi, y los Miércoles y Xueves a partir de les 5.30. tamién podéis contactar con nos llamando al númberu 696209016
Aceptamos:

- Tolos llibros de testu que nos queráis dar d’esti añu y del pasáu, de tolos cursos y de toles escueles y colexos.
- Tou el material escolar que queráis traer. Llibros, llibretes, bolis, llapices, gomes, colores, estuches, carteres, mochiles, mandilones, chandals, etc.
- Donaciones en metálicu pa material escolar.

Como siempre, tratamos d’esparder la idea de que ser vecinos nun ye solamente vivir xuntos. Tamién ye ayudase y tratar de tirar unos per otros.

CONTRA LA CRISIS Y EL PARU, SOLIDARIDÁ POPULAR

lunes, 9 de junio de 2014

Presentación del llibru “Grupos autónomos, una crónica de la transacción democrática” a cargu del autor, Joni D.

Esti xueves día 12 a les 20:00h l’escritor Joni D. preséntanos nel centru Social Autoxestionáu La semiente, el primer llibru que trata d'una manera antropolóxica, hestórica y periodística, la trayectoria de los nuevos miembros de los grupos autónomos armaos que, a partir del MIL y hasta bien entráu'l gobiernu socialista,llucharon contra'l sistema social baxo’l cual vivieron. Una visión d'una parte de la hestoria, escaecida y callada, que, agora, encarase d'una manera valiente pero dafechu distinta a los llibros d'hestoria clásicos, con una estructura bien personal y nada habitual que da'l verdaderu protagonismu a la evolución social y política d'unos mozos en cuenta de faelo sobre los mesmos ellos mesmos.

Sinopsis del llibru:
En septiembre de 1973 yera desarticuláu'l MIL pero aquella razia nun acabó col movimientu autónomu armáu sinón que reforzólu. Les acciones pa intentar evitar la execución de Puig Antich, primero, y les que se llevaron a cabu pa espresar la rabia darréu de matalu, estendiéronse como una mancha aceite.
Un añu dempués de la desarticulación de la OLLA y los GARI morría'l dictador, en poco tiempu pasose de lluchar contra una dictadura fascista a faelo contra una democracia capitalista y monárquica.
Fueron los tiempos en que'l rei xuró los Principios del Movimientu Nacional y la Constitución, el PSOE abandonó'l marxismu, el PCE dexó tras el republicanismu y el capital encontó les bases del sistema social que terminó entartallando social y económicamente a la ciudadanía del estáu español.
Foi una llucha que duró pocu más de diez años hasta qu'en 1984 desmanteláronse los últimos grupos activos.
Esti llibru avéranos a los mozos que formaron parte d'aquellos grupos autónomos que se remontaron ante la gran mentira llamada "transición democrática" y tamién al contestu nel que vivieron: la contracultura, l'autonomía obrera, la clandestinidá y, poques gracies, la represión. La muerte del Jebo, al españar l'artefactu que manipoliaba en Toulouse o l'asesinatu d'Agustín Rueda na cárcel de Carabanchel formen parte d’esa hestoria callada.

Notes sobre l'autor:
Joni D. nació en 1968 y dende bien mozu fexo xirar la so vida alredor de la cultura. Ente 1982 y 1996 fexo de músicu, cantante, periodista, editor fonográficu y promotor, siempre d'una manera non profesional nel sentíu económicu de la palabra. En 1997 creó la empresa de promoción musical Hace Color, con dalgunos de que los sos grupos, como Cheb Balowski, La Kinky Beat, Joxe Ripiau o Fermin Muguruza, dio, polo menos, media vuelta al mundu.
A finales del añu 2010 publicó'l so primer llibru "Que pagui Pujol! Una crónica punk de la Barcelona de los 80", un llibru que pañaba les sos memories de mocedá y que recibió una gran respuesta per parte de crítica y públicu. Foi, amás, el primer llibru d'una nueva editorial cooperativista, La Ciutat Invisible. La resultancia de la collaboración ente la nueva editorial y el novel autor foi totalmente inesperáu: más de 3000 copies vendíes en dos años incluyendo una edición en castellanu ocho meses dempués de la primer distribución del orixinal.

miércoles, 28 de mayo de 2014

Charres d'esta semana / "Mitoloxía Asturiana" // "Efectu Gamonal" + presentación poemario "Porque Gritamos" + pincheucu

Esta última semana del mes de Mayu Pitayu vien cargá d'actividaes per interesantes, que entamen güei cola habitual proyeción de cine, que nesti casu va a ser "Bestias del sur salvaje"

A partir del Xueves La Semiente va llenase de conteníu con dos charres de temátiques estremaes.
El mismu Xueves a partir de les 20:00hores va tar nel centru social Alberto Alvarez Peña falandonos de tradición oral y mitoloxía n'Asturies. Alberto ye dibuxante, escritor y etnógrafu. Autor de llibros como "Asturies Máxica, un viaxe illustrau pela mitoloxía asturiana" o "Simboloxía máxico tradicional", apurrió illustraciones en obres como el "Libro de la gaita" y ye un de los creadores del Salón del Comic de Xixón.

Pal Vienres la temática cultural, dexai pasu a lo social, y nesti casu con unos invitaos que vienen dende Burgos.
A partir de les 19hores van tar con nos Fernando, Marcos, Aida y Angel, que son miembros de la Asamblea del barriu obreru burgalés de Gamonal, onde va unos meses les protestes vecinales escontra'l Bulevar que allí se taba contruyendo resonaron en tol Estau Español y acabaron llogrando la parallización total de les obres.


Además lleguen con un poemariu baxo'l brazu nomau "¿Por qué gritamos?", el cuál nos van presentar y del que nos van recitar dalgunos cachinos. Pa finar y confraternizar un poco habrá un pincheu (haber si rascamos daqué pa financiar el viaxe d'esta xente)

El Centru Social Autoxestionau La Semiente ta na calle Eladio GJove Nº6 de L'Entregu y ta abiertu a tola xente los Miercoles y Xueves a partir de les 17:30. Les asamblees, que tamién son abiertes son los Llunes a les 20 y toles actividaes son de baldre.




martes, 20 de mayo de 2014

La Madreña NUN SE PIESLLA!

Equí vos dexamos el granín solidariu de La Semiente pa col nuesu centru social collaciu "La Madreña" d'Uvieu.

Como ya sabreis, el TSJA dictó la orden de desagospiu d'esti centru social okupau de Uvieu que durante más de 2 años lleva dando agospiu a una montonera de colectivos sociales y culturales, además de acoyer milenta actividaes alternatives como charres, talleres, conciertos o asamblees.

L'edificiu que agora acueye La Madreña, ye un pelotazu urbanísticu chanchulleau pola Operación de los Palacios y los sobrecostes del Calatrava. Pa colmo, la idea que tien la empresa SEDES (con un ERE y participá pol Gobiernu del Principau) ye pesllar y precintar l'edificiu, privando a Uvieu y a Asturies d'un espaciu afayaizu, autoxestionau y popular, que además nun costaba ni un duru a los asturianos.

Por too esto, mañana Miercoles nun vamos tener cine en La Semiente, ya que vamos tar sofitando La Madreña a les 20:00hores, na manifestación que convoquen en defensa d'esti espaciu okupau.

DESAGOSPIEMOS LA CORRUPCIÓN!
SALVEMOS LA MADREÑA!





jueves, 15 de mayo de 2014

AUTOBUSES A LA MANIFESTACIÓN DE LES ASAMBLEES DE TRABAYADORES EN LLUCHA N'ASTURIES

AUTOBUSES A LA MANIFESTACIÓN DE LES ASAMBLEES DE TRABAYADORES EN LLUCHA N'ASTURIES, A LA ESCONTRA LOS DESPIDOS Y LOS PIESLLES D'EMPRESA.

MANIFESTACIÓN: SÁBADU 17 MAYU. 18:00 h. PLAZA D'AMÉRICA. UVIÉU. ASTURIES.

Dende les Asamblees de Trabayadores en Llucha n’Asturies infórmennos de que van ponese autobuses, dende estremaos puntos de Asturies, p'allegar a la manifestación convocada pal sábadu 17 mayu.

Los puntos de salida van ser:

-Avilés: 17:00 h. Nel Parque’l Muelle (onde paren los autobuses urbanos).
-Xixón: 17:00 h. Plaza L’Humedal (Gota Lleche).
-L’Entregu: 16:30 h. Frente al chigre El Semáforu.
-La Felguera: 16:45 h. Estación d'Autobuses.
-Mieres: 17:00 h. Calle Xixón 38 (frente al chigre Rian).

La vuelta va ser acabante la manifestación (aprosimao a les 20:00 h.). El preciu d'ida y torna ye de 4,5 €, pa quien pueda pagalo (va ser de baldre pa les persones con torgues económiques).

P'apuntase, hai que llamar al teléfonu 985 35 42 63, indicando'l nome y el llugar del que se va salir. El caberu día p'apuntase va ser el vienres 16 de mayu, hasta les 12:00 h.

miércoles, 14 de mayo de 2014

Actividaes de Mayu Pitayu y Mesa Redonda "Educación Pública"

Equí vos dexamos el cartel coles actividaes d'esti mes de Mayu onde podeis atopar cine, charres per interesantes y como siempre nesti mes del añu la Xuntanza Malabar de L'Entregu.

Dende esti blog, además, queremos convidabos a la mesa redonda que organizamos, coincidiendo colos caberos coletazos del cursu escolar, sobre la Educación Pública, la cuál creemos que será más interesante cuantes más intervenciones produzcanse nel alderique.

Arrimate a La Semiente!

martes, 29 de abril de 2014

Bloque de colectivos nel 1 de Mayu.

El Fondu xUnitariu de Solidaridá Obrera d'Asturies (FUSOA) y el Centru Social Autoxestionáu La Semiente, fain un llamamientu a los colectivos y persones afines a dir xuntes na manifestación de 1 de Mayu en Xixón.

Particípese d'esti bloque o non, los dos colectivos animamen a la xente a participar nes manifestaciones convocaes por CSI, CGT y SUATEA en Xixón, y por CNT en La Felguera.

Son tiempos de llucha y de resistencia, el Capital sigue apretando les tuerques con virulencia y la rempuesta de la clase obrera tién que elevase al mesmu nivel, polo que'l 1º Mayu tién que ser una demostración de fuerza de les organizaciones y colectivos que nun compadreen col Capital, pa que la llucha y solidaridá de la clase obrera tenga más puxu que nunca esi día, y tamién el 2 de Mayu, el 3 de Mayu... y tolos díes del añu.

Como vién demostrándose nos últimos tiempos, son tiempos d'autoxestión y anticapitalismu, de tomar la iniciativa, de formar asamblees de trabayadores, d'abrir espacios autoxestionaos, de volver a tomar la tierra y algamar la soberanía alimentaria, de plantá-y cara al patriarcáu, de tar al lláu de les y los que lluchen, tanto nel combate como durante los procesos represivos derivaos d'él... pa faer fuercia, fa faer un garapiellu duru, animámovos a participar nun bloque dientru de la manifestación en Xixón, xunto a colectivos hermanos como'l FUSOA y el Centru Social La Semiente, que se reunirá a les 12:00 hores na Plaza'l Presi (Barriu'l Carmen) p'acudir xuntos y xuntes dende allí a la convocatoria que sal a les 12:30 de la Plaza l'Humedal.


Darréu de la mani, el FUSOA organiza, como cada añu, una pequeña folixa y pinchéu (gastronómicu y musical) nel Centru Social Sestaferia, col oxetivu de sacar unes perres pa siguir apoyando a les y los que lluchen, y aumentar los fondos necesarios pa ello.




jueves, 24 de abril de 2014

Actividá anulá. Pa otra.

La charra/alderique de presentación de los nuevos numberos de Periódico Diagonal, Periódico Diagonal Asturies y la revista Atlantica XXII, prevista pa esti xueves día 24 va suspendese hasta que cuadre meyor. Por dellos motivos la charra nun pue celebrase, pero tai atentes porque si nun ye d'esta va ser d'otra cuando podamos tener una interesante presentación d'estos medios y un alderique alrodiu de la lliberta d'espresión y la llibertá de prensa.
Nesti sen, préstanos compartir con toes vosotres la noticia sobre la sentencia favorable al periodista Xuan Candano, que diba ser un de los ponentes de la charra, y sobre'l que cai una caza bruxes (nesti casu pola UGT) pola mor del so periodismu d'investigación y nun mordese la llingua y sacar les coses a la lluz. Munches de les veces secretos a voces na cai, pero que nengún mediu "comunicación" quier asoleyar.
http://www.atlanticaxxii.com/2414/el-juez-anula-la-sancion-candano-y-alude-la-venganza-de-ugt

martes, 22 de abril de 2014

III Aniversariu de La Semiente.



Préstabanos convidar a toles persones y colectivos que nestos tres años coles puertes abiertes pasastes pel centru La Semiente. Fueron munches les esperiencies vivíes y con muncha xente de distintes tendencies idiolóxiques, filosófiques y culturales; y préstábanos que participaseis una vueltita mas d’esi espíritu plural nuna folixuca modesta nesta la vuestra casa, nesti el vuestru requexu.
Munches gracies a toes por taar ehí y compartir con nosotres tiempu, espaciu y lluches durante estos tres añinos.

SALÚ!


Centru Social Autoxestionáu La Semiente.
Vienres 25 d’Abril (güeveril)
De 19:00 H. a 11:30H
Pinchéu pa too quisqui!
(si ques tayer daqué pa compartir…)
Música, confraternización folixuca…
Cerveza Caleya y tarta!
 

La Semiente col 1º de Mayu. La Semiente cola clase trabayaora.Manifestaciones en Xixón y La Felguera

Un año más, el primer día del mes de Mayu cellebrase el día de la clase trabayaora. Conmemorase aquella huelga pola xornada llaboral de 8 hores entamada en los EEUU, que por desgracía acabó con varios obreros asesinaos en Chicago, los nomaos "Martires de Chicago"...

Nun vos damos más chapa hestórica, ¿Tamos n'otros tiempos? ...

Nosotres nun lo tenemos tan claro, por eso creemos, que siguiendo como sigue esti sistema canibal, pasando la so cuchilla económicista y autoritaria sin remordimientu ante la xente explotada.
Colos deshaucios, la dictadura de los mercaos y les élites financieres, la explotación llaboral, de la muyer, la aculturización de la población y la represión ante los movimientos obreros y populares, por nomar dalgunos crímenes.

Creemos que el 1 de Mayu además de conmemorar, tien que ser un día pa reivindicar, tar nes calles y lluchar por otru mundu meyor.
Por eso animamos a tol mundiu a ello, y convidamosbos a dir a les manifestaciones que se convoquen n'Asturies, y proponemosbos dos (hai otra pero ya tará per anunciada en La nueva españa)

- En Xixón, con CSI, CGT y SUATEA

















- En La Felguera con CNT (a les 12 nel Parque Vieyu de La Felguera)


















lunes, 31 de marzo de 2014

COMUNICADO DE ¡ASTURIES EN PIE!


Al tenor de lo visto en algunos medios de comunicación, la Unidad de Intervención Policial (UIP), popularmente conocida como “antidisturbios”, parecen estar en medio de una campaña de promoción de imagen.

Concentraciones, intervenciones en los medios de comunicación, artículos periodísticos, etc., parecen intentar convencernos del maltrato social al que los agentes de la UIP están siendo sometidos y de la necesidad de reivindicar su dignidad laboral.

Pero mal empezamos si, a las primeras de cambio, un portavoz policial se descuelga, en una de estas concentraciones, con unas declaraciones en la que afirmaba que “...en democracia la policía siempre tiene razón...”.

Durante los últimos años todos y todas fuimos testigos, en toda la geografía del Estado español, de brutales actuaciones policiales que no merecieron ningún tipo de protesta por parte de los agentes de la UIP.

Miles de personas heridas a manos de la policía e, incluso, hospitalizadas, no merecen tampoco su atención. Ojos sacados por pelotas de goma, muertes como la de Íñigo Cabacas, torturas demostradas judicialmente en las comisarías, niños heridos (como en Pola Lena), desahucios realizados con inusitada violencia, la escandalosa muerte de inmigrantes en Ceuta, los allanamientos con gran violencia de sedes de organizaciones políticas, sindicales y sociales, las continuas denuncias de Amnistía Internacional por el continuo uso excesivo de violencia contra manifestantes, seis condenas al Estado español por parte del Tribunal Europeo de Derechos Humanos por no investigar torturas..., todo ello, no fue motivo para que los sindicatos policiales realizaran concentraciones y pidieran dimisiones.

Aquí, en Asturies, también tenemos suficientes ejemplos. En la huelga general del 14-N, los agentes de la UIP golpearon innecesariamente y con saña a un piquete informativo, cuya única arma de defensa eran los panfletos que llevaban en las manos. Incluso allanaron la sede de las organizaciones sindicales, provocando decenas de personas heridas, muchas de las cuales tuvieron que ser atendidas por el SAMU, necesitando, algunas de ellas, de intervención quirúrgica.

Pero curiosamente, la Fiscalía y el Juzgado archivaron las denuncias presentadas por las personas heridas, a pesar de que, en alguno de los casos, el propio informe forense advertía de la posible comisión de delito por parte de los agentes de policía.

Podríamos seguir así, horas y horas, en un interminable recuento de represión pura y dura. Debido a ello, un buen número de organizaciones sindicales y colectivos sociales asturianos se unieron para desarrollar una campaña por la Justicia Social y contra la represión, en la que la lista de personas represaliadas, enjuiciadas y multadas se hace cada día más extensa. Pero ninguno de los cientos de miles de casos que pudiéramos contar, haría que los sindicatos policiales o los agentes de la UIP movieran un solo dedo.

Mientras tanto, la situación económica se hace insoportable: paro salvaje, pobreza generalizada, pobreza severa, desnutrición, muertes por ausencia de calefacción, muertes por abandono sanitario en los pasillos de los hospitales, personas dependientes abandonadas a su suerte, grandes capas de la población sin acceso a alimentos y medicinas, miles de familias sin viviendas, millones de personas sin ningún tipo de ingreso económico... Un informe reciente sitúa al Estado español como el segundo estado con más pobreza infantil (menores de 18 años) de la Unión Europea, solamente superado por Rumanía.

Pero, como dijimos anteriormente, nada de esto parece afectar a los sindicatos policiales y a los agentes de las UIP. Ellos, simplemente, se limitan a obedecer órdenes y, ejecutando estas órdenes, a hacer de la violencia desmedida y de la represión, su “puesto de trabajo” (parece ser que sus escasos 2.000 € de sueldo y su continua movilidad “laboral”, hacen insoportable su “trabajo”. Quizá cambiarían su punto de vista, si se vieran obligados a trasladarse indefinidamente, a miles de kilómetros y por sueldos de 600 €, como hacen cientos de miles de trabajadores y trabajadoras del Estado español. Sobre todo, si cualquier protesta que realizaran fuera contestada con una buena ración de lo que ellos llaman “su trabajo”).

La realidad es que este sistema capitalista no sirve, por mucho que le reformemos, lo democraticemos o lo reconstituyamos. Un sistema capitalista que nos gobierna y nos condena al paro y la miseria sin darnos otra alternativa que salir a la calle a pelear por nuestros derechos más básicos.

Criminal es el sistema capitalista y criminales son quienes están en los poderes políticos y económicos, amasando fortunas e infringiendo un sufrimiento al pueblo, que ya no podemos seguir tolerando.

Y la explosiva situación social que se está creando, está siendo contestada desde el Gobierno con una escalada desproporcionada de la represión, en la que la brutalidad policial, las detenciones y encarcelamientos arbitrarios y la proliferación de exageradas sanciones económicas sin ningún sentido, hacen desaparecer en la práctica todos los derechos y libertades civiles.

Así las cosas, ya no se trata de un debate sobre la violencia. ¿A quién le gustan los enfrentamientos en los que puedes terminar con la cabeza abierta y los huesos rotos?, ¿quién quiere arriesgarse a terminar detenid@, enjuiciad@ e, incluso, en prisión?. Nadie escoge voluntariamente esta opción.

Pero también tenemos muy claro que, mientras unos pocos continúen ahogándose en dinero y en poder, seguiremos luchando, con todos los medios a nuestro alcance, para que nuestros hijos e hijas reciban como herencia algo mejor que la pobreza y la miseria.

(¡Asturies en Pie! está formada por diferentes sindicatos de clase y colectivos sociales de Asturies entre los que estamos La Semiente).

MOVILIZACIONES EN SOLIDARIDÁ COLES QUE LLUCHEN POR UN ALBUERTU LLIBRE, SEGURU, LLEGAL Y DE BALDRE.


MOVILIZACIONES EN SOLIDARIDÁ COLES QUE LLUCHEN POR UN ALBUERTU LLIBRE, SEGURU, LLEGAL Y DE BALDRE.

XUEVES 3 D'ABRIL. 19:30 h. PASUCAIS DENDE LA SEDE’L PSOE HASTA LA SEDE’L PP. XIXÓN. ASTURIES. Y DEMPUÉS FOLIXA-PINCHOTÉU SOLIDARIU EN SESTAFERIA, LES PERRES DIRAN PA LA CAXA DE RESISTENCIA.

LLUNES 7 ABRIL. 09:45 h. QUEDAMOS NA CASA SINDICAL DE XIXÓN PA DIR A LOS XULGAOS, ONDE VA CELLEBRASE’L XUICIU A LES IMPUTAES POR REALIZAR PINTAES REIVINDICANDO L’ALBUERTU LLIBRE, SEGURO, LLEGAL Y DE BALDRE.

TAMIÉN VAMOS SOLIDARIZANOS COL COMPAÑERU DE PARA@S Y PRECARI@S D’ASTURIES, QUE VA SER XULGÁU, A LA MESMA HORA, POR REALIZAR PINTAES A LA ESCONTRA’L PARU.

ENTAMA: ¡ASTURIES EN PIE! (Formen parte de ¡Asturies en Pie!: CSI, CGT, CNT, SUATEA, FUSOA, CENTRU SOCIAL AUTOXESTIONÁU LA SEMIENTE, PARA@S Y PRECARI@S D’ASTURIES, CENTRU SOCIAL SESTAFERIA, ASOCIACIÓN PICU RABICU).

SOFITA: PLATAFORMA FEMINISTA D’ASTURIES.

Dende ¡Asturies en Pie! queremos faer pública la nuesa solidaridá colos y coles compañeres que salen a la cai a lluchar por una sociedá más xusta y amosar la nuesa refuga a la escontra la represión que sufren les persones que nin se conformen nin se rinden.

Apocayá llegaron comunicaciones a compañeres/os pa varios xuicios el próximu llunes 7 d'abril a les 10:00 h nos Xulgaos de Xixón (al lláu de la estación de FEVE). Les paredes glayaron a la escontra’l paru, la precariedá llaboral y la emigración forzosa, les paredes glayaron a la escontra la llei del abortu, y dalgunos “bonos” ciudadanos (deben ser a los que nun-yos afeuten nin los retayos, nin los despidos, nin los desahucios, nin la precariedá, nin la falta drechos n’educación, sanidá,…y esi llargu etc que’l restu la sociedá sofrimos día ente día, porque si non nun se pescancia) decidieron llamar a la policía ya inclusu sacar semeyes.

Dempués siguieren p’allantre coles denuncies y reclamaciones la Universidá y el SESPA, dependiente de la Conseyería de sanidá. Hipocresía. El PSOE, esi mesmu que con tanta enerxía vemos despolvoriar la bandera violeta y quier testerar el refugu a la reforma de la llei del albuertu de Gallardón, o tanto crítica les reformes llaborales de Raxoy, ye’l mesmu PSOE que mos lleva a xuiciu cuando protestamos, supónse que poles mesmes razones.

Y más hipocresía. Esa xente que tanto se quexa, que tanto fala, dende’l chigre o’l sofá, de lo mal que ta’l mundu ye la mesma xente que se siente “bona” ciudadana denunciando a quien peleen pa camudar eso que dicen que ta tan mal y ye tan inxusto. Si dalguna d’esa bona xente tais lleendo esto, esperamos que se vos caíga la cara vergoña por denunciar a les persones que dan tolo que tienen pa que la vuesa vida, y la de toes y toos, seya meyor. Y sabei que si optaís pol opresor, nós siempre taremos enfrente.

L’espaciu públicu común privatizóse. Agora ye de les grandes empreses y los grandes partíos políticos que pueden financiálu a costa de nós. Los nuesos problemes, esmoliciones, opiniones y los nuesos drechos nun tienen sitiu. Nós nun tenemos valles publicitaries al nuesu serviciu, nin radios nin periódicos nin televisiones con gran financiamientu. Nós tenemos les nueses voces, les cais y les muries y nun pensamos arrenunciar a ello por más represión que nos impongan ni por más chivatos qu’atopemos nel camín.

Agora la represión llámase multa: más individual y más silenciosa pero igual de dañible ya inxusta cuando recai sobre un pueblu cada vegada más aprobetáu. Por eso tenemos de resistir. Recuperemos la cai, recuperemos les muries, recuperemos l'espaciu común, recuperemos la voz, y glayemos al alto la lleva pa francer les cadenes y la mordaza que quieren imponenos.

Quiérennos con mieu, sumises y esclaves. Nós respondemos con unidá y solidaridá:

¡Si mos toquen a una, tóquenmos a toes! ¡Énte la represión, denguna persona sola!
¡Xusticia social!.

martes, 25 de marzo de 2014

IV Gran Timba Poétika de La Semiente. (Poesia, conciertos, fanzine...)

IV Gran Timba Poétika de La Semiente. (Poesia, conciertos, fanzine...)
Vienres 28 de Marzu. 20:00h Instalaciones del campu futbol d'El Corvero.
- Presentación del fanzine Nº 1 " Manual de Cultivo de la Vida salvaje".
- Poetes timberikes. Les habituales y non habituales de les timbes van dir desgranando les sos creaciones a pelo o con acompañamientu.
- Conciertu: 13 Palabras + Macho de Feria. Van perpretar entemecíos les so composiciones poétiques acompañaes de contundentes bases musicales. O lo que ye los mesmo, un bon conciertu raperu!
Vamos tener sidra, vino, calomocho... y Cerveza Caleya!!

Too ye de baldre menos les consumiciones, claro.


martes, 18 de marzo de 2014

XUEVES 20 MARZU. 19:00 h. PLAZA L’HUMEDAL. XIXÓN. ASTURIES.

LLAMAMIENTU DE ¡ASTURIES EN PIE! A PARTICIPAR NA MANIFESTACIÓN “NIN UN PARÁU NIN UNA PARADA NIN UN PIESLLE D'EMPRESA MÁS N’ASTURIES”, CONVOCADA POLES ASAMBLEES DE TRABAYADORES EN LLUCHA N’ASTURIES.

XUEVES 20 MARZU. 19:00 h. PLAZA L’HUMEDAL. XIXÓN. ASTURIES.

Les organizaciones y coleutivos que formen parte de ¡Asturies en Pie!, faen un llamamientu al pueblu asturianu a participar na manifestación que, sol lema “Nin un paráu nin una parada nin un pieslle d'empresa más n’Asturies”, va salir el próximu xueves 20 marzu, a les 19:00, de la plaza L’Humedal de Xixón.

Esta manifestación ta convocada polos y poles trabayadores d'un bon númberu d'empreses en conflictu llaboral, que, apocayá, encadarmaren n’Asturies un frente d'unidá obrera, coles mires de sumar fuerces a la de caltener los puestos de trabayu, evitar el zarru les empreses y caltener los sos derechos llaborales.

N’Asturies y nel Estáu español, la realidá entama a dar vértigu. Un trabayu dignu, una vivienda, un hospital, una escuela, la universidá, inclusive les medicines, la eletricidá o'l gas, empiecen a tornase en luxos demasiáu caros que ¡les y los trabayadores yá nun podemos permitinos. Hasta los mesmos alimentos dexaron de tar garantizaos pa toos y toes.

La gran mayoría de la clas obrera asturiana yá nun trabaya en grandes empreses o seutores gproiductivos. La gran mayoría de la clase obrer asturiana nin siquier trabaya o lo fai en trabayos precarios con sueldos que yá nun dan pa comer. La gran mayoría de la clas obrera asturiana ta embocada a la miseria. Esa ye la realidá.

Asturies nun puede permitise nin un paráu nin una parada nin un pieslle d'empresa más; tenemos la obligación de lluchar y aguantar con toles consecuencies, porque vanos la vida nello. La nuesa y la de los nuesos fíos y fíes. Nun vamos consentir que desmantelen Asturies y la tornen nun desiertu ensin otra alternativa que la emigración o la probitú.

Vamos siguir la marraza y a ganar na cai lo que nos roben nos despachos.

Formen parte de ¡Asturies de pies!: CSI, CGT, CNT, SUATEA, FUSOA, CENTRU SOCIAL AUTOXESTIONÁU LA SEMIENTE, PARA@S Y PRECARI@S D’ASTURIES, CENTRU SOCIAL SESTAFERIA, ASOCIACIÓN PICU RABICU.