martes, 25 de febrero de 2014

La nueva Llei del Albuertu a información y alderique en L’Entregu.




Nos últimos meses una de les conquistes sociales algamaes nel terrén de la muyer volvió a l'actualidá política. La nueva Llei del  Albuertu propuesta pol ministru Gallardón llevantó angüeñes en tolos sectores qu'abogen polos derechos de la muyer, pero nestos tiempos onde la saturación d'información afonda mas na desinformación ye necesario parar y analizar realmente los aspeutos d'esta llei y les sos repercusiones non solo na llibertá de la muyer sinón sociales en xeneral. Pa ello, el Centru social Autoxestionáu La semiente entama una charra alderique na Casa Cultura de L’Entregu esti xueves día 27 a les 19:30h. Les ponentes van ser, Nuria Rodríguez de la Plataforma Feminista d’Asturies y María Corral, de Muyeres en Llucha CSI.

COMUNICÁU DE ¡ASTURIES EN PIE! NA PRESENTACIÓN DE LA CAMPAÑA POLA XUSTICIA SOCIAL.

COMUNICÁU DE ¡ASTURIES EN PIE! NA PRESENTACIÓN DE LA CAMPAÑA POLA XUSTICIA SOCIAL.


Dende va dos años, un bon númberu d'organizaciones sindicales y coleutivos sociales decidimos xunir fuerces en ¡Asturies en Pie!.

Demientres 2013 desenvolcamos numberoses movilizaciones n’estremaos puntos de la xeografía asturiana. Los rescates millonarios a la banca, el fraude fiscal, la economía somorguiada, la corrupción, l'acoso y baltamientu de la Sanidá, la Educación y los Servicios Sociales públicos, el xorrecimientu la probeza, el paru esbocao, l'ataque fulminante a los derechos llaborales de les y los trabayadores, la represión a la escontra cualquier triba protesta social o'l derechu de les muyeres a decidir sobre la so maternidá, fueron dalgunes de les cuestiones que les movilizaciones de ¡Asturies en Pie! llevaron a les cais.

En ¡Asturies en Pie! nun pretendemos ser un nuevu foru d'alderique, sinón un preséu de llucha y movilización. Y, magar qu'intentamos xunir estremaes lluches seutoriales, nun pretendemos aglutinar la totalidá la protesta social, porque somos conscientes de que naide tien la capacidá de faelo. Solamente pretendemos ser una ferramienta más, de les munches qu'esisten n’Asturies, que sía útil p'algamar les reivindicaciones obreres y populares poles que tamos engarrando.

Sicasí, en ¡Asturies en Pie! compartimos delles idees básiques. Somos clas obrera y lluchamos pola clas obrera. Somos d'izquierda, buscamos el fin del capitalismu y creemos que tienen de ser los y les trabayadores quien lideren esta llucha popular y social.

Nun hai dulda de que l’avance’l sistema capitalista ye un fechu cada vegada más real. Nun ye ciertu que'l capitalismu tea en crisis. La so fuerza xorrez de cutio y, preba d'ello, ye la constante perda de derechos que la clas trabayadora tamos sufriendo, non yá nel Estáu español, sinón en tol planeta.

Fame, miseria, guerres creaes artificiosamente..., too val con tal d'apoderase de los recursos mundiales y asitiar nel poder a Gobiernos que nun son otra cosa que cómplices al serviciu los grandes poderes y potencies del mundu. Gracies a ello, millones de persones muerren, víctimes de la fame, la sede, los conflictos bélicos, el trabayu esclavu, el totalitarismu y les inhumanes condiciones de vida impuestes pol capitalismu.

Equí, n’Asturies y nel Estáu español, la realidá entama a dar vértigu. Un trabayu dignu, una vivienda, un hospital, una escuela, la universidá, inclusive les melecines o la eletricidá, empiecen a tornase en luxos demasiáu caros que los y les trabayadores yá nun podemos permitinos. Hasta los mesmos alimentos dexaron de tar garantizaos pa toos y toes.

La gran mayoría de la clas obrera asturiana yá nun trabaya en grandes empreses o sectores productivos. La gran mayoría de la clas obrera asturiana nin siquier trabaya o faelo en trabayos precarios con sueldos que yá nun dan pa comer. La gran mayoría de la clas obrera asturiana ta empuesta a la miseria. Esa ye la realidá.

Per otru llau, el deterioru los servicios públicos, sía sanidá, tresporte o educación, que casi siempres obedez a una estratexa empobinada a favorecer les privatizaciones, supón un ataque más a les condiciones de vida de la clas trabayadora.

Mentantu, unos pocos amasen fortunes y poder a cuenta la miseria de munchos, y el dineru que precisamos pa sobrevivir, súmese peles alcantarielles de la corrupción y les estafes de la banca y la patronal. Y nun se trata solamente de qu'unos cuantos políticos, banqueros y empresarios tean repartiéndose beneficios ilícitos debidamente ensobrados. Ye'l mesmu sistema capitalista lo que ta corrompíu hasta'l migollu y namás finando col capitalismu vamos poder atopar igües a los problemes que tenemos.

Pero, anguaño, pidir coses tan básiques como un trabayu dignu, un hospital onde curase, una casa onde vivir o una escuela onde estudiar, págase con multes, golpes, xuicios y cárcel. La llamada Llei Mordaza aumenta esponencialmente la represión y derechos como'l de xunta y manifestación entamen a ser parte’l pasáu. Les sées de les organizaciones polítiques, sindicales y sociales empiecen a ser asaltaes y la represión a la escontra les muyeres llega a impone-yos la obligación de ser mas a la escontra la so voluntá. Asina de criminal ye'l sistema capitalista y asina de criminales son los gobiernos que lu faen posible.

Nesti sen, dende ¡Asturies en Pie! vamos sofitar a cualisquier persona represaliada de resultes de la so participación nes estremaes lluches sociales que se tán dándose n’Asturies o en cualesquier fastera’l mundu. ¡Nin una persona sola énte la represión!, ¡nin una persona sola na llucha pola xusticia social!.

¡Asturies en Pie! pretende ser una ferramienta útil nesta engarradiella. Nun ye una organización nin un movimientu nin una plataforma. ¡Asturies en Pie! ye una conseña de llucha y resistencia obrera y social: lo que ta en xuegu nun son sólamente los nuesos derechos llaborales y sociales, sinón la nuesa mesma supervivencia.

Poner Asturies en Pie significa faer frente a esta realidá y atopar la nuesa mesma forma d'organizanos, la nuesa mesma forma de movilizanos y la nuesa mesma forma de construyir el futuru.

¡NIN UNA PERSONA SOLA ÉNTE LA REPRESIÓN!. ¡NIN UNA PERSONA SOLA NA LLUCHA POLA XUSTICIA SOCIAL!.


Que se enteren que tamos fartes/fartos de despilfarru

NON A LA PRIVATIZACIÓN D'EQUIPAMIENTOS PÚBLICOS
NON A QU'ESA PRIVATIZACIÓN SÍA UN REGALU PA UN EMPRESARIU


CONCENTRACIÓN ESTI XUEVES 27, A LES 17:30 EN SOTRONDIO, DELANTRE DE LA CASA CONCEYU
-Recordamos que l'antigua sierra del Trabanquín forma parte del patrimoniu industrial arqueolóxico de Samartín.
-Que gastáronse 800.000 € nel so arreglu y equipamientu.
-Que pretenden da-ylo a un empresariu por un periodu de 15 años y un arriendu risible de 380€ mensuales.
- Qu'amás el proyectu de xestión presentáu por esti empresariu nun algama un mínimu de valoración aceptable, siendo bien deficiente.
-Qu'esisten series duldes sobre si la empresa en cuestión cumple colos requisitos llegales.
-Que cunta con tres naves, diez sales equipaes, estudiu de grabación equipáu, bar equipáu , 1.200 m2 d'usu útil, parcela de 6.000 m2...
¡¡¡¡¡¡ALLEGATE Y DEFENDE LO TUYO!!!


Tamién tamos pañando firmes escontra esti despilfarru de perres públiques y a la contra de la privatización d'esti equipamientu públicu, podeis pasar pol llocal a firmar o tar sollertes porque tamién tan en dalgunos chigres.

¡¡FÁETE VALIR, EL TRABANQUÍN YE DE TOOS Y TOES!!




miércoles, 19 de febrero de 2014

MARCHES DE LA DIGNIDÁ. Tiques pal Bus en La Semiente.

Puntos de venta de L'Entregu de tiques d'autobus pa dir el "" de Marzu a madrí. MARCHES DE LA DIGNIDÁ.
L´ENTREGU:
- Chigre Ochobre C/Doctor Fleming,14
- CSOA La Semiente , C/Eladio García Jove,6


*Alcordaivos que tenmos abierto los miercoles y xueves a partir de les 1730h. y los llunes que tamos de conceyu.

23F Devolvemos el GOLPE!


martes, 18 de febrero de 2014

Esti xueves en La Semiente: "Polítiques migratories, racismu y represión; Quién invade a quién”


Esti xueves día 20 a les 20:00h nel Centru Social La Semiente, va tener llugar una charra-alderique col títulu Polítiques migratories, racismu y represión; Quién invade a quién”. Van Participar Eduardo Romero y Adama Diouf de Cambalache,  una compañera de Asturies Acoge y Jamin de l' Asociación Pro-inmigrantes Intervalo.
Los ponentes van apurrir datos desconocíos pa la mayoría de la población sobre la situación del colectivu d'inmigrantes. El colectivu inmigrante lleva sufriendo l'horror de la llei d'extranxería, les tortures y los vexames nos CIES. Precisamente va unes selmanes equí n’Asturies vivíense nuevos episodios de Redaes Racistes realizaes na redoma del local d'Asturies Acoge, onde munchos inmigrantes s’arrimen a pidir asesoramientu o a realizar cursos de castellán, inclusive dalgunes produciéronse nos locales municipales onde los ciudadanos van empadronase. Hai que recordar qu'esti tipu de redaes tán prohibíes pola Unión Europea. Lo que pretenden  ye prindar a inmigrantes d'una mesma nacionalidá pa enllenar un avión y realizar les yá polémiques deportaciones.
Fai apenes unos díes de los llamentables sucesos asocedíos en Ceuta, que se saldaron con 15 persones muertes, lo cual constitúi una clara violación de los derechos humanos y del derechu a la vida. L'actuación de les fuerces de seguridá del Estáu Español, llueñe d'aidar a estes persones que taben en peligru de morrer afogaes, collaboraron viviegamente na traxedia final, llanzándo-yos pelotes de goma y botes de fumu y esto nun ye pa nada un fechu aislláu. A cencielles ye una amuesa más de les criminales polítiques migratories del Estáu. Esta charra-alderique va tratar de desatapar l'horror que sufre la población inmigrante, cuando fuxendo de los sos pueblos, esquilamos pol colonialismu y les multinacionales, busquen una vida meyor” nel paraísu español”.




martes, 11 de febrero de 2014

Cine "La Bicicleta de Pekin" esti miércoles a les 20:00h en La Semiente.

Esti miercoles día 12 a les 20:00h el Cine de La Semiente viaxa a China cola gran pelicula "La Bicicleta de Pekin". Ya sabeis que nel cine de la semiente pues comer llambionaes que traigas de casa, pue fumase, hai una nevera con refrescos y cerveza y la entra ye de baldre...

Títulu orixinal: Shiqi sui de dan che (Beijing Bicycle)
Añu 2001
Duración: 113 min.
Estau:China
Director: Wang Xiaoshuai
Guión: Wang Xiaoshuai
Música Wang Feng
Fotografía Liu Jie
Repartu: Zhou Xun, Yuanyuan Gao, Li Shuang, Li Bin, Cui Lin, Hui Wei, Zhao Yiwei, Pang Yan, Zhou Fangfei, Li Mengnan, Chang Jiayin, Ji Hua
Productora Coproducción China-Taiwan-Francia
Xéneru Drama |Drama social
Sinopsis
    Guei vien d'un pueblu a Pequín. Tien 16 años. Atopa trabayu nuna empresa de repartidores, que lu llava, vístilu y déxa-y una bicicleta: una magnífica mountain bike plateada. Cuando gane 600 yuans la bicicleta va ser suya. Cuando Guei casi terminó de pagar la bicicleta, oben-yla na cai cuando ta apurriendo un paquete nuna casa. Ensin la so bici, Guei nun pue trabayar. Desesperáu, percuerre tou Pequín p'atopala. De secute, milagrosamente, el so meyor amigu reconoz la bici montada por Jian, un estudiante que la merco nel rastru. La bici pertenez, por tanto, a los dos. Van Tener qu'aprender a compartila. sacao de FILMAFFINITY

martes, 4 de febrero de 2014

Proyeición Aniversariu Ixuxú Asturies-Euskal Herria


Esti Miercoles 5 de Febreru La Semiente ta dientro de les actividaes del primer aniversariu que entama l'Asociación "Ixuxú Asturies-Euskal Herria".

 Dempués de haber participao nos dos alcuentros-topaketa Asturies-EH y de haber agospiau un mercaín de musica asturiana organizau por esta asociación que busca tender puentes entre los dos países, tenemos que afirmar que'l balance del trabayu fechu nesti añu d'esistencia ye de sobresaliente y esperamos que nun fine, y que sigamos viviendo muchos aniversarios d'Ixuxú.

L'actividá nesta ocasión programada en La Semiente va ser la proyección del documental "Hala Bedi Irratia - 30 urte Kolpez Kolpe" que dará iniciu a les 8 hores de la tarde nes rutinaries proyeiciones de los Miercoles nel Centru Social.

Además durante la proyeición los asistentes podrán disfrutar de pintxos económicos del quesu ecolóxicu euskaldun de oveya de la cooperativa "Esnetik".

Dexamosbos una sinopsis:

"El documental enlaza la historia, el trabajo diario de la radio y la ficción. Trabajando como director hemos tenido al periodista Oskar Bañuelos; en la parte de ficción a Asier Ugarte y en la grabación y edición a la comisión de Halabideo.

Por una parte, el documental hace seguimiento de la evolución histórica, empezando con entrevistas a las primeras participantes de la radio y terminando con la gente que colabora actualmente en la radio. Para añadir un toque de humor halabediano, hemos metido unas partes ficcionadas durante el desarrollo del documental. Por otra parte, también encontraremos entrevistas a las locutoras de los programas de Hala Bedi.
Ejerciendo el trabajo de periodistas y entrevistando a los miembros de la radio, tenemos una colaboración especial de Fermin Muguruza, Jon Maia, Mariano Ferrer, Iñaki Ortiz de Villalba y Txerra Bolinaga."