Como sabeis, aún tenemos un compañeru en prisión, dende la última güelga xeneral del 14 de Payares.
Esti mozu de 21 años, residente nel barriu madrilanu de Vallecas y nomau Alfonso, ta en réximen d'aislamientu FIES, en prisión preventiva a la espera xuiciu, nún nuevu montaxe policial, a los que nos tienen avezaos les fuerzes represores y l'estau español, cuando los y les imputaes son xente que llucha polos sos derechos, que va a contracorriente y que nun traga col so capitalismu xabaz.
Como tamién sabeis, n'Asturies cada día que pasa tenemos más compañerxs represaliaxs con motivu de les dos anteriores güelgues, el conflictu la minería y dalgún otru, ya que así piensen que van amedrentanos, y nun vamos salir a la calle. Llevenlo claro!
Por too esto, y enmarcao nuna xorná de llucha internacional contra la represión, esti 28 d'Avientu a les 20 la tarde, na Plaza'l Parchís de Xixón, ta convocá una concentración pa refugar estos actos represivos y demostrayos que nun tan solos.
Dende La Semiente, encamendabosmos a dir, porque güei son ell@s, pero mañana podemos ser cualquiera.
LA UNICA SOLIDARIDÁ... CONTINUAR LA LLUCHA!
jueves, 27 de diciembre de 2012
miércoles, 19 de diciembre de 2012
Ecoloxía en papel y sobre la mesa
Esti Xueves día 20, a les 20 horas, visitaranos nel Centru Social, Eva Martínez pa presentar el llibru de recetes “Ecología sobre la mesa: recetas para las cuatro estaciones”, del que ye coautora y que ta editau por Cambalache.
Según sus autores “recetas para las cuatro estaciones incluye, conservas, congelados, masas, salsas y aliños. Pero también reflexiones sobre el consumo responsable, el comercio justo, los alimentos integrales o los refinados…….. En este libro de cocina “con truco” hemos querido plantear aspectos relacionados con la alimentación que nos preocupan, cada vez más, a todas las personas. Y compartir un montón de recetas con las que disfrutar todos los días”
Si vos presta, podreis mercar la segunda edición d'esti llibru, además de poder preguntar les dudes que vos surdan, y recordar que nun cobramos entrá ni mordemos a naide.
Esta ye la última actividá d'esti añu, esperamosbos en 2013 (si llegamos...)
PD: Como diz un compañeru, Felices Fiestes d'Inviernu (Que nació quien?)
martes, 18 de diciembre de 2012
85 cabudañu de la muerte de Nicolás Sacco y Bartolomé Vanzetti
El 23 d´Agostu d´esti añu
cumpliéronse 85 años de les execuciones en la silla elléctrica de los
dos trabayaores anarquistes italianos Nicolás Sacco y Bartolomé
Vanzetti. En 1920, fueran sentenciaos a muerte, empezando una llucha
desesperá po les sos vides, allegación tras allegación a lo llargo de 7
años, en los que se llevantó un verdaderu clamor internacional pidiendo
clemencia. Tamién n´Asturies hubo una importante campaña de solidaridá.
Por esti motivu, el miércoles 19 de Payares de 2012, a les 19,30 hores, nel llocal de l´asociación “La Semiente” de L´Entregu (C/ Eladio Jove, 6), falaremos del 85 cabudañu de la muerte de Sacco y Vanzetti y la solidaridá dend´Asturies, pa lo que contaremos cola collaboración de la fundación Andréu Nin, y proyectarase la película “Sacco y Vanzetti” dirixía por Giuliano Montaldo en 1971.
Por esti motivu, el miércoles 19 de Payares de 2012, a les 19,30 hores, nel llocal de l´asociación “La Semiente” de L´Entregu (C/ Eladio Jove, 6), falaremos del 85 cabudañu de la muerte de Sacco y Vanzetti y la solidaridá dend´Asturies, pa lo que contaremos cola collaboración de la fundación Andréu Nin, y proyectarase la película “Sacco y Vanzetti” dirixía por Giuliano Montaldo en 1971.
martes, 11 de diciembre de 2012
¿ Es posible un final negociado de la guerra en Colombia ?. Charra-alderique
Esti
xueves dia 13 d'avientu, la situación en Colombia vuelve ser
protagonista una vegada más nel Centru Social Autoxestionáu La Semiente,
nesti casu con una conferencia de titulo ¿ Es posible un final
negociado de la guerra en Colombia ?. Charra-alderique va correr al
cargu de los colombianos Carolina Tejada, de l'Asociación Colombiana
d'Estudiantes Universitarios y de Lelys Estrada, defensor de derechos
humanos de l'Asociación Nacional d'Ayuda Solidaria, ANDES, que nos
pondrán al tantu de como tán les coses nesti asuntu y van apurrir la so
visión de cualos tendríen de ser los movimientos pa una salida a la paz.
Hai quelcordase que les conversaciones d'esti branu pa poner fin a una
guerra de 50 años nel estáu colombianu ente guerrilla y gobiernu nun
llego a espoxigar.
lunes, 10 de diciembre de 2012
El mozu senegalés deteníu pola Brigada d’Extranxería llogra evitar la espulsión
Oumar ta de
vuelta en Asturies. Al llegar a Madrid entendió que diba ser deportáu
gracies a un compañeru que viaxaba nel mesmu avión con destín a Dakar y
col que se taba en contactu telefónicu. La policía mintiéra-y diciéndo-y
qu’en Madrid el so casu sería revisáu nun xulgáu. Asina que mientres el
transbordu en Madrid resistiose a ser embarcáu.
Nun cometiera nengún delitu nos cinco años que llevaba en Asturies, si acasu’l mesmu que la mayor parte de nós, buscase la vida. El xuez tuvolo en cuenta y el mesmu vienres nun autorizó’l so internamientu nun CIE. Sicasí, la policía nacional tenía la intención d’estirar al máximu les 72 h d’arrestu -inclusive les superó- pa utilizar un vuelu comercial con transbordu en Madrid y destín Dakar pa espulsa-y. Nun van faer lo mesmo con Díaz Ferrán.
Dende la Ruta contra’l racismu y la represión convocose’l vienres, con caracter d’urxencia, una concentración delantre de la comisaría d’El Natahoyo de Xixón. L’asamblea ellí celebrada decidió siguir la protesta a pesar de que llegalmente paecíen desapaecer les posibilidaes. La única solución yera que la tripulación y el pasaxe del vuelu se negase a volar con una persona conducida a encomalo, polo que se realizó un actu informativu nes mesmes puertes d’embarque del aeropuertu de Ranón, al qu’asistieron unos venticinco persones. L’acción tuvo bona acoyida y munches persones taben dispuestes a negase a permanecer sentaes mientres s’espulsaba a una persona que nun cometiera nengún crime.
Namás los pasaxeros sentaos cerca pudieron dase cuenta qu’embarcaren a Oumar el primeru, que tuvo’l coraxe de venir dende Senegal, pero que quiciabes nesi momentu nun tuvo les abondes fuerces p’aguantar. Setenta y dos hores de desesperación nos cuartones, y la promesa de que nun taba siendo realmente espulsáu, fixeren l’abonda esmornia.
Paecía que la protesta nun llograra’l so oxetivu. Sicasí, gracies al fechu de concentrase nel aeropuertu, pudo contautase con un pasaxeru que-y desplicó a Oumar la so situación real y lo que tenía de faer al llegar a Madrid. Gracies a la so resistencia activa y al fechu de que yá trescurriera’l períodu máximu de detención, la Policía Nacional viose obligada a ponelu en llibertá, tornando hores dempués n’autobús a Uviéu.
Diverses organizaciones en tol Estáu vienen sollertando sobre la esistencia de vuelos de repatriación conxuntos (enllenando un avión con persones inmigrantes) o vuelos comerciales onde, si “ye necesariu” pola fuerza , son treslladaes estes persones contra la so voluntá. En dalguna ocasión estos vuelos terminaron cola muerte de la persona espulsada: ye’l casu de Osamuyi Aikpitanyi, afogáu por dos policías qu’aplicaben dicha violencia “necesaria”. Paez ser que pal Estáu español la espulsión de persones migrantes ye más importante que’l respetu polos Derechos Humanos, y estos vuelos repitir ante la desidia cómpliz de consulaos y gobiernos que roblen alcuerdos –munches vegaes desconocíos pa les nueses sociedaes– onde nun se contempla en nengún momentu’l respetu a les persones que sufren la espulsión.
Articulu sacáu de la web de la C.S.I. http://www.csi-asturies.org/
Sobrevivir nun ye delitu
Esti mozu senegalés fuera deteníu’l xueves 6 d’avientu, coincidiendo col Día de la Constitución española, en Ribesella (xuntu con otros trés compañeros) por "vienta illegal”; esto ye, por tratar de sobrevivir vendiendo bolsos o DVDs na cai.Nun cometiera nengún delitu nos cinco años que llevaba en Asturies, si acasu’l mesmu que la mayor parte de nós, buscase la vida. El xuez tuvolo en cuenta y el mesmu vienres nun autorizó’l so internamientu nun CIE. Sicasí, la policía nacional tenía la intención d’estirar al máximu les 72 h d’arrestu -inclusive les superó- pa utilizar un vuelu comercial con transbordu en Madrid y destín Dakar pa espulsa-y. Nun van faer lo mesmo con Díaz Ferrán.
Dende la Ruta contra’l racismu y la represión convocose’l vienres, con caracter d’urxencia, una concentración delantre de la comisaría d’El Natahoyo de Xixón. L’asamblea ellí celebrada decidió siguir la protesta a pesar de que llegalmente paecíen desapaecer les posibilidaes. La única solución yera que la tripulación y el pasaxe del vuelu se negase a volar con una persona conducida a encomalo, polo que se realizó un actu informativu nes mesmes puertes d’embarque del aeropuertu de Ranón, al qu’asistieron unos venticinco persones. L’acción tuvo bona acoyida y munches persones taben dispuestes a negase a permanecer sentaes mientres s’espulsaba a una persona que nun cometiera nengún crime.
Namás los pasaxeros sentaos cerca pudieron dase cuenta qu’embarcaren a Oumar el primeru, que tuvo’l coraxe de venir dende Senegal, pero que quiciabes nesi momentu nun tuvo les abondes fuerces p’aguantar. Setenta y dos hores de desesperación nos cuartones, y la promesa de que nun taba siendo realmente espulsáu, fixeren l’abonda esmornia.
Paecía que la protesta nun llograra’l so oxetivu. Sicasí, gracies al fechu de concentrase nel aeropuertu, pudo contautase con un pasaxeru que-y desplicó a Oumar la so situación real y lo que tenía de faer al llegar a Madrid. Gracies a la so resistencia activa y al fechu de que yá trescurriera’l períodu máximu de detención, la Policía Nacional viose obligada a ponelu en llibertá, tornando hores dempués n’autobús a Uviéu.
30 persones son espulsaes diariamente nel Estáu español
La detención de Oumar nun ye un fechu aislláu. Una media de 30 persones ye espulsada al día como resultáu de los millones d’identificaciones racistes que la policía realiza añalmente nel Estáu español. Decenes de miles son internaes nos CIEs (Centros d’Internamientu d’Estranxeros), los Guantánamos españoles. Y otres son espulsaes nes 72 hores siguientes a la so detención.Diverses organizaciones en tol Estáu vienen sollertando sobre la esistencia de vuelos de repatriación conxuntos (enllenando un avión con persones inmigrantes) o vuelos comerciales onde, si “ye necesariu” pola fuerza , son treslladaes estes persones contra la so voluntá. En dalguna ocasión estos vuelos terminaron cola muerte de la persona espulsada: ye’l casu de Osamuyi Aikpitanyi, afogáu por dos policías qu’aplicaben dicha violencia “necesaria”. Paez ser que pal Estáu español la espulsión de persones migrantes ye más importante que’l respetu polos Derechos Humanos, y estos vuelos repitir ante la desidia cómpliz de consulaos y gobiernos que roblen alcuerdos –munches vegaes desconocíos pa les nueses sociedaes– onde nun se contempla en nengún momentu’l respetu a les persones que sufren la espulsión.
Articulu sacáu de la web de la C.S.I. http://www.csi-asturies.org/
SELMANA DE LLUCHA. CONTRA LA REPRESIÓN, LLUCHA POLOS TOS DERECHOS.
Agora ye'l momentu de
solidarizanos con estes persones y demostrar que les nueses meyores
armes son la llucha y la solidaridá. Por ello, convocámosvos a les
movilizaciones que vienen darréu:
-Llunes 10 y
martes 11 d'avientu: repartida
de panfletos en Xixón. Quedamos nos llocales de CSI-Xixón a partir
de les 18:30.
-Martes 11
d'avientu: rueda de prensa de la “Plataforma
escontra la represión y poles llibertaes”. 12:30 h. Pza. del
Ayuntamientu de Xixón.
-Miércoles 12
d'avientu: “Pasacalles contra la
represión”. Casa Sindical de Xixón. 19:00 h.
-Xueves 13 y
vienres 14 d'avientu:
concentraciones de sofitu a los imputaos nes fuelgues xenerales del
14 de noviembre y del 29 de marzu. 09:00 h. Xulgaos de Poniente de
Xixón.
Toes estes
movilizaciones tán convocaes por: CSI, CXT, CNT-Xixón, SUATEA,
FUSOA, PLATAFORMA ESCONTRA LA REPRESIÓN Y POLES LLIBERTAES, C.S.
SESTAFERIA, LA SEMIENTE, ALAMBIQUE, CAMBALACHE.
Etiquetas:
antifascismo,
antirrepresivu fuelga deteníos,
asturies,
Centru Social Autoxestionau La Semiente,
cnt,
CONCENTRACIÓN,
CSI,
LLUCHA,
POLICIAL,
REPRESIÓN
lunes, 3 de diciembre de 2012
Actividáes mes d'Avientu.
Esti mes d’Avientu continúen les actividaes d’esti cursu en La Semiente. Nun
tendremos renos nin trineos nin camellos, nun habrá árbol de navidá nin belén y
siguiremos criticando’l consumismu, pero les charres y proyeiciones son un bon regalu del Centru
Social entreguín.
El miércoles 19, a les 19.30h tendremos la 2º proyeición del mes: la película de Giuliano Montaldo “Sacco y Vanzetti” coincidiendo col 85 aniversariu de la so muerte. Cuntaremos cola aportación de la “Fundación Andreu-Nin”.
El miércoles día 5 a
les 19.30h entama la programación cola proyeición y l’estrenu na cuenca del
documental “Con H de Asturias”, de
Alfonso Secades y Eduardo Gónzalez. Nesti documental repásase la escena
musical del hip-hop pasando polos 4 elementos: dende l’apaición del breakdance
en 1983, pasando pol graffiti, el turntablism y los mc’s, con grandes artistes
llocales como Arma X o K-Nalón.
Los direutores tarán
presentes pa presentar la proyeición.
Pa siguir, el día 13 celebrarase una charra sobre la
situación en Colombia.
El miércoles 19, a les 19.30h tendremos la 2º proyeición del mes: la película de Giuliano Montaldo “Sacco y Vanzetti” coincidiendo col 85 aniversariu de la so muerte. Cuntaremos cola aportación de la “Fundación Andreu-Nin”.
Pa finar les actividaes
d’esti invernal pero cálido mes en La Semiente, el xueves
20 visítanos Eva Martínez, coautora
del llibro de recetes “Ecología sobre la
mesa: Recetas para las cuatro estaciones” de la editorial del llocal
Cambalache, d’Uviéu. Sedrá a les 20h de la tarde.
Toles actividaes del Centru son gratuites anque tenemos
material na nuesa distribuidora y una nevera-bar pa la persona que quiera
contribuyir.
Amás el Centru Social tará abiertu a la xente que quiera pasase tolos Miércoles y Xueves de 17.30h a 20h.
Amás el Centru Social tará abiertu a la xente que quiera pasase tolos Miércoles y Xueves de 17.30h a 20h.
Suscribirse a:
Entradas (Atom)