miércoles, 28 de diciembre de 2011

Partidu Solidariu. NON a los deshaucios

 Esti Viernes, nel nuesu pueblu (L'Entregu) va disputase un torneu de fútbol diferente y ye que nun va importar quien gane.

A partir de les 18:00 de la tarde en el campu Nuevu Nalón los equipos del conceyu, militantes de Regional Preferente y 2ª Regional, van enfrentase por una buena causa. El dinero recaudao, tendrá como destinatariu ayudar a les families del conceyu que tras vese atropellaes pela crisis, tamién tan pendientes de un deshauciu inxustu, que nun vamos permitir.

D'esta manera, además de recaudar perres pa que puedan subsistir y dar de comer a los sus fíos, esti partiu (xunto con otres actividaes que ya tan en marcha pal mes de Xineru), pretende que la mayor xente posible conozca estos casos pa entre toos poder refugalos y si se produxera el deshauciu, buscar la manera d'evitalu a toa costa.

Así dende La Semiente apoyamos estes inciatives solidaries, pero tamién critiques y que busquen mostrai al pueblu les consecuencies d'esti capitalismu canibal que nun se apiada de nadie.

Porque hoy son ellos, pero mañana podemos ser cualquiera de nosotros!
Non a los deshaucios! Bancos usureros!

Organiza: Asociación Cultural y Deportiva Amigos del Corbero (ACUDE Corbero)

jueves, 22 de diciembre de 2011

Esposición Fotoperiodismu


Dende esta segunda quincena d'Avientu y mientres tol mes de Xineru pue visitase una nueva esposición n'El Centru Social La Semiente. Tratase d'una esposición de fotoperiodismu que tá rodando per distintos llugares d'estáu español. Con motivu del quintu aniversariu del periódicu Diagonal, intentóse faer un pequenu resume de lo asocedío mientres esos años con dellos trabayos de los fotoperiodistes que publiquen en dichu mediu. “Diagonal. Cinco año Junt@s” ye'l frutu del güeyu de reporteros gráficos como Boris Svarezman, Argeo Ameztoy, Eva Mañez, Olmo Calvo, Edu León, Joan Alvado, Edu Bayer, Diego Ibarra, Eduardo Martino, Amaya Zabalo, David Fernández, Ferrán Quevedo, Juan Carlos Rojas, Pedro Moreno y José Alfonso. Una esposición que percuerre les cais y la problemática social non solo del estáu español si non de sitios como Iraq, China, Turquía, Gambia, Italia, Palestina, Brasil, Paraguay, México, Xeorxa…
La esposición va poder visitase nel horariu d'apertura del Centru Social La Semiente, tolos miércoles y xueves a partir de les 17.30 h y tami los díes qu'hai actividaes programaes.

viernes, 16 de diciembre de 2011

Estes Navidaes contra la crisis... Imaxinación

 Esti Sabadu 17 d'Avientu tenemos programau nel CSA La Semiente un taller de fabricación de regalos.

Esti taller tien como obxetivu dar otra visión de estes fiestes que se avecinen, en la que tol mundiu se dexa importantes sumes de dinero en consumu tanto alimentariu, como principalmente de regalos navideños, beneficiando con too esto, no tantu al destinatariu del regalu en cuestión, sino a la maquinaria consumista que'l sistema nos obliga a engrasar.



Así desde La Semiente y principalmente dende'l recien creau y aún en fase de consolidación Grupu de Consumu, entamamos con esta actividá, queriendo demostrar que podemos demostrar el amor que tenemos hacia otres persones, sin tener que dexanos muncha grava, lo cual en estos tiempos de crisis, creemos que ye d'agradecer.

Pa ello, esti Sabadu 17 a partir de les 11 la mañana del CSA La Semiente, van facese varios "minitalleres" en los que se podrán facer caxes y piedres decoratives, ceniceros reciclaos, dalgo de cuero y dalguna caxigalina más con materiales de bajo coste, reciclaos o reutilizaos.

¿Animaisvos? si ye así, lo unico que teneis que facer ye venir a La Semiente y traer con vosotros un poco de ilusión y ganes, lo demás ponemoslo al vuesu alcance.

jueves, 15 de diciembre de 2011

Les Fueyes de La Semiente tan na forna!!

Esti vienres 16 d'avientu, va tar disponible el númeru 2 de la revista Les Fueyes de La Semiente. Una pequeña revista en clave de fancin de 20 páxines que trai noticies, articulos d'opinión, entrevistes, humor... teneindo en cuenta que nel C.S.A. La Semiente nun somos munchos y tenemos milenta actividaes más, la periocidá de la revista ye incierta, osea, sal cuando pué, como se diz perhí "pa un pueblin.... qué quies?"
Repártese de forma gratuita per chigres de la cuenca'l Nalón, y esperemos que podais atopar dalgún nos chigres "del rollu" d'otres partes d'Asturies.
Dexámosvos con un toque d'humor de los que asoleyará con esti númeru de Les Fueyes de La Semiente:

Solidaridá con Edu León. Fotoperiodista deteníu.

Dende La Semiente solidarizamonos con Edu León, fotoperiodista deteniu arbitrariamente. Como non, solidarizamonos con toles persones y colectivos que sufren la persecución y criminalización pol meru fechu de lluchar escontra les inxusticies sociales o simplemente por denunciales.

Esvillao de Diagonal:
Edu León con otros fotografos enantes de la detención.
El fotógrafu Edu Leon pasa la nueche en comisaría dempués de ser deteníu por axentes de la Policía Nacional mientres s'atopaba documentando el desahuciu d'una familia en Leganés. A pesar de los intentos del abogáu, Marc Sanz, por que se  punxéra a disposición xudicial al fotoperiodista'l mesmu día de la detención, daqué que'l xuez aceptara, esto nun foi posible por cuenta de que'l atestáu ellaboráu pola Policía nun fuera completáu. En concretu, l'atestáu escarecía de la declaración del “policía supuestamente afrelláu por Edu”, esplica'l so abogáu, que confirmó que se-y acusa de “atentáu contra axente de l'autoridá”, una acusación que nun se sostien porque “nun hubo nin agresión nin intentu d'agresión”.

Albert Astudillo, miembru de Fotogracción que s'atopaba nesi momentu al pie de Edu, esplicó a esti mediu cómo dellos axentes de la Policía Nacional ensin identificación nin númberu de placa, dempués de retener contra la paré a un grupu de persones, mayoritariamente fotógrafos, pidiéron-yos la identificación. “Edu apurrió la documentación y siguió trabayando. Cuando volvieron colos carnés, un policía señaló a Edu y dixo: ‘A ési’”. Dellos testigos confirmaron a esti periódicu la mesma versión y que en nengún momentu'l fotógrafu afrelló nin amenació a nengún axente.

Leon sufrió enantes l'acosu policial nel desempeñu del so trabayu. Foi deteníu y xulgáu en cuatro causes por acusaciones feches pola policía mientres documentaba cola so cámara fotográfica los controles d'identidá racistes que tolos díes tienen llugar en Madrid, y llegóse-y a sustraer material fotográficu.

El xueves pela mañana, Edu Leon, miembru del colectivu editor d'esti periódicu, va pasar a disposición xudicial nos Xulgaos de Leganés, y el maxistráu va decidir si siguir coles dilixencies por atentáu contra l'autoridá o pasar esti casu a faltes, lo que supondría o un xuiciu por faltes o, nel meyor de los casos, l'arquivu de la causa. Los miembros del colectivu Diagonal van allegar el xueves a los dolce de la mañana a la plaza de los Xulgaos de Leganés pa sofitar al compañeru y conviden a sumase solidariamente a esti actu.

Presentación de DIAGONAL. Un periodicu distintu.

Esti xueves día 15 d'avientu, col titulo de “Diagonal, un periódicu distintu”. Onde se va dar a conocer esti proyectu informativu pocu conocíu na zona. Diagonal ye un periódicu qu'intenta dar voz a los movimientos sociales del estáu y apurrir una visión critica del panorama estatal con una publicación quincenal y que cunta con otres publicaciones trimestrales que son los monográficos locales como Diagonal Asturies.
tamien va inaugurase una esposición de fotoperiodismu que la xente de Diagonal lleba tiempo moviendo pel estáu.
Mas info http://www.diagonalperiodico.net/Diagonal-Asturies-se-presentara-el.html


sábado, 10 de diciembre de 2011

Mumia Llibertá!

El día 9 d'avientu de 2011 cumpliéronse 30 años desque Mumia Abu Jamal foi deteníu, encarceláu y finalmente condergáu a muerte pol supuestu asesinatu d'un policía de Philadelphia/USA.
El xuiciu escontra de Mumia foi una farsa y amosó un grau de racismu esmolecedor. El sistema políticu y xudicial utilizó tolos métodos ilexítimos y hasta illegales pa condergar y matar a Mumia Abu-Jamal; pa esaniciar al ex Black Panther arreyáu na dómina de MalcolmX y Martin Luther King na llucha pola lliberación de la comunidá afro-americana, pa faer sumir al periodista críticu qu'acababa de ser llamáu “la voz de los ensin voz“.
Mentanto, dende la década de los 90 desenvolvióse, dende EEXX, Francia y Alemaña, una campaña cada vez más global, que sigue estendiéndose a cada vez más países. Güei día hai grupos de sofitu en tolos continentes. En más d'una ocasión la presión pública ayudó a evitar la execución inminente, como en 1995 y en 1999 cuando'l día de la execución taba yá determináu.
L'ampliu movimientu solidariu demuestra que Mumia Abu-Jamal nun ye un presu políticu cualesquier. Al traviés de la so llucha continua, de les sos columnes, al traviés de los sos llibros y los documentales fechos, Mumia convirtióse nun símbolu non solo de los y les negres americanes, sinón tamién de la llucha anticapitalista, y, de xacíu nun símbolu de la llucha escontra la pena de muerte.

Dientro la campaña que se ta faciendo a nivel Internacional col casu de Mumia, La Semiente va proyectar el documental "In prison my whole life (En prisión tola mio vida) que fala de la so hestoria. Va ser el miercoles 14 a les 20:00s nel mesmu centru social.

 POR UN XUICIU NUEVU Y IMPARCIAL PA MUMIA ABU-JAMAL
 ESCONTRA EL RACISMU MUNDIAL
 ESCONTRA LA PENA DE MUERTE Y LES CADENES PERPETUES
 LLIBERTÁ PA MUMIA

Premios, homenaxes y publicaciones de Mumia Abu-Jamal:
 Ciudadanu honoríficu en más de 20 ciudaes de tol mundu, ente otros Paris (dempués de Marie Curie y Pablo Picasso); y Villejuif (Francia) (dempués de Nelson Mandela); Montreal, Palermo y Copenhaguen.
 “Rue Mumia Abu-Jamal” nel barriu Saint-Denis de Paris (29 d'abril de 2006)
 Miembru oficial del PEN internacional dende 2008
 Miembru honoríficu de l'alemana Asociación de los Escorríos del Réxime Nazi – Lliga de los Antifascistes (VVN-BdA).
 Dellos premios de lliteratura, ente otros el premiu “Erich Mühsam”.
 CORREOS del estáu francés (El Poste) editó n'abril 2011 un sellu cola imáXen de Mumia.
 Mumia Abu-Jamal ye autor de dellos llibros (inglés, alemán) y sigue publicando ensayos sobre temes actuales en periódicos y radios.
 Llibros en castellán: “Brota la vida“, Editorial Txalaparta, 1999, y “DeSde la galería de la muerte“, Editorial Txalaparta, 2001.

miércoles, 30 de noviembre de 2011

Soberanía Alimentaria en La Semeinte


Coincidiendo cola proximidá del DIA MUNDIAL DE LA SOBERANIA ALIMENTARIA, el Centru Social La Semiente abre la so programación d'avientu con una charra col titulu de Soberanía Alimentaria. La ponencia que va ser el xueves día 1 a les 20:00h. Va correr  al cargu d'Eva, del Grupu de Consumu del colectivu Cambalache d'Uviéu, y de Rizos, que pertenez al proyectu de comerciu xustu Picu Rabicu de Xixón. Nel posterior alderique va intentase perfilar un poco'l Grupu de Consumu que dende La Semiente quier impulsase na cuenca del Nalón.

miércoles, 23 de noviembre de 2011

El Centru Social Autoxestionáu La Semiente sofita al CSO La Madreña

SOFITAMOS LA RECUPERACIÓN CIUDADANA CON FINES SOCIALES DEL EDIFICIU DE L'ANTIGUA CONSEYERÍA DE SALÚ, EN GENERAL ELORZA.

El pasáu 15 de Noviembre'l movimientu 15-M fixo pública la ocupación de l'antigua Conseyería de Sanidá de General Elorza, denunciando la complicidá de les alministraciones públiques colos grandes promotores inmobiliarios.

En 2007, los gobiernos autonómicu y local, convirtieron en suelu residencial trés esquiñones públiques, incluyendo les conseyeríes de la cai Xeneral Elorza (Sanidá y Bienestar Social). Estos terrenos fueron vendíos a la constructora SEDES. Yera la manera de financiar la escandalosa compra pública por 59 millones d'euros de dos ales del “Calatrava” a la empresa “Jovellanos XXI” pal treslláu de les oficines de les conseyeríes. Estos 59 millones d'euros del presupuestu del principáu, taben faciendo rentable la edificación a esta empresa, propiedá de los multimillonarios José Cosmen Adelaida -fundador de ALSA-, y Alberto Lago – constructor-. Según un informe de la Sindicatura de Cuentes d'Asturies del 1 d'abril de 2009, la operación saltó la llegalidá, al nun recibir l'aprobación del Parlamentu autonómicu, como esixe la Llei de Patrimoniu.

Abandonáu ya inutilizáu mientres 4 años, l'edificiu recuperáu pol 15-M diba ser inminentemente baltiáu pa construyir nel so llugar viviendes de luxu, a 3.600 € el m2.

Sicasí, esos equipamientos fueron una pilastra de la vida de los uvieinos mientres décades. Miles de persones recibieron atención nes Conseyeríes de Sanidá y Bienestar Social (“La gota  leche”). Por ello, los colectivos social y vecinal reclamaron mientres años, con campañes como “Salvemos Pumarín”, qu'onde había un equipamientu públicu debía de siguir un centru de servicios múltiples.

Los colectivos, movimientos sociales, asociaciones y persones firmantes creemos que ye necesariu recuperar un espaciu públicu arrebatáu pola especulación. Nun queremos “pelotazos” urbanísticos nin pisos de luxu pa una minoría. Otra manera, creemos fundamental que l'urbanismu tien de tar al serviciu de les persones. Tamién vemos necesaria la busca d'una solución pa los miles de families desanunciaes de les sos cases inxustamente por unes lleis que favorecen a los bancos frente a les persones.

Por tolo anterior, SOFITAMOS la recuperación ciudadana de l'antigua Conseyería de Salú de General Elorza y la creación d'un espaciu social y cultural xestionáu asambleariamente polos movimientos sociales, culturales y vecinales d'Uviéu, abiertu a múltiples actividaes: esposiciones, talleres, alderiques, conferencies, teatru, poesía, música…

Frente a la especulación y l'abandonu de los edificios que fueron siempres públicos, RECUPERACIÓN, ESPACIOS SOCIALES Y LLUGARES D'ALCUENTRU CIUDADANU.

martes, 22 de noviembre de 2011

Cebollles Rellenes, esposiciones, performances...


El Centru Social La Semiente tien preparada la so programación especial coincidiendo cola festividá local de Les Cebolles Rellenes de L’Entregu. El miércoles día 23 a les 19:00 nel mesmu Centru Social va tener llugar la inauguración de la esposición pictórica “Puente sobre Estigia” (Entre la luz y el miedo), de l'artista blimeína Mariam González Fanjul, que va tar espuesta al publicu hasta'l día 1 d'avientu. Les visites van ser dientro del horariu d'apertura al públicu del centru.
El sábadu día 26 a les 13.00h del mediu día, hai programada una performance na Plazoleta La Ilgesia de L’Entregu que va tratar la tema de la incineración de residuos y otros problemes medioambientales, pero centrándose na futura planta incineradora prevista pa construyir en Serín. L'acción artística va correr de la mano de persones pertenecientes al movimientu 15M Asturies, que vienen representándola por distintes localidaes. A les 13.:45h yá nel Centru Social La Semiente, va haber una “sesión vermú” mas conocida como “Sesión Culete” pa que toles persones que coincidiendo con Les Cebolles anden  per L’Entregu pasen a tomar daqué y a conocer un pocu meyor el proyectu de La Semiente.

miércoles, 16 de noviembre de 2011

“Abstencionismu Activu y alternatives a la Democracia Parlamentaria”. Charra y alderique


Siguiendo cola programación de payares, el Centru Social La Semiente tráinos una nueva charra rellacionada col periodu electoral nel que tamos. Si la selmana pasada foi la vez de Miguel Angel Presno Linera, Catedráticu de Derechu Constitucional pola Universidá d'Uviéu que faló sobre los rellabicos de l'actual Llei Electoral, esta selmana tóca-y el vez a una opción cada vez mas siguida, l'astencionismu activu, que pa nada tien que ver col astencionismu apáticu y conformista. A partir de les 20:00h de la tarde, los colectivos anarquistes Grisu y Orbayu van ser los encargaos de dar esta conferencia y abrir el posterior alderique, que lleva por nome “Abstencionismu Activu y alternatives a la Democracia Parlamentaria”.  Dicha actividá va ser nel mesmu Centru Social Autoxestionáu La Semiente, nel númberu 6 de la cai Eladio Jove de L’Entregu.

A partir de les 5 30 el Centru va tar abiertu, tando a la vuesa disposición la nuesa biblioteca, llibre y gratuita.

jueves, 10 de noviembre de 2011

Audio de la presentación de “Feminismo para no feministas, la Vane contra la Partrix”

Audio de la presentación del llibru de Rosario Hernández Catalán, “Feminismo para no feministas, la Vane contra la Partrix”, l’ultimu trabayu d'esta dramaturga y ensayista llangreana. Un manual d'urxencia pa toes eses moces qu'en plenu sieglu XXI siguen perdíes victimes d'un submundu cá vez más esteriotipáu. Que va poco presentose nel Centru Social La Semiente.
La xente que nun tebo pue escuchalu equí
Recordavos que si quereis un exmplar gratuitu del llibru nun teneis más que pasar pel centru Social La Semiente.

martes, 8 de noviembre de 2011

Como furrula la Llei Electoral. Charra

Esti xueves a les 8 la tarde, nel Centru Social Autoxestionau La Semiente (C/ Eladio Garcia Jove Nº6 L'Entregu) vamos tener como invitau d'esceción a Miguel Angel Presno Linera, Catedráticu de Derechu Constitucional pola Universidá d'Uvieu y collaboraor cola acampá del 15 M de Siero, que va cuntanos como funciona la Llei electoral, de cara a que, el que vote sepa con que sistema lo fae y les sos trampes pa favorecer el bipartidismu.

PER OTRU LLÁU LES PERSONES INTERESAES NEL TEMA PUEN DESCARGAR LLIBREMENTE UN LLIBRU DE MIGUEL ANGEL PRESNO LINERA QUE FALA DEL TEMA. CALCANDO EQUÍ

A partir de les 5 30 el Centru tará abiertu, tando a la vuestra disposición la nuesa biblioteca, llibre y gratuita.

La Semiente
Semando güei, pa tener un mañana

miércoles, 2 de noviembre de 2011

En Payares "Cebolles, Nabos, Pimientos y.... Elecciones!"

 Ya tenemos les actividaes pa Payares, nesti mes, a parte de fartures gastronómiques y de campaña (recomendamos les primeres...) vamos tener 3 charres los xueves, a partir de les 8 la tarde:

- El día 3 de Xeopaties y Bioconstrucción, a cargu del Colectivu Ultravioleta

- El día 10 descubriremos tolos secretos de la lley ellectoral y "eso" que llamen democracia, cola ayuda de Miguel Angel Presno Linera, profesor de Derechu de la Universidá d'Uvieu

- Pa cerrar el día 17, los colectivos anarquistes de Asturies Grisu y Orbayu, van falanos del abstencionismu activu y habrá un alderique sobre algunes alternatives a la "democracía" parlamentaría.


Pero nun acaba aquí, tolos miercoles continuamos colos ciclos de cine, y además tendremos el Sabado 26 coincidiendo coles fiestes del pueblin, una Performance nomá "La Incineradora" por xente del 15M de Xixón y una Sesión Vermú (con artistes sin confirmar pol momentu) nel Centru Social. Tar atentos, que va ser gorda, y ya vos contamos más.

Por último, pero no menos importante, el Centru Social La Semiente, ta abiertu al públicu en xeneral, tolos miercoles y xueves a partir de les 17 30, con una biblioteca llibre y gratuita, pal deleite de cualquier interesau na llectura, tenemos llibros de tolos gustos, olores y sabores.

A QUE ESPERES??? VEN A CONOCENOS!

Centru Social Autoxestionau La Semiente
Lo que queramos que seya!

martes, 25 de octubre de 2011

Migraciones y amagüestu nel C.S. La Semiente

Siguiendo cola programación del mes d'ochobre del Centru Social La Semiente que tenía como títulu “Ochobre revolución y castañes”, esta selmana tóca-y la vez a la tema les migraciones. Va ser el xueves dia 27 cola proyección dinámica de la película “Las uvas de la ira”. Los ponentes van ser Adama Diouf de la Ruta Escontra’l Racismu y Eduardo Romero del colectivu Cambalache. Nel mesmu, a partir
de la narración de les migraciones internes n'Estaos Xuníos na dómina de la Gran
Depresión, vamos analizar la política migratoria europea y española de la última década,
según la so vinculación cola crisis.
El vienres día 28 la seronda va ser la protagonista, con un amagüestu, tradición viva anguaño y que tien los sos oríxenes nuna antigua celebración celtica venceyada a lo que güei conocemos como “día de los muertos” o “de tolos santos”. A les 18:00h na Plaza d’abastos de L’Entregu van repartise castañes y sidra duce a los asistentes. Tamién va haber un mayu tradicional y un llagar, pa que los mas pequeños esfruten mayando y conozan un pocu d'onde vien la sidra. Dempués a les 21:30, l’amagüestu treslladase a la cai Eladio Jove al interior del C.S. La Semiente, onde va haber un escenariu abiertu nel que se va a entemecer, poesía, monologu y música. Toles persones interesaes en participar nun tienen mas que dir.
Recordar tamién, que como tolos  miércoles a les 20 hores, película sorpresa, de lo meyor del cine internacional.

Toles actividaes son gratuites y convidamos a tol mundu a participar y esfrutar. Tamos nel Centru Social La Semiente, C/ Eladio Jove, 6, L´Entregu (lasemiente@hotmail.com)

miércoles, 19 de octubre de 2011

Fanzin y entraes pal X CONCIERTU ASTURIES NUN ESCAEZ

La semana pasá asoleyo la publicación Les Fueyes de La Semiente, una fanzin que trata de ser una ferramienta d’espresión escrita del C.S La Semiente. Esta publicación de carácter periódicu y que ñaz cola premisa de salir a la cai cuando pueda, tebo gran acoyia pola xente, y ya tan escosaes les 75 copies que se sacaron, colo qu’hubo de sacar más. Ya se ta trabayando nel segundu númeru, pero nun dexes de restolar nos chigres a la busca del primeru. Y ye qu’estes “fueyes” puen atopase en chigres de la cuenca’l Nalón y esperamos poder espardeles por mas sitios.
Nel primer nummeru faemos un repasu a los orixenes de La Semiente y de lo fecho hasta’l momentu. Tamien pues atopar articulos rellacionaos con tematica social, politica, humor, articulos d’opinión, resuúmnes de los plenos de los conceyos de Llangréu y Samartín…
Tamien tenemos disponibles nel C.S. La semiente les entraes pal X CONCIERTU ASTURIES NUN ESCAEZ, que tolos años entama’l colectivu xuvenil Darréu. El preciu de les entraes anticipaes ye de 10 Euros y 12 en taquilla. Como novedá esti añu van regalar un discu recupilatoriu del DMR a cada persona que merque la so entrada en taquilla.
Pegamos equí la información de los organizaores que fala de los artistes que van tar presentes:

El conciertu va entamar a les 20:00 hores y va cellebrase nel Colexu Públicu José Bernardo ( Los Llerones s/n) de Sama de Llangréu.

Nesti X Conciertu "Asturies nun escaez" vamos tener la ocasión de cuntar cola presencia d'una sesión reggae a cargu de Xose N'Ast y Ozono. Tamién podremos cuntar colos soníos Hardcore d'I.R.A. (Insurxentes Revolucionarios Asturianos) y col Folk-Metal de Taranus. Adizión Etílika colos sos fuertes soníos tamién fadrán movese a los asistentes al igual que los yá clásicos Skontra. Nesti festival tamién podremos cuntar un añu más colos míticos Escuela de Odio, qu'amás toquen nel so conceyu. Skama la Rede, cola so meza d'ska, folk y punk complementa'l cartelu de la décima edición del conciertu. En la barra los y les asistentes al conciertu tendrán los precios más populares en bebida y comida. Nel conciertu habrá tamién un mercáu d'organizaciones onde les persones qu'acudan podrán mercar o alquirir materiales ya información.

Salú!

martes, 18 de octubre de 2011

Esti Xueves, "Sindicalismu y represión en Colombia"

 A partir de les 1730, el Centru Social tará abieru como tolos Miercoles y Xueves. La charra empezará a les 20:00 (puntual!!!). Pasai por "La Semiente"

Un saludu

CENTRU SOCIAL AUTOXESTIONAU "LA SEMIENTE" Cai Eladio Garcia Jove Nº6 L'Entregu
"Semando güei, pa tener un mañana"

martes, 11 de octubre de 2011

Feminismu pa poligoneres

El Centru Social La Semiente, sigue cola programación d'ochobre proponiéndonos esta vegada una charra qu'axunta lliteratura y feminismu. El xueves 13 a les 20.00h va tener llugar la charra “Feminismo pa poligoneras”, nel que se presentara'l llibru de Rosario Hernández Catalán, “Feminismo para no feministas, la Vane contra la Partrix”, l’ultimu trabayu d'esta dramaturga y ensayista llangreana. Un manual d'urxencia pa toes eses moces qu'en plenu sieglu XXI siguen perdíes victimes d'un submundu cá vez más esteriotipáu. El llibru contien nes sos coraes una obra teatral, que col titulu de “La poligonera feminista” ye'l platu fuerte de la obra. L'autora va repartir gratuitamente exemplares a tolos/es asistentes a la charra, que va tener llugar nel mesmu Centru Social La Semiente na cai Eladio Jove nº 6 de L’Entregu.

Nota: Feminismo para no feministas: la Vane contra Patrix. Inclúi la obra La poligonera feminista.
Ye un llibru de feminismu divulgativu pensáu pa quien piensen que'l feminismu ye daqué cursi, ridículo y tresnocháo. Tien entevistes a moces non feministes, anécdotes, conseyos varios y sobremanera la obra de teatru La poligonera feminista protagonizada por Vane, una moza de 18 años poligonera, choni o bolsera que vive nun barriu obreru-paráu de nueva cara construcción llaráu de cartelos de COMPRO ORO y porniaes de perru de marca. Vane recibe la visita de tres fantasmes, la pantasma feminista del presente, la del pasáu y la del futuru. Gracies a elles va dando cuenta de que la que ta doblemente primida, ha de ser doblemente revolucionaria. Apriende un feminismu integral y radical con un ambiciosu plan B a Patrix. Y les feministes tamién aprienden de la poligonera.

miércoles, 5 de octubre de 2011

Sin Tiempu de Parar... OCHOBRE "Castañes y Revoluciones"



 Esto va, y nun se pue parar de ninguna manera, Ochobre ya ta equí con estes actividaes, además vamos dandoi forma a dalgun taller, pa intentar aprender muches coses, diremos anunciandolo, así como'l tema l'amaguëstu, que va ser l'ultimu vienres d'ochobre, va haber que dir entamando cola gueta les castañes (aceptamos aportaciones nesti sentiu, el amagüestu ye pa toos)

Pasaivos pol Centru Social La Semiente, que además de pa les actividaes va tar abiertu al públicu en xeneral tolos Miercoles y Xueves a partir de les 5 30, cola biblioteca, musica y bona compañia.

Un Saludu Xente!

Centru Social Autoxestionau "La Semiente"
Semando realidaes

Gracies Xente!

 Acabose l'entamu, y a partir d'agora va ser un NUN PARAR.

 El Llunes 3d'Ochobre, finalizabemos la Selmana Cultural "Fotos, Cortos, Lletres y... un conceyu con munchu arte", con un gran sabor de boca.

Tres actividaes, en les que más o menos, tuvimos acompañaos de mucha xente a la que queremos agradecer la so participación, Artistes, tanto fotografos (pola disponibilidá y la confianza que nos depositaron), a los videocreadores (colos que toos disfrutemos de una tarde muyyyyy divertía) y a los escritores (colos que disfrutemos de una velá lliteraria, musical y audiovisual, que nun se pue ver tolos díes, Ah! y de una nueche fabulosa) y a los trabayaores de la biblioteca que cuidaron como si fuesen suyes les obres de la exposición na Casa La Cultura (que l'ayuntamientu nos tuvo que dexar permisu pa usar).
Tamién y tenemos que dar les gracies un millón o más de veces al Cafe de Abel, por dexanos enchufar la corriente, pol tratu que siempre nos dá y por ponese a la nuestra disposición. GRANDE ABEL.
Por ultimo agradecer tamién a la prensa que nos fizo casu (les webs aruelu y infoasturies, les emisores Onda Cero Asturies, Radio San Martín y Radio Llangreu y al periodicu Diagonal Asturies (el cual dentro poco va tar disponible nel Centru Social, y espero que nun se m'escaeza naide), así como a los asistentes, que esperemos hayan disfrutao tanto como nosotros o más del arte llocal, que ye abondo y per bonu, lo cual seguiremos refrendando nes proximes feches con otres estayes culturales.

Esta semeya ta fecha el día de la Muestra de Cortos, aunque nun temos too la xente que forma parte de La Semiente, pero en conxuntu queremos mostraos que nun nos escondemos pa dar les gracies ni pa ná, y que tampoco comemos a naide, así que Pasai pol centru, que sereís muy bien recibios.

Un Saludu
La Semiente. Semando güei, pa tener un mañana.

miércoles, 21 de septiembre de 2011

Fotos, Cortos, Lletres,...y un conceyu con munchu arte

Lo prometío ye deuda, aquí va l'entamu de la nueva temporá nel Centru Social y na actividá cultural sin tapujos na cuenca.

Cuando pensabamos como poder entamar el trabayu de puertes pa fuera durante tou esti vranu, vimos que les actividaes feches hasta agora, habiamosles fecho en su mayoría con xente de fuera'l conceyu (salvo rares excepciones), pero nesta asociación el mayor enfotu ye'l de dinamizar cultural, social y criticamente a la xente d'aki, la que nos tien que aguantar y disfrutar, los nuesos vecinos, y polos que entamemos tou esti proyectu.

Esta ye la nuesa forma, queremos contar con to la xente artista nesti conceyu, colos sos collacios, familiares y hasta col apuntaor si fuese necesario. Porque sabemos qu'aqui hay munchu arte y mucha cultura, aunque a veces munchos nun nos demos cuenta.



Nesta ocasión escoyimos estes 3 facetes (más que ná, porque "vale más poco y bien, que mucho y mal" pola parte organizativa que tenemos) aunque sabemos que se nos olviden unes poques, tenemos enfotu de mostrales toes y dar la oportunidad a toos de mostrales.

El Martes 27 vamos demostrar que podemos ser, lo que queramos ser!

viernes, 16 de septiembre de 2011

Nun mustiemos, NON

  Seguimos vivos xente.Aunque esto lleva parao tol vranu, La Semiente nun paremos y tenemos muches coses preparaes pa los meses que vienen.

Pero nun tenemos pensao caer nel dichu "el burru dellante, pa que nun s'espante", pa entamar, nun vamos falar de nosotros, sino de la nuestra arrodiá, de lo que vemos nesti mundu inxustu.

En primer llugar, por ser lo que tenemos al alcance de la vista casi, ayer fue el xuiciu escontra los "administraores" de la empresa Venturo XXI, nel que el xuez decidió nun archivar el casu y va deliberar sobre si estos "personajes" llevaron a la quiebra, lo que se vendió nesta Cuenca como un esponente de la reactivación, la diversificación y la reindustrialización, y que duró menos de un suspiru, dexando tras d'ella un puñau de xente col culu na cai. Dende La Semiente, animamos a los compañeros trabayaores, que al menos piden XUSTICIA, escontra estos "empresariacos y chupones" que xueguen coles vides y los trabayos de los demás al su antoxu.

Siguiendo N'Asturies ye necesario falar de les Xornaes solidaries contra la represión de la okupación, que entamen mañana y terminen el Sabadu que vien, coincidiendo col segundu xuiciu por ocupación nunos meses, esti ye precisamente escontra la xente acusao del delitu de lrevitaliza el vieyu edificiu de la Flex en Xixón va unos años, nel proyectu del Centru Social Okupau "La ReFLEXión".
Les actividaes que se van realizar son les siguientes:

Sábado 17: Conciertu
Expropiación
Punano
Yangtze Kiang
Bristol Bulldogs
K-Nalón
Punto de Crust
Las Marakas de Machín
A les 20:00 en el Club Cultural Villa, Riañu (xunto a campo de fútbol)
Entrada: 5 euros


Martes 20: Xuiciu pola ocupación de la FLEX
Acude a mostrar la tu solidaridá
A las 11:00 nos Xuzgados de Poniente, Xixón

Sábado 24: Comilona
Comedor vegano
Monólogo: Cómo sobrevivir a la ocupación siendo un inútil total. Por Iñigo A.R.
Proyección: De la servidumbre moderna
A las 14:00 en Mareo. Desde Xijón, por la Carretera Carbonera, antes de la segunda gasolinera de Mareo a la derecha, Camín de les Muyerines (Autobús nº 24)
Precio: la voluntad


Y por ultimo y siguiendo col tema de la autoxestión y la okupación, queremos dar a conocer que los compañeros en Euskadi del Centru social okupau "Kukutza III" del barriu obreru bilbaín de Rekalde, tan en grave peligru de desaloxu.
Esti gaztetxe, lleva 13 años ofreciendo actividá cultural y social a esti barriu bilbainu olvidau pol ayuntamientu, nuna nave abandoná que servía de nidu a les rates, y cola que la empresa propietaria quier especular, sin pensar na llabor invertía en adecuar esi espaciu y el trabayu autoxestionau y desinteresau de los vecinos del barriu pa da-y vida.

Dende la Semiente decimos:

"Contra los espacios muertos de la especulación,
Por los espacios vivos de la okupación"

PD: PODEIS SEGUINOS EN FACEBOOK. BUSCAI "La Semiente" (nun faen falta comilles)

miércoles, 29 de junio de 2011

Educación Llibre. Charra en La Semiente

Esti Xueves día 30 a les 20:00h tendrá llugar la conferencia Educación Llibre, a cargu de responsables de los proyectos La Escuelina y La Arboleda. Onde podremos conocer que ye la educación Llibre, les distintes formes d'educar y conocer los proyectos qu'anguañu tan furrulando n'Asturies n'esi sen. La actividá sedrá nel Centru Social La Semeinte, na cai Eladio Jove de L'Entregu.

martes, 28 de junio de 2011

Nun somos piromanos! Aunque si hai que quemar..

La nueche'l pasau xueves 23 de xunetu, como ya visteis nes anteriores entraes, entamemos a recuperar la Foguera de San Xuán nel pueblin de L'Entregu (concretamente nel prau anexu al campu futbol),

Cola ilusión d'entamar una fiesta prestosa, pusimonos a la obra la xente La Semiente, primero cola recuperación de los cabezudos, que nos prestó la Sociedá de Festexos de La Llaguna, y colos que fizimos disfrutar a grandes y pequeños coles mazcarones, la pareya de gaiteru y tamboriteru que amenizaba el pasacais y echando unes carrerines colos neños entreguinos de Miercoles nel mercau  (aunque tamién hai que decir qu'algun guahe, pola falta costumbre nun dexaba de berrar, pero seguro que camuda en pocu tiempu)
Mientres tanto la Foguera diba garrando forma cola colaboración de mucha xente del pueblu y los pueblos vecinos que nos apurrien maera y aplaudien la nuesa iniciativa.

Llegó el xueves. YERA EL DÍA! Pela mañana entamose cola estructura de la pila maera que teniemos, dempués de que se colocará el llargu palu central. Pe la tarde, por otru llau preparemos un par de carpes y unos decoraos en los que un grupín de artistes de La Semiente, representaríen una fabula reestructurá ambientá nesti conceyu de Samartín del Rei Aurelio.

Llegaron les 11 la nueche los cabezudos llegaben al prau dempues de dos hores escorriendo guahes pel pueblu y comenzaben les actividaes. Primero cola obra, co a que tol mundiu quedó encantao pol mensaxe, la gracia los actores (Armandona, Xuan, la Xanina, los indignaos o el home coxu) y la puesta n'escena.
Tras la representación y un pequeñu descansu, entamose con una exibición de malabares nocheriegos con fueu, lluces y percusión (po la que queremos dar les gracies a la xente'l Ñeru los Corios y otros malabaristes que se averaron dende Siero, pertenecientes a la A.J. L'Esperteyu), previa al encendiu de la Foguera, en la que'l compañeru de la Semiente Delfín, entonó un entreteníu conxuru citando los 4 elementos de la naturaleza, con el fueu como protagonista.
Tras estes prestoses pallabres, un Malabarista arrimó l'antorcha y en un minutu tola maera empezó a arder, llenando de lluz, ilusión, color y folixa, el prau, el pueblu y yo diría qu'hasta'l conceyu (con perdón de la xente que tamién monto foguera nel Serallo, los cuales tienen to'l nuesu apoyu)
Col fueu como collaciu baillose una multitudinaria danza prima alredor de la Foguera y muchos rapaces quedaron elli, embobaos coles ascuares y la musica de la percusión, la gaita y la flauta que nos fizo disfrutar hasta altes hores, celebrando asi'l solsticiu de branu, como tien que ser.

Añadir a too esto l'agradecimientu, a la pareya de Gaiteros que nos animaron los pasacais y la folixa, a los malabaristes y les sos acrobacies, a los que apurrieron maera y fizieron posible la Foguera y a tos los que nos apoyasteis d'una manera u otra pa que al final tol pueblu disfrutase d'una folixuca prestosa. GRACIES!
Tamién queremos pedir perdón polos fallos que pudieramos tener na organización del eventu y que l'añu que vien intentaremos por tolos medios solventar de la mayor manera posible.

LA SEMIENTE - Semando un nuevu futuru!

martes, 21 de junio de 2011

FOGUERA SAN XUAN EN L'ENTREGU

Nun va muncho, en tolos barrios, barriaes y pueblos del conceyu San Martín coincidiendo cola ya vieya tradición que marca'l cambiu'l solsticiu, cientos de culiebres de caricós xubien pal cielu escuru de la nuechi de San Xuan. Pero anguañu l'asuntu ye vien distintu, ya nun queden casi fogueres. Ye por ello, que dende'l Centru Social La Semiente queremos recuperar esi vezu que de va poco p'acó ta perdiendose y que marcaba muncho mas qu'una fecha.
Yeren famoses les competiciones ente barrios a ver quien la facia mas grande, a ver quien ponia'l palu central mas llargu y a ver que foguera yera la que mas duraba. Esti añu en L'Entregu nun va haber competición, non. Nama´s va haber una foguera, la de la xuntanza. Por eso queremos convidar a la xente non solo de los barrios y barriaes de L'Entregu y l'arrodiá, si non a tolos qu'esti añu tean güerfanos de foguera; pa que vengan a disfrutar con nós d'una nuechi especial, una de les nuechis mas importantes del añu. Vamos tener teatru, malabares, conxuros, danza prima, y música. Ya los sabes si toques algo nun lo dexes en casa, seya l'istrumentu que seya, has de trayelu. Prestabanos tamien convidar a la xente a recuperar la tradición d'enrramar les fontes, esti añu vamos un poco xustos de recursos y tiempu, pero pal añu qu'entra prestábanos que l'enrrame les fontes tubiere mas organizáu.
Bueno xente... vemonos na FOGUERA!!!!

Solidaridá colos detenios. Tamos fartos/fartes de represión!



 La semana pasá n'Asturies una vez más el poder estableciu quiso controlanos col mieu, la represión, col su "Estadu de Derechu" y lo más grave, cola mentira.

La semana pasá fueron detenios en Candas, Xixon y Mieres, 5 mozos lluchaores y militantes del PCPE y les CMC, acusaos de delitos de Terrorismu y "kale borroka" que según los actos policiales tiraron 2 cocteles molotov nesta cuenca del Nalón en Xineru. Too esto corresponde a un montaxe policial y represivu del Estau, porque estos fechos son totalmente falsos y una vegada más, vese el intentu de criminalizar cualquier movimientu contestariu colos sos intereses, a cualquier preciu, y sin parase a pensar nel dañu a les persones y a les sos families.


A 3 d'estos rapazes, llevaronlos a la Audiencia Nacional a declarar, donde fueron desestimaos los delitos de Terrorismu, por nun tener fundamentu algún, colo que los compañeros serán xuzgaos en Llangreu por un delito de faltes.

Dende el Centru Social La Semiente, queremos dar la nuesa Solidaridá pa colos detenios y espresar la nuesa repulsa a la criminalización de les lluches obreres y populares y a la represión exercia pol delegau del Gobierno n'Asturies Antonio Trevin como n'otres ocasiones.
Pedimos la Llibertá sin Cargos pa tolos detenios y les disculpes de los culpables de esti montaxe.

Per otru llau solidarizamonos colos tres detenios acusaos ridiculamente de pertenecer y ser cupula de la "peligrosisisma" organización "ANONYMUS". Movimientu anonimu ensin cupula nenguna y que trabaya pela rede faciendo protestes masives altravies de internet, que curiosamenete ta presente tamein nel movimientu 15 M. Colo cual nun persiguen otro que asustar a los activistes y criminalizar el movimientu. Tamién pidimos la lliberta ensin cargos pa ellos.

Porque güei son ellos, pero mañana podemos ser nos!
Basta de Montaxes Policiales!
Trevin Fascista tu yes el Terrorista!

jueves, 9 de junio de 2011

Presentación del proyectu "La Madeja".

Siguiendo coles actividaes del mes de xunu. El Centru Social La Semiente tien programao pa güei xueves 9 de xunu a les 20:00h, la presentación del proyectu La Madeja. Una interesante revista creada pol grupu feminista que ta dientro del colectivu social Cambalache:
Fai casi un añu, nel grupu de feminismu de Cambalache surde la idea de publicar una revista. Pensamos que yera un espaciu aparente pa dialogar, disentir, aprender, criticar, visibilizar, socializar conocencies, asitianos, faer(nos) entrugues... Y non yá cola resultancia final, sinón tamién nel mesmu procesu d'ellaboración. Convidamos entós a sumase más persones hasta formar un grupu heteroxéniu y múltiple nel que, dende una mirada feminista, entemecer diverses voces. Creemos que tener una mirada feminista significa reconocer qu'un mesmu fechu nun incide por igual nes distintes persones que conformamos esta sociedá de resultes de cómo se nos identifica dientro d'ella. Dende esti puntu de vista, amás de querer dar espaciu na revista a perspectives tradicionalmente invisibilizadas nos medios de comunicación (biografíes, ciños, vida cotidiana, nueves masculinidades, los ciños y relaciones, etc.), queremos ser crítiques col patriarcáu y el capitalismu, asumiendo que trabayar por un mundu más xustu pa les muyeres implica trabayar tamién por tolos otros que s'atopen nos marxes.La revista forma parte de les publicaciones de la editorial de l'asociación Cambalache y, como toles demás, ye un proyectu autoxestionau que se sostien al traviés de la so vienta. Por ello, animámosvos a mercala, espublizala y distribuyila.

miércoles, 1 de junio de 2011

Actividaes del Mes de Xunu




 Esti mes de Xunu vien completin del too, muches charres, seguimos col cine forum, y tamos emperraos, en recuperar la Foguera de San Xuán, así que pasaibos pol centru cualquier día d'estos, que queremos que sea un puntu de encuentru de tol pueblu, el conceyu y pa cualquiera que te interesau nes actividaes que facemos o que cualquier colectivu o persona quiera entamar.

Un Saludu y seguimos na siembra...
LA SEMIENTE

martes, 31 de mayo de 2011

Entrevista a La Semiente en ASTURNEWS. (reprodución entrevista 13/05/2011))

 Delfo Valdés: "La Semiente ñaz d'un piñu de xente con ganes de facer coses"  



Inaciu Galán
Delfo Valdés
Delfo Valdés ye conocíu pol llabor musical al frente del grupu La Tarrancha. Agora ta “implicáu” na creación del llocal social “La Semiente”, en L’Entregu. Un llugar dedicáu al espardimientu de la cultura y que lleva un par de meses en marcha. Falamos con él del presente y el futuru d’esti proyectu cultural alternativu.
-Anunciaron el ñacimientu de “La semiente” como “dalgo acaba de ñacer en La Cuenca”, ¿qué ye La semiente y con qué oxetivos ñaz?
-La Semiente, quier ser éso, la grana de dalgo nuevo, algo que faigamos ente toos y que vaya medrando, que vaya espoxigando, dando’l so frutu y dempues dir esparciendo mas semiente. Osea, somos un piñu de xente con ganes de facer coses, partiendo de cero, dir tirando p’alantre poco a poco, amosando que les coses puen ser d’otra forma, que se puen facer d’otra forma, ver como eses coses van calando na manera de ver les coses per parte del restu la sociedá y que xenerando esa nueva actitú de la xente desencadene n’otres acciones asemeyaes. Basicamente eso ye lo que queremos, acabar cola pasividá social, col conformismu, col desencatu, cola insolidaridá cola apatía, cola galbana colectiva… pero too ello faciendo, trabayando, apurriendo, proponiendo, criticando lluchando, costuyendo…
Con eses intenciones taba claro que nun podiemos facer una asociación cultural al usu, non. Una cosa importante yera tener un llugar, un centru nel que trabayar too esto, onde poder dar charres, facer talleres, presentar llibros, facer poesía, pasar cine, aconceyanos, aldericar… contuberniar (rises). Y que esi centro nun dependiera de nengún organismu que nos ficiera tar cómodos y ser una barriga agradecida. Por ello ye, que ñacimos cola idea de ser un centru autoxestionáu nel que poder trabayar ensin torgues y nel que cualquier colectivu que lo necesite tamién pueda reunise o trabayar puntualmente.
-¿Quién ta detrás d’esti proyectu?
-Somos un grupu bastante eteroxeniu. Hai xente que yá nos conocíemos, otros que non, xente que vien de tar en distintos movimientos sociales, culturales, xuveniles… otros que pel momentu ye la primera vez que participen nun colectivu. Somos xente d’edaes estremaes, dende estudiantes, a paraos, trabayadores, mineros retiraos, dende xente mui mozo hasta xente con fios yá mozos. Lo que nos xunce son les ganes por facer coses y tirar p’alantre, y que yá tábemos fartucos d’“arreglar el mundo nos chigres”.
-¿Ñaz La Semiente porque les instituciones públiques nun respuende a determinaes demandes de la sociedá?
-Buffff, eso pue ser una d’ente les tantes cuestiones poles que ñaz La Semiente. Pero aparte de que les istituciones nun respuende les determinaes demandes de la sociedá, eses mesmes instituciones fomenten tolo contrario. Dende’l sitema educativu , (que ye lo primero que mamamos per parte d’élles) nun se fomenta la crítica, nin la capacidá d’analís, nin s’estimula la creatividá, nin la solaridá, nin el comprendimentu. Ye un meru tramite que nos prepara pa ser les oveyines (o borregos) que’l mesmu sistema quier que seyamos segun vamos medrando, que seyamos uniformes, que seyamos miembros del pensamientu únicu, que consumanmos, que nun nos paremos a anlizar, sinón que tragemos tolo qu’esi gran entramáu nos da masticao y que nós, namás tragemos con too ensin retrucar. Entós les instituciones nun solo nun respuenden les demandes de la sociedá, sinón qu’intenten dirixir y controlar les propies demandes de la sociedá, nel sector empresarial eso llámase marketing… estatexa de mercáu…
-El vienres 29 celebraron la inauguración, ¿qué tal acoyida tuvo?
-De les que dexen bon tastu. Mui bona, la verdá ye qu’a la xente-y prestó enforma. Trátabase d’una proyección na cai de semeyes antigües y nueves de L’Entregu, ambientaes con musica d’un productor de la cuenca. La xente que taba ellí yera de toles edaes y prestó-yos a toos por igual. D’ehí p’acá ficimos delles actividaes mas, como foi la organización de la Ix Folixa del 1 de Mayu xunto col FUSOA, qu’esti añu fízose en Ciañu y tamien foi un ésitu, dempués tuvimos la Timba Poetika, que tamién y tolos miércoles tamos col cine forum qu’esti mes ta dedicáu a la rellación del cine y la música. Tamos trabayando yá nes actividaes que nos quedén esti mes y lo que va ser el mes de xunu, que tamién va venir completín, asina que tai al tantu.

-El centru, dicís, ñaz, pa tar atentos a lo llocal y a lo global…
-Sí, queremos ser participes de les coses que nos pasen, y de lo que pasa nel nuestru entornu inmediatu. Queremos influyir nes opiniones y la forma de ver les coses y d’actuar de la xente cola que vivimos. Pero queremos facelo con una visión non solamente llocal, sinón global. El vieyu dichu de piensa globalmente actua localmente (rises). Pero aparte, non solo queremos tratar asuntos cercanos, sinón que vemos necesario dar a conocer otres realidaes sociales y culturales que tán a miles de quilómetros de nós, ye necesario concocer tolo que pasa nel planeta.
-Una de les primeres actividaes foi una esposición de semeyes na que yera l’antigua estación de RENFE, ¿tienen pensao repetila n’otros llugares?
-Si, dende’l principiu la nuesa idea yera dir faciéndola en distintos pueblos de la cuenca El Nalón. Que’l centru social tea en L’Entregu nun quier decir que nos vaigamos centrar namás ellí, esperamos que’l nuesu marcu d’actuación seya tola cuenca.
-Y nel ciclu de cine-forum, ¿qué películes pueden vese?
-La persona que programa los ciclos fizo una riestra de propuestes pa que la xente fuese añadiendo, pero dempues l’orden de les películes y la película en cuestión de cada ciclu y cada dia ye una sorpresa. Asina naide cuenta’l final d’antemano (rises) y tamién aseguramos que la xente respuenda y nun falte a la cita tolos miércoles.
-¿Qué otros proyectos tán ferviéndose yá en La Semiente?
-Bono, hai delles charres pendientes enantes de llegar al branu, una sobre Mayu del 68, otra sobre’l Plan Boloña, la presentación de la revista feminista La Madeja, una charra sobre la llei d’estranxeria, collaboramos cola 1er Xuntanza Malabar que va facese en L’Entregu el 21 de Mayu, pola Cia de Circu El Ñeru Los Coríos, tamos a ver si facemos una foguera de San Xuan de forma popular y vecinal pa too L’Entregu… a ver si hai manera de programar un conciertu del cantauror Canteli… tamos mirando de facer unos talleres creativos y de pintura… bono pa dir arrancando nun ta mal. Dempués a ver cómo enfocamos el branu y de cara a la seronda vamos dir metiéndonos en fariña, hai munches coses yá a la vista.

La Semiente sigue na cai!!!

La Semiente sigue na cai dende'l 15 M, bueno, dende'l 14! Depues de participar na movilización del 15 M La semeinte, o meyor dicho, los sos miembros siguimos na cai formando parte d'esti moviminetu ciudadanu. Primero participando nos conceyos abiertos que se fixerón n'Uviéu y en Xixón y depues casi esclusivamente centrandonos nel nuestru ambitu llocal, formando parte del colectivu d'indifnaos/es del Nalón, que tien como base opertiva y centru d'acampá, la plaza l'ayuntamientu de Sama, (Llangréu). Tamos participando de toles actividaes que se tan faciendo dende "acampalanón" y vamos siguir tando ehí. Dexámosvos con algunos vidios y semeyes de les acciones y actividaes nes que participemos:

 
 

martes, 17 de mayo de 2011

La Semiente sal a la cai!


El pasáu fin de selmana, vvieronse dos xornaes de reivindicación. Neses dos xornaes, LA SEMIENTE tebo presente.
Per un lláu, el sabado dia 14, los sindicatos C.S.I., C.G.T., SUATEA Y C.N.T. de Uviéu, convocarón una manifestación baxo'l lema "VAMOS LLEVANTAR CABEZA" , a esa manifestación diben axuntaes dos marches previes; una "Contra'l Pactu Social" (reforma llaboral, el pensionazu, la privatización de los servicios, los retayos sociales, la corrupción política,...) y otra "Pola ecoloxía social" (contra la esclusión social, el racismu, la especulación urbanística, la destrucción medioambiental, la desapaición del mundu rural asturianu...).
Dexamos equí un enllaze a una pequeña cronica de como trescurrierón les marches y la manifestación. Que contó con una orixinal cadena de manifestantes arrodiando la sede de la Xunta xeneral del Principáu. http://www.glayiu.org/?accion=ver&tipo=noticia&id=14450

 Al dia siguiente, domingo 15 de mayo, el movimientu ciudadanu "Democracia Real Ya!", tenia convocaes delles manifestaciones simultanies en tol territoriu del Reinu d'España. esti movimientu que ñació a la solombra de les redes sociales ta articulandose non solo pela rede, sinon tamien, en conceyos abiertos n'estremaos nuclios de población. La Semiente tebo repartiendo información pelos distintos pueblos de la cuenca'l Nalón el vienres enantes a la manifestación. La verdá ye que la convocatoria foi guapa y vistosa, enllena de música y mas activa que la del día anterior. Pa la xente ya avezá a dir a una manifestación detras d'otra, foi un respiru, una oportunidá de ver cares nueves y otres que va tiempu nun se vién saliendo a la cai. Colos sos aciertos y colos sos errores, pué que teamos ante una nueva etapa, o polomenos ante un balón d'osixénu nos movimientos sociales que dende va tiempu nun somos a articular rempuestes o atrayer a mas xente de los que ya militamos dende va tiempu. Esperemos que los que siempre engochen les coses intentando remanalo politicamente, tarden en faelo o nun lleguen a ello, y que la xente nun se dexe amedrentar poles estratexes persasories de prepresión que se tan poniendo en marcha escontra esti movimientu. Atras quedarón otros movimientos qu'axuntaron xente en momentos determinaos y que quedarón nel escaézu, como la Insumisión y l'antimilitarismu, "aquello" del 0'7, el "No a la Guerra" (mui remanau politicamente) y aquel pequeñu espeyismu de la antiglobalización.


 Esti articulu va firmáu, porque n'él, hai opiniones personales que nun tienen porque ser comparties pol restu de La Semeinte.
Delfo (Miembru de la semeinte).

viernes, 6 de mayo de 2011

Mani pola Oficialidá y Selmana les Lletres Asturianes.

Coicidiendo cola Selamana les Lletres Asturianes, entámense dellos actos istitucionales per toa Asturies. Pero al marxen de los actos que faiga'l "gobiernu'l principáu", los conceyos y la propia Academia de la Llingua Asturiana (A.LL.A.), como tolos años, la Xunta Pola Defensa de la Llingua organiza una manifestación pa que se respeten los nuestros derechos llingüisticos, y les dos llingúes patrimoniales d'Asturies, l'asturiano y el gallego-asturiano tengan el reconocimentu que se merencén, LA OFICICIALIDÁ.

jueves, 5 de mayo de 2011

Timba Poétika


EL CENTRU SOCIAL LA SEMIENTE presenta la so Timba PoétiKa, onde se va mezclar la música la poesia y les mas modernes técniques audiovisuales con D.J. ANTISTAILO (a los platos y demas apartos sonoros) acompañando la poesia de PABLO X. SUÁREZ, MIGUEL ALLENDE, SERGIO S. TABOADA Y LA TURKA. Tamien se va contar con delles colavoraciones mas de poetes locales. La actividá va tner llugar nel recien inaugurau Centru Social La Semiente, na cai ladio Jove nª 6 de L'Entregu esti vienres 6 de Mayo a les 21.30. La entrada ye llibre y gratuita.

Naz el Centru Social La Semiente

El pasau dia 29 d'Abril presentóse en publico el nuevu proyectu La Semiente. La so primer actividá foi una proyección de semeyes antigües y nueves de L'Entregu baxo'l titulo de "L'Entregu ayer y güei" y que tubo llugar nun espaciu abiertu y publicu de L'Entregu. La actividá foi un esitu y namas foi l'aniciu, l'arrancar la espita de tolo que tenemos dientro y de tolo que queremos faer.

Hai uan sociedá en barbechu y vamos semar, NUN SE PEU DEXAR PA PRAU!

Vidio de presentación de La Semeinte que se proyecto'l dia 29 d'abril de 2011.