Por segundu añu consecutivu y después de dellos años ensin
una foguera curiosa nel pueblu, dende el Centru Social La Semiente, entamase otra
vegá esta nueche de fueu esti 23 de Xunu.
N’ella van tener cabía munches más coses que l’añu pasau,
entamando pol enrramau de les fuentes del pueblu, qu’amanecerán engalanaes pa
la ocasión, cola participación de les muyeres entreguines.
Ya pola tarde, nel prau ensin construir que ta pegau al
campu de fubol “Nuevu Nalón”, donde les llames faeran la so aparición, habrá actividaes
dende les 18:00, donde los grupos de deportes autoctonos “Los guahes”, “La Casaca” y “Perlora”, fadrán
una exibición y un pequeñu torneu de xuegos tradicionales d’Asturies, que va
tar abiertu pa grandes y pequeños.
Ya a eso de les 21 la
nueche, los cabezudos xunto con una parexa de musica del país fadrán un
pasacais pol pueblu pa dir llevando a la xente pal prau la fiesta, donde se
podrá tomar un culete, una cañina de cerveza artesanal o un refrescu con
precios populares del too.
A les 11 la nueche la maxa lleguará a L’Entregu, cola
actuación de la compañía de teatru “Tatata Chan” y el so espectaculu “El arca
de las leyendas”, a lo que seguirá la irrupción de los personaxes mitolóxicos,
que serán los encargaos de prender la mecha que traiga el fueu y la maxia.
Pero col encendíu, la cosa nun fae más qu’entamar, col fueu
ya menos bravu, baillarase una danza prima como tien que ser, en comuña,
faeremos una potá de queimá pa calentar el cuerpu y montaremos un micru
abiertu, pa que’l que-y apeteza, eche una cantará o nos deleite con un
instrumentu de la so colección, y de xuru que muches más sorpresas.
Nun fae falta que salgas del pueblu, tenemos la foguera en casa!
No hay comentarios:
Publicar un comentario