El Centru Social La Semiente va ufiertar una charra informativo y
posterior devate sobre la
Oxeción Fiscal al Gastu Militar y l'IRPF, que va correr al
cargu de miembros de la
Campaña Asturiana pola Obxeción Fiscal al Gastu Militar. Va
Ser esti xueves día 13 a
les 20:00h. nel mesmu Centru Social La Semiente d L’Entregu.
Distintos colectivos y persones impulsen la campaña
n'Asturies mientres el periodu de presentación de la declaración de la renta
que'l so oxetivu ye nun collaborar col
Estáu nos gastos de preparación de caltenimientu de la estructura militar,
desobedeciendo activamente nel momentu de realizar la declaración de
la renta.
La campaña asturiana pola Oxeción fiscal a los gastos
militares va ufiertar a los medios y al públicu los motivos, y los mecanismos
senciellos pa faer Oxeción Fiscal a los gastos militares na declaración de la
renta.
Ye chocante que cuando retáyase mas en sanidá, n'educación,
frénense la inversiones a la investigación y al desenvolvimientu, retayase en
personal y en plantiyes, los axustes son cada vez mas afogadizos… l'exercitu sía la única institución
intocable. Una vegada más, el militar ye'l gastu que menos mengua. Ayudáu pola
poción máxico de la opacidá y el camuflaje en milenta partíes, y tamién pol
desaxuste ente lo que se presupuesta y lo que se gasta realmente. Nesti
contestu nel que tamos, les persones tenemos que tomar mayor concencia si
quepe, de cuálos son les nueses necesidaes.
Nin una muyer, nin un home, nin un euru pa la guerra.
¿Qué ye la Oxeción al Gastu Militar?
Ye la non disposición a collaborar col Estáu nos gastos de
preparación de guerres y caltenimientu de la estructura militar, desobedeciendo
activamente nel momentu de realizar la declaración de la renta (IRPF). Consiste
técnicamente n'aprovechar la declaración del IRPF pa esviar una parte de la
totalidá de los nuesos impuestos a un proyectu que trabaye na defensa d'un
progresu social solidariu.
¿Quién puede oxetar?
Cualesquier, yá sías trabayadora, paráu, estudiante o nun
trabayares nunca, y da igual si te sale a pagar o a devolver, siempres que nun
realizares yá la declaración (confirmando'l borrador, por casu).
¿Que cantidá puede
oxetar?
Dende 1€ hasta... Cada persona decide lo que quier/puede
oxetar. Aparte del fechu simbólicu de la oxeción, la entidá receptora va
recibir una sustentación pa poder desenvolver el so llabor (cosa qu'acaldía ye
más difícil, por cierto....).
¿Cual ye la so finalidá
política?
El fin de la
OFGM ye la total eliminación de los exércitos, la
investigación militar y la redolada militar industrial por aciu un
amenorgamientu progresivu de los gastos militares. Faciendo OFGM amosemos el
refugu social que tien el gastu militar en particular y el militarismu polo
xeneral, coles mesmes que solidarizamos con otres lluches pol progresu social
que se dan na nuesa sociedá.
¿A quién destinar la
oxeción fiscal?
Col dineru esviáu promuévese el trabayu pola Paz, la
xusticia social, la cooperación pal desenvolvimientu, la meyora del mediu
ambiente, los derechos humanos, el sofitu a lluches tresformadores n'otros
estaos etc. Con esti dineru consíguese faer realidad proyectos que nun reciben
subvenciones, proyectos que dexen siguir trabayando por una sociedá más xusta y
equitativa.
No hay comentarios:
Publicar un comentario