¡VALIÓ YA DE DESPILFARRU! CONCENTRACIÓN DELANTRE L'AYTU. SAMARTÍN.

¡VALIÓ YA DE DESPILFARRU!
Ya fartuca, el ver como les alministraciones públiques despilfarren les perres de la xente n’equipamientos que lluego nun presten ningún serviciu a la ciudadanía. Exemplos como, el Centru d’Estudios Mediuambientales (CEMPA) que se derribó sin haber abiertu un solu día, o el centru d’empreses del pozu Entrego, nel que se gastaron 5,6 millones de € pa que te prácticamente vacíu y dando sombra a la carretera, recuérdennoslo cada día. Nel plenu del prósimu xueves 30/1/2014 l’Ayuntamientu de Samartín, depués d’haber gastáu 743.981 euros n’acondicionar un equipamientu que cuenta con una parcela de 6000m, 1200m2 útiles, bar, salón d’actos, escenariu y otros servicios, pretende axudicar la xestión del Trabanquín a la empresa Casuali Servicios Integrales pola ridícula cantidá de 412 euros mensuales pa 15 años, lo que supón nin más nin menos que poner un de los meyores equipamientos del conceyu al serviciu de los intereses d’una empresa privada pol preciu d’alquiler d’un pisu en Serrallo. Por tou ello, l’Asociación “La Semiente” convoca una CONCENTRACIÓN VECINAL
NEL AYUNTAMIENTU
XUEVES 30/1/2014
A LES 5.30 DE LA TARDE
CONTRA’L DESPILFARRU DE FONDOS PÚBLICOS
POLA XESTIÓN PÚBLICA D’EQUIPAMIENTOS MUNICIPALES