Realcuentru Asturies - Euskal-Herria Bertopaketa

Llegó’l momentu del realcuentru. Tras el “Alcuentru Asturies-Euskal Herria Topaketa” cellebrau el pasau marzu en Gasteiz, ye agora la xente vasca la que visitará Asturies. El prósimu 21 de septiembre en L’Entregu y La Felguera tendrá llugar un realcuentru que busca dar a conocer aspectos de la realidá vasca n’Asturies y seguir estrechando llazos ente persones y colectivos sociales y culturales de los dos países.

Pasacalles turísticu, reinvidicativu y folixeru por L’Entregu, espicha, una mesa redonda col titulu “Movimiento popular de Euskal Herria en Gasteiz”, mercadin de colectivos vascos, un conciertu hiphop del grupu asturianu K-Nalón seguio d’un micru abiertu, y una pinchada y folixa internacionalista, serán les actividaes del día que durarán desde pela mañana hasta la madrugada.

L’eventu ta organizau en comuña pol Gaztetxe de Gasteiz, Ixuxú Asturies-Euskal Herria elkartea y el Centru Social Autoxestionau La Semiente.
Programa
08.00 | Salida de Gasteiz
13.00| Bienvenía nel Centru Social La Semiente al bus llegau de Gasteiz y pasacalles turísticu-reivindicativu-folixeru por L’Entregu
15.00| Espicha
17.30| Mercadin de colectivos vascos
18.00| Mesa redonda: El movimientu popular d’Euskal Herria en Gasteiz
21.00| Conciertu
• K-Nalón
Hiphop combativu n’asturiano
• Grupu sorpresu + Micru abiertu!

00.00| Jaia/folixa con pincheu de musica internacionalista nel Chigre Ochobre