I ALCUENTROS ALTERNATIVOS Y POPULARES DE BIMENES.

 

SÁBADU 31 D’AGOSTU. BIMENES. ASTURIES. (VA HABER PRAU P’ACAMPAR).

12:00H - Homenaxe a la llucha minera, nel Monumentu Mineru (Santuyanu/San Julián)

13:00H - Homenaxe a Los Fugaos (Fayacaba, Peñamayor)

15:00H - Xintar nel Monte (Xerru Gües, Peñamayor)

21:00H - Conciertu nel Polideportivu les Escueles de Martimporra.

Entraes: 5€ anticipada / 7€ nel día. Prau p`acampar.

- ARMA X (Rap combativu, Asturies)

- LA TARRANCHA (Mezigayu Ska, Asturies)

- LOS BONITOS DEL NORTE (Fusión-ska-rock-pachanga, Cantabria)

- DANI ANTISTAILO (Pinchando rico, Asturies)

+ Folixeros post conciert.

ENTRAES ANTICIPAES (5 €) EN BIMENES: BAR VIGIL, XIXÓN: SIDRERÍA CANTELI, CAFÉ TRISQUEL, SESTAFERIA CENTRU SOCIAL Y LLOCAL DE LA CSI, AVILÉS: EL CAFETÓN, L’ENTREGU: CHIGRE OCHOBRE, MIERES: EL ÑERU, LA POLA (SIERO): TABERNA EL CUÉVANO

Trabayu si, pero a cualquier preciu, non.

El pasáu día 2 d'Agostu, el Centru Social "la Semiente" de L'Entregu remitió a la Dirección Xeneral de Minería y Enerxía escritos d'alegaciones a los Estudios Preliminares d'Impactu Ambiental referentes a los proyectos conocíos como: "Proyectu de Investigación complementaria Los Artos", "Proyectu de investigación complementaria Los Pontones", "Proyectu de investigación complementaria San Juan" y "Proyectu de investigación complementaria Esperanza". Dichos Estudios d'Impactu Ambiental fueron realizaos con mires a una posible apertura d'esplotaciones mineres a cielu abiertu nes zones abarcaes polos proyectos mencionaos.

Aparte de señalar nos escritos  d'alegaciones les carencies ya irregularidaes de los estudios d'impactu ambiental presentaos, "La Semiente", siempre preocupá pola degradación salvaxe del mediu ambiente, posicionase claramente en contra de l'apertura d'esplotaciones mineres a cielu abiertu, pues aunque somos conscientes de la necesidá de criar puestos de trabayu nos conceyos afectaos por estos proyectos, nun podemos aceptar qu'esos emplegos nos cuesten l'inasumible preciu d'una degradación ambiental que non solo vamos sufrir nos, sinón que tamién la van sufrir les xeneraciones venideres. Polo tanto, afitámonos nuna postura que podríemos resumir na frase ¡Puestos de trabayu si, pero a cualquier preciu, non!