Ochobre 1934. Charra/alderique

Estos díes atopámonos ante una efemérides bien importante na hestoria de Asturies y de lo que vieno soceder darréu en tol estáu español. Trátase del 78 aniversariu de la revolución asturiana d'ochobre de 1934, un fechu históricu póliticu y social de gran trescendencia. Anque sía una fecha conocida, tamos ante un asuntu bien poco conocíu y pa contruvuir a qu'esto nun sía asina, el Centru Social y Autoxestionáu La Semiente, entama una charra y una mesa redonda sobre éllo. L'act

ividá lleva por títulu “La Revolución d'Ochobre nel so contestu hestóricu” y va correr a cargu del profesor d'hestoria ya investigador Faustino Zapico, que nos enfusará nos antecedentes históricos, lo fechos en sí, les sos consecuencies y les distintes llectures ya interpretaciones del la mesma revolución.
Ente otros trabayos y publicaciones, Faustino Zapico ye autor de los llibros “1808 o l’aniciu de la hestoria contemporanea d’Asturies”, Y .“Hestoria de Suráfrica: El nacimientu d’una nación”.
L'actividá va ser el xueves día 11 a les 20:00 hores n'el mesmu Centru Social La Semiente, onde les persones asistentes tamién van poder esfrutar de la esposición de temática medioambiental “Arte Gráficu y Defensa de la Tierra” de los colectivos mexicanos LUCHATE (Arte en Lucha) y Resistencia Gráfica.
Tamién recordar a les persones que-yos pete, qu'esti miercoles continua'l taller de Baille Tradicional Asturianu a les 18:00h. Los demás dies sigue siendo de vienres.
El documental “L'oru y la vida” previstu pa esti miércoles retardar pa nun coincidir col XV Certame de Curtios Aula 18”, del que la xente de la Semiente anima a participar

Programación d'Ochobre

Dempués d’un branu calentin, muchos piensen que torna la fría seronda, pero esto va ponese n’ascues

Vuelven les actividaes culturales y sociales a La Semiente, con les charres de los xueves y les proyecciones de los miércoles además d’alguna sorpresa más.

Para entamar, esti miércoles 3 d’Ochobre a les 19:30 presentamos un documental d’ orixen mexicanu “Tlatelolco, las claves de la masacre”. Esti, aborda los acontecimientos ocurrios el 2 d’esti mes en Mexico DF fae ya 44 años, cuando una manifestación estudiantil convirtiose n’una masacre, con muchos sucesos extraños alrrodiu de la actuación de la policia y l’exerrcitu.

Al día siguiente y a la misma hora, el Xueves 4, va visitanos la asociación “Acción popular organizá pa la reciprocidá Mutua n’Asturies”, que van falanos de los oríxenes del dineru, pa entender el so funcionamiento actual y debatir entre los asistentes les diferentes visiones sobre eso de lo que dicen que mueve el mundiu.

N’esti Ochobre caldeau ná meyor que acordarnos de los revolucionarios del Ochobre Asturianu. Pa ello, el Xueves 11  contaremos cola presencia del historiaor Faustino Zapico.

Y porque no, también vamos cruzar el charcu el Miercoles 17 pa ver un documental llamau “El oro o la vida”, que cuenta la resistencia indixena frente al expoliu de les multinacionales mineres de esi metal.

Por otra parte esti mes, en concretu el día 5, entama nel Centru Social un taller de “Baile tradicional Asturianu”, el/la que té interesau/a aún ta a tiempu d’apuntase antes de que arranque. (El cursu ye de baldre)

Pa cerrar nel mes de les castañes toca lo que toca,y el día 26 tornará l’amagüestu popular a L’Entregu, pero eso ya vos lo contaremos…

Recorda-y, que los Miercoles y los Xueves el centru social ta abiertu al público de 17:30 en adelante, y que disponemos de una biblioteca llibre y gratuita.

Conciertu Caleyeru

Llega la seronda y con ella, lleguen les actividáes al Centru Social Autoxestionáu La Semiente. Nun ye que tubiéremos paráes pel branu, ya que fiximos munches coses..., pero ye agora cuando empecipiamos colos ciclos de charres, documentales, cine... talleres... y eses coses. Tenemos ehí el mes d'ochobre que va venir cargáu con una esposición, dellos documentales y dos charres una dedicá al dineru y otra a la revolución d'ochobre, y como non otra edición del amagüestu semienteru!! Pero bueno, eso... ya vos lo diremos diciendo. Lo qu'importa ye que pa marcar esti arrancar, vamos ver si la entamamos un poco. Y ye polo que vamos faer una folixa de SEMI-PRESENTACIÓN de la Cerveza Caleya (presentación pa les que nun la conozan), que pa enriba fáenla unos compañeros y amigos nuestros... Ya se sabe que la buena birra entra con buena compañía y con buena música... y ésa ye la que van trayenos la xente del Triu Corzobeyos a ritmu de folk asturianu. Osea, que ya tenemos dos coses: buena cerveza, buena múscia... y namas faltais vosotr*s pa tener la buena compañía.
Ya sabeis a les 20:00h nel C.S. La Semiente de L'Entregu esti vienres 28.

Ah! si nun sabeis llegar ta na cai Eladio Garcia Jove nº 6.     ....O yera'l 4??  Bueno preguntais, ostia!!

Campaña de recoyida de llibros escolares.

Cola idea d'ayudar a les families del conceyu a superar esta “vuelta a la escuela” que tan difícil ta poniéndonos la crisis y el paru que sufrimos, el C.S.A. “LA SEMIENTE” pon en marcha una campaña de recoyida de material escolar y llibros de primaria y de la E.S.O. correspondientes al cursu 2011- 2012.

Aquelles persones que quieran donar los llibros del cursu pasáu de los sos fíos, van poder facelo nel llocal de “LA SEMIENTE”, o llamando al teléfonu 696- 20- 90-16 pa que pasemos a recoyelos. Estos llibros van quedar a disposición de les families que los precisen nel mesmu llocal de l'asociación, asitiáu na CALLE GARCÍA JOVE Nº 6 de L’ENTREGU, onde les persones interesaes pueden pasar a escoyer los que yos valgan pal cursu qu'empieza (2012- 2013) a partir del día 10 de setiembre.. A tal efectu, el llocal de l'asociación “LA SEMIENTE” va permanecer abiertu al públicu tolos miércoles y xueves de 5 a 7 de la tarde.

Asina mesmo, “LA SEMIENTE” tien la intención d'ampliar nun futuru esta iniciativa cola creación d'una Caxa de Solidaridá Vecinal, que recaudará ayuda pa les families del conceyu a les que la crisis ta poniendo en situación más precaria, y sobre la que se facilitaran más detalles en feches prósimes

                                                                                              ASAMBLEA DE “LA SEMIENTE”

Solidaridá en Ciñera. Y broza tamién.

Ciñera. Llíón/León

Queremos dar la nuesa mas sincera norabona a toles persones qu'entamaron la realización del “I Festival en Apoyu a La Minería” la pasada fin de selmana en Ciñera. Non too fueron coses bones, pero vamos dir por partes.

Va unos meses en L'Entregu celebrábase la II Xuntanza Malabar entamada por El Ñeru Los Coríos y Circu en La luna cola ayuda del C.S.A. La Semiente, y recibimos una visita especial.... la d'una escursión de neñes y neños (y otros non tan neños) que veníen d'un pueblu llamáu Ciñera, nun yera coincidencia non, ya que dalgún compañeru de La Semiente vive y trabaya na mina en Ciñera. Sabemos que lo pasaron bien y esfrutamos xuntos d'un gran día. Sabíamos qu'un día o otru había que devolve-yos la visita, pero lo que nun sabíamos yera cuales diben ser les circunstancies. El pueblu de Ciñera lleva dellos meses en llucha como munchos otros pueblos y contornes mineres. Pero mientres estos meses los homes y muyeres de Ciñera, amosáronnos la so capacidá de resistencia, de llucha y d'unidá frente a lo que consideren inxustu y en defensa de la permanencia de la so vida nuna redolada eminentemente minera. Mientres esos díes de llucha hubo díes bien duros, onde les fuerces de represión del estáu emplegaronsde duramente contra la población, pero eso nun-yos fexo recular, non, sinón afitar la so fuerza y resistencia. Esta capacidá de trabayu volvieron demostrala esta fin de selmana, yá que anque lo gordo de los preparativos pa esti “I Festival en Apoyu a La Minería” cayó en cuatro persones (un saludu dende equí para ellos,), nada fuera posible ensin la implicación de les muyeres, homes, neñes y neños que s'encargaron de too (montaxe de tola infraestructura del festival, coordinación tráfico, recepción visitantes, barra, caltenimientu continuu de servicios, llimpieza, piscines desmontar...). Un trabayu bien fechu y un exemplu de trabayu compartíu. Queremos felicitar dende equí tamién el trabayu del equipu de soníu y al sofitu de los grupos participantes; dende l'animación circense de Circofrénicos, El Ñeru los Coríos y l'Asociación Xuvenil Esperteyu y parte de La Semiente, a la charanga improvisada por músicos locales como Toño (gran percusionista y persona) y otros de La Tarrancha y de La Semiente, pasando tamién poles nueve bandes que dieron un gran conciertu, provinientes de Asturies, Llíón, y Palencia: como ALPAKA (responsables de ésto dende'l principiu con Omar tirando del carru), SKONTRA, BONES HAWK, ODIO VISCERAL, LA TARRANCHA, DESAKATO, GANDALLA, BÚNKER Y RAYADURA.

Lo dicho a toos ellos la nuesa norabona, pero nun escaezamos qu'esto yera un actu de sofitu a la llucha, llucha que tenemos de siguir y globalizar a tolos sectores. Animamos a tola xente a participar nos actos que se realicen pa recaldar fondos pa los gastos causaos pola represión, fueron munches les detenciones y van ser munches la condenes a les que faer frente.

Toca agora la vez de falar de lo malo.... Mientres tola fin de selmana viviose en Ciñera un ambiente calidu (y calorosu) y de camaradería. Que nós sepamos nun hubo nenguna rocea ente persones nin nada. Pero la nueche dio abellugu a los cobardes, a los cabrones y a los babayos. La furgoneta de dos compañeres y un compañeru foi saqueada. Robáron-yos trés mochiles, la comida,y bébora, un caxón con utensilios, el GPS, un móvil, delles gafes de sol y graduáes.... cobertores, sacos de durmir..., inclusive una ducha de furgo con un bidón de 50 llitros llenu. Pero tamién los papeles del coche y mas documentación. Delles coses fueron apaeciendo tiraes por onde la zona d'acampada y otres non. La documentación del vehículu apaeció rota en cachos. Que clase de borregu fai esto?. Enterémonos de que tamién-y abrieron el coche a una moza y robáron-y coses y otres tiráronles al ríu, según tenemos entendio a daquién maás robaron-y y fendieron-y la tienda de campaña. Enagora nun sabemos quien pudo ser, lo que si abarruntamos ye que yeren unos cuantos yá que movieron un gran volume de coses y dalgunes de considerable pesu. Si tenemos claro que son carroña y broza. Sabemos que'l pueblu taba infestáu de secretes y de guardies de paisanu, y esi ye un de los posibles barruntos; la de que too ésto podien tenelo montáo pa h.oder, crear malestar y semar rocea y mal rollu ente los asistentes. Tiénenlo crudo si cren que va ser asina.

Dende equí dicir que si daquién tien dalguna información sobre quien pudo ser o si atopó dalguna cosa, poner en contactu con nós a trabes del nuesu mail lasemiente@hotmail.com

En castellano:

Queremos dar nuestra mas sincera enhorabuena a todas las personas que se volcaron en la realización del “I Festival en Apoyo a La Minería” el pasado fin de semana en Ciñera. No todo han sido cosas buenas, pero vamos a ir por partes.

Hace unos meses en L'Entregu se celebraba la II Xuntanza Malabar organizada por El Ñeru Los Coríos y Circo en La luna con la ayuda del C.S.A. La Semiente, y recibimos una visita especial.... la de una excursión de niñas y niños (y otros no tan niños) que venían de un pueblo llamado Ciñera, no era coincidencia no, ya que algún compañero de La Semiente reside y trabaja en la mina en Ciñera. Sabemos que lo pasaron bien y disfrutamos juntos de un gran día. Sabíamos que un día u otro había que devolverles la visita, pero lo que no sabíamos era cuales iban a ser las circunstancias. El pueblo de Ciñera lleva varios meses en lucha como muchos otros pueblos y comarcas mineras. Pero durante estos meses los hombres y mujeres de Ciñera, nos han mostrado su capacidad de resistencia, de lucha y de unidad frente a lo que consideran injusto y en defensa de la permanencia de su vida en un entorno eminentemente minero. Durante esos días de lucha ha habido días muy duros, donde las fuerzas de represión del estado se han empleado duramente contra la población, pero eso no les ha echo retroceder, sino afianzar su fuerza y resistencia. Esta capacidad de trabajo nos la han vuelto a demostrar este fin de semana, ya que aunque el grueso de los preparativos para este “I Festival en Apoyo a La Minería” cayó en cuatro personas (un saludo desde aquí para ellos,), nada hubiera sido posible sin la implicación de las mujeres, hombres, niñas y niños que se encargaron de todo (montaje de toda la infraestructura del festival, coordinación trafico, recepción visitantes, barra, mantenimiento continuo de servicios, limpieza, piscinas desmontar...). Un trabajo bien hecho y un ejemplo de trabajo compartido. Queremos felicitar desde aquí también el trabajo del equipo de sonido y al apoyo de los grupos participantes; desde la animación circense de Circofrénicos, El Ñeru los Coríos y la Asociación Juvenil Esperteyu y parte de La Semiente, a la charanga improvisada por músicos locales como Toño (gran percusionista y persona) y otros de La Tarrancha y de La Semiente, pasando también por las nueve bandas que dieron un gran concierto, provinientes de Asturies, Llíón, y Palencia: como ALPAKA (responsables de ésto desde el principio con Omar tirando del carro), SKONTRA, BONES HAWK, ODIO VISCERAL, LA TARRANCHA, DESAKATO, GANDALLA, BÚNKER Y RAYADURA.
Lo dicho a todos ellos nuestra enhorabuena, pero no olvidemos que esto era un acto de apoyo a la lucha, lucha que debemos continuar y globalizar a todos los sectores. Animamos a toda la gente a participar en los actos que se realicen para recaudar fondos para los gastos ocasionados por la represión, han sido muchas las detenciones y serán muchas la condenas a las que hacer frente.

Le toca ahora el turno de hablar de lo malo.... Durante todo el fin de semana se vivió en Ciñera un ambiente cálido (y caluroso) y de camaradería. Que nosotros sepamos no hubo ningún roce entre personas ni nada. Pero la noche dio cobijo a los cobardes, a los cabrones y a los cretinos. La furgoneta de dos compañeras y un compañero fue saqueada. Les robaron tres mochilas, la comida,y bebida, un cajón con utensilios, el GPS, un móvil, varias gafas de sol y graduadas.... mantas, sacos de dormir..., incluso una ducha de furgo con un bidón de 50 litros lleno. Pero también los papeles del coche y mas documentación. Algunas cosas fueron apareciendo tiradas por donde la zona de acampada y otras no. La documentación del vehículo apareció rota en pedazos. Que clase de borrego hace esto?. Nos hemos enterado de que también le han abierto el coche a una chica y le han robado cosas y otras se las han tirado al río, así como a alguien le han reventado la tienda de campaña. Por el momento no sabemos quien ha podido ser, lo que si sospechamos es que eran unos cuantos ya que han movido un gran volumen de cosas y algunas de considerable peso. Si tenemos claro que son carroña y basura. Sabemos que el pueblo estaba infestado de secretas y de guardias de paisano, y esa es una de las posibles sospechas; la de que todo ésto lo tuvieran montado para joder, crear malestar y sembrar desconfianza y mal rollo entre los asistentes. Lo tienen crudo si creen que va ser así.

Desde aquí decir que si alguien tiene alguna información sobre quien ha podido ser o si ha encontrado alguna cosa, se ponga en contacto con nosotras a trabes de nuestro mail lasemiente@hotmail.com

TORTURA NEL "RUEDU" Y TORTURA NEL PUEBLU.

Dende La Semiente queremos faer públicu el nuestru apoyu a les persones deteníes el pasáu domingu 12 d'agosto en Xixón. Nel trescursu de la ya anual protesta antitaurina d'El Bibiu, fueron agredíes delles persones y dos fueron prindáes a la fuercia pola policía nacional. Tan en llibertá con cargos, pero d'ende equí queremos pidir la retirada de cualisquier cargu y denunciar l'actuación policial.
Per otru llau queremos faer condena de toa forma de maltratu animal, y de faer espectaculu d'éllo. Rechazamos la cellebración de corries de toros y otru tipu d'actividaes relacionaes col mundiu la tauromaquía. Llantamos equí tamién qu'Asturies ye una sociedá ayena a "los toros" y polo tanto nun entendemos como esti tipu d'actividaes denigrantes pa los animales puen gociar de sudvenciones y privilexos económicos nin d'espacios públicos. Ta claro que "los toros" ye un negociu sudvencionáu pa unos, per un lláu, y per otru nun dexa de ser un actu totalmente cosciente de fomentar unos patrones culturales determináos; asociaos a la españolidá y a una homoxenídá cultural inesistente; que pretenden caltener y esparder dende tiempos ya vieyos. Eso si, en detrimentu y esfarrape pa con otres manifestaciones culturales particulares de cada pueblu.

LA TORTURA NUN YE ARTE, NIN CULTURA!

CONTRA LES REDAES RACISTES Y LES ESPULSIONES D'INMIGRANTES NEL OCIDENTE DE ASTURIES.

Un bon cristianu.

Nos últimos meses, la Policía Nacional de L.luarca llevó a cabu numberoses redaes racistes en localidaes como L.luarca, A Veiga, Trevías y Cadavéu. Inmigrantes de diverses nacionalidaes, que lleven tiempu viviendo na zona y desenvolviendo actividaes tan imprescindibles como'l cuidu de persones mayores, vieron cómo la policía nacional identificába-yos pela cai, a la salida de la compra, na parada l'autobús ya inclusive nes sos propies cases –valiéndose de los datos del padrón municipal–.

Un grupu de persones y colectivos sociales tubieron en L.luarca, pa denunciar estes redaes y a los sos responsables, empezando pol xefe de la policía nacional de L.luarca, Ignacio Ramón González-Cachón Delgado, y el Delegáu de Gobiernu en Asturies, Gabino de Lorenzo.

Esti ye'l testimonio que quixeron dexar patente y del que queremos faénos ecu:

Denunciamos estes redaes, de primeres, porque son illegales. Numberosos organismos de derechos humanos certificaron la esistencia d'estos controles d'identidá en tol territoriu español y confirmaron el so calter illegal. Tanto ye asina qu'el mesmu sindicatu policial viose obligáu a criticalos por esponer a los mesmos axentes a ser denunciaos por práctiques illegales. El pasáu 20 de mayu, una circular del Ministeriu del Interior reconocía la esistencia de diches actuaciones y decretaba la so prohibición, p'asina torgar “práctiques que traigan una restricción indebida de los derechos y llibertaes de los inmigrantes”.

Sicasí, como pudimos comprobar, estes redaes siguen llevándose a cabu. La máxima espresión d'estes irregularidaes ye la de llevar les identificaciones a les mesmes cases de les persones inmigrantes, aprovechándose del posible desconocimientu del so derechu a la inviolabilidá de la casa.

Denunciamos estes redaes de calter racista, amás, porque son inhumanes y porque son l'entamu d'un círculu viciosu de violación de los derechos humanos. Cuando la policía detien a una persona por escarecer de documentación, puede tenela inclusive hasta dos nueches nel calabozu. Cónstanos qu'hubo detenciones por esti motivu na comisaría de L.luarca, a pesar de que la mentada circular del Ministeriu del Interior señala la improcedencia de treslladar a dependencies policiales a inmigrantes que, entá escareciendo de permisu de residencia, identificárense.

L'apertura d'un procedimientu d'espulsión puede terminar nuna multa alministrativa, yá de por sí una carga económica enorme pa persones que tán tratando de sobrevivir en condiciones bien precaries. Pero la policía de L.luarca, en coordinación cola Delegación de Gobiernu, trata de llevar entá más allá los procesos, promoviendo que persones inmigrantes, dempués de sufrir el calabozu, sían llevaes a Madrid ya internaes nun Centru d'Internamientu d'Estranxeros (CIE). Numberosos informes rellaten qu'estos centros son peores que les cárceles, a pesar de ser oficialmente centros “non penitenciarios”. Nellos les condiciones de salobridá son detestables, hasta'l puntu de que se producieron albuertos de muyeres embarazaes que taben internaes; nos meses d'avientu y xineru pasaos produciéronse dos muertes en CIEs por cuenta de una asistencia sanitaria desaparente.

La policía y la Delegación de Gobiernu pretenden unviar a un d'estos centros a una muyer nixeriana, residente en L.luarca. Esta muyer, que sufrió un llargu periplu hasta llegar a Europa –fuxendo de la probeza–, sufre agora la violencia d'un sistema que la trata como a una criminal: ta obligada a presentase dos veces al mes na comisaría de L.luarca y nel xulgáu de Navia, y espónse a una inminente detención ya internamientu. Dende'l CIE puede ser incluyida n'un de los vergonzosos vuelos de repatriación qu'entama'l gobiernu español. Esisten evidencies –vídeo y testimonios– de los malos tratos y palices sufiertes por inmigrantes nel aeropuertu de Barajas nel momentu de la espulsión. Un compatriota d'esta vecina de L.luarca, Osamuyi Aikpitanyi, morrió afogáu n'un d'estos vuelos dempués de que la policía punxéra-y na boca cinta de pegar pa evitar les sos protestes.

¿Por qué estes persones fuxeron de Nixeria? Porque se ven sumíes na probeza, mientres del so país salen millones y millones de barriles de petróleu y grandes cantidaes de gas p'asegurar el nuesu enorme consumu enerxéticu. Na zona d'estración petrolera, la esperanza de vida nun llega a los cuarenta años. Nel postreru mediu sieglu, produciéronse arramaos de petróleu equivalente a un desastre del Prestige cada añu y mediu.

¿Por qué son hostigadas pola policía? Mientres la última década haise promovido un sofisticáu sistema represivu pa xenerar mieu ya inseguridá ente la población inmigrante, garantizando d'esa manera que se conviertan en fuerza de trabayu barata pa sectores imprescindibles de la economía española.

Vecines y vecinos de L.luarca, faemos un llamamientu a manifestar el nuesu refugu a la persecución y detención de persones inmigrantes; llamamos amás a la solidaridá con toles persones que sufrieron les redaes y, güei especialmente, cola vecina nixeriana que ta amenaciada d'internamientu y espulsión.

NON A LES REDÁES RACISTES

NON A LES ESPULSIONES

NENGUNA PERSONA YE ILLEGAL