Documental “34-45. DIEZ ASTURIANOS NEL EXILIU FRANCÉS”‏

Esti miercoles día 28 de noviembre a les 19:30, nel Centru Social La Semiente de L'Entregu, vamos poder ver de la mano del so autor, Alverto Vazquez García'l documental “34-45. DIEZ ASTURIANOS NEL EXILIU FRANCÉS”. Al traviés de los testimonios de 10 asturianos, percorremos los repitíos esilios en suelu francés, teniendo como puntu de partida la derrota de la Revolución de 1934, pasando pola cayida d'Asturies en 1937 y la de Cataluña de 1939. A partir de 1939 asistimos al pasu d'estos homes y muyeres, apátrides según Franco y Hitler, pelos campos de concentración franceses, los campos d'esterminiu alemanes, la so importante participación en La Resistencia, la División Leclerc o'l maquis francés hasta la victoria final sobre los nazis. Dempués vendríen les invasiones pirenáiques al envís de forzar a les potencies aliaes a cumplir la so promesa d'espulsar a Franco y l'operación Boleru-Paprika contra l'activismu antifraquista en Francia.

Nun acepten el términu "Guerra Civil Española" sinón el términu "Guerra Antifascista Mundial". Toos ellos, octoxenarios y nonaxenarios consideraos héroes poles instituciones franceses,nun volverán ser españoles mientres se-yos obligue a xurar fidelidá a un rei...

Ochobre 1934. Charra/alderique

Estos díes atopámonos ante una efemérides bien importante na hestoria de Asturies y de lo que vieno soceder darréu en tol estáu español. Trátase del 78 aniversariu de la revolución asturiana d'ochobre de 1934, un fechu históricu póliticu y social de gran trescendencia. Anque sía una fecha conocida, tamos ante un asuntu bien poco conocíu y pa contruvuir a qu'esto nun sía asina, el Centru Social y Autoxestionáu La Semiente, entama una charra y una mesa redonda sobre éllo. L'act

ividá lleva por títulu “La Revolución d'Ochobre nel so contestu hestóricu” y va correr a cargu del profesor d'hestoria ya investigador Faustino Zapico, que nos enfusará nos antecedentes históricos, lo fechos en sí, les sos consecuencies y les distintes llectures ya interpretaciones del la mesma revolución.
Ente otros trabayos y publicaciones, Faustino Zapico ye autor de los llibros “1808 o l’aniciu de la hestoria contemporanea d’Asturies”, Y .“Hestoria de Suráfrica: El nacimientu d’una nación”.
L'actividá va ser el xueves día 11 a les 20:00 hores n'el mesmu Centru Social La Semiente, onde les persones asistentes tamién van poder esfrutar de la esposición de temática medioambiental “Arte Gráficu y Defensa de la Tierra” de los colectivos mexicanos LUCHATE (Arte en Lucha) y Resistencia Gráfica.
Tamién recordar a les persones que-yos pete, qu'esti miercoles continua'l taller de Baille Tradicional Asturianu a les 18:00h. Los demás dies sigue siendo de vienres.
El documental “L'oru y la vida” previstu pa esti miércoles retardar pa nun coincidir col XV Certame de Curtios Aula 18”, del que la xente de la Semiente anima a participar