I ALCUENTROS ALTERNATIVOS Y POPULARES DE BIMENES.

 

SÁBADU 31 D’AGOSTU. BIMENES. ASTURIES. (VA HABER PRAU P’ACAMPAR).

12:00H - Homenaxe a la llucha minera, nel Monumentu Mineru (Santuyanu/San Julián)

13:00H - Homenaxe a Los Fugaos (Fayacaba, Peñamayor)

15:00H - Xintar nel Monte (Xerru Gües, Peñamayor)

21:00H - Conciertu nel Polideportivu les Escueles de Martimporra.

Entraes: 5€ anticipada / 7€ nel día. Prau p`acampar.

- ARMA X (Rap combativu, Asturies)

- LA TARRANCHA (Mezigayu Ska, Asturies)

- LOS BONITOS DEL NORTE (Fusión-ska-rock-pachanga, Cantabria)

- DANI ANTISTAILO (Pinchando rico, Asturies)

+ Folixeros post conciert.

ENTRAES ANTICIPAES (5 €) EN BIMENES: BAR VIGIL, XIXÓN: SIDRERÍA CANTELI, CAFÉ TRISQUEL, SESTAFERIA CENTRU SOCIAL Y LLOCAL DE LA CSI, AVILÉS: EL CAFETÓN, L’ENTREGU: CHIGRE OCHOBRE, MIERES: EL ÑERU, LA POLA (SIERO): TABERNA EL CUÉVANO

Presentación del llibru "Cazados" .

 Esti llunes día 18 a les 19:00h vamos tener la presentación del llibru Cazados, de Germán Mayorga. esta actividá ta fecha en collavoración col Ateneo Republicano de Asturias,dientro de les sos actividáes que periodicamente y n'estremáos sitios vien faciendo col nome de "Los Lunes del Ateneo".


“Existe otra niebla, que avanza más despacio y nos va cubriendo con tanta discreción que apenas la notamos…los episodios que nuestros mayores recordaron durante décadas en voz baja, se van perdiendo en los pliegues de la historia y hay quien está interesado en que así sea. Sin embargo, también existe quien se niega a rendirse ante el olvido. Germán…”

Germán Mayora García, a dicir d'Ernesto Burgos nel prólogu, aguanta a que se sotierre'l pasáu de mala manera. Nació en L.lena a pocu de terminar la Guerra, en 1941, y pudo escuchar de boca de los testigos presenciales los fechos que narra. Ye fundador de l'Asociación de la Memoria Histórica de L.lena y anguaño el so presidente. Nun llegó a terminar Derechu porque l'actividá d'acaldía nun dexaba tiempu a los estudios; foi Secretariu d'Organización d'aquel PSP de Don Enrique Tienru y Galván, Secretariu Xeneral Técnicu de la Conseyería de Presidencia con Francisco Priendes Quirós nel gabinete autonómicu de Rafael Fernández y agora ye pieza importante na dirección Rexonal del Atenéu Republicanu d'Asturies y soporte fundamental de la Fiesta del osu Reyicida. Entá tien tiempu pa mentar a los sos maestros, Don Ricardo Mallo y particularmente don Jesús Neira, del que supo estrayer un tanto d'habilidá pa les lletres.

“Cazados” ye'l so tercer llibru, que sigue a “De osos y de los osos. Cuentos y anécdotas” y “Gentes y cosas de Lena. Antigüedades y gentes de la Pola”. Ye una obra qu'acaba mal: muerren los mocinos, pero yera necesario cuntala, porque (Burgos, de nuevu) “…nunca tenemos d'escaecer a quien semaron coles sos vides una planta qu'entá crez amodo y qu'inevitablemente va acabar dando los frutos de la Llibertá y la Xusticia”.

Yo toi seguro de que Germán nun va ser Premiu Nobel de Lliteratura, nin aceptaría (¡faltaría más, él, básicu soporte del Atenéu Re-pu-bli-ca-nu!) el Príncipe d'Asturies, pero escribió una hestoria de xente común, nada d'aquella hestoria “na bella Verona…dos families, iguales una y otra n'abolengu…”, sinón un amor proletario, de los nuesos, víctima de quien quixeron escastar el pensamientu.