Actividaes pa esta semana

  

Esta semana, vien mui cargá nel Centru Social Autoxestionau La Semiente.

El Miercoles 22, retorna el Cine-Forum, tras un tiempu de impás necesariu, y fadralo camudando el su horariu escepcionalmente, a les 19:00. Tras esta vuelta, los ciclos de cine, volverán a la hora habitual de les 20:00, colo meyor del cine internacional e internacionalista, en VOS y con un pequeñu debate entre los asistentes al fín de la proyeición.

Pa continuar, el Xueves 23 a les 20:00, vamos tener a les compañeres del centru social collaciu n'Uvieu, Cambalache, que nos van presentar el segundu numberu de la revista feminista "La Madeja", col su posterior debate sobre la problematica de les muyeres y dalguna cosa más.

Pa finar esta semana d'actividaes, el Vienres 24, tendremos xorná doble na Semiente. A les 18 30 ta convocá una nueva reunión del "Grupu de Consumu de La Semiente", na que se seguirá perfilando tanto el su funcionamientu, como los pedidos, y/o otres coses. Esti grupu nun ta pa ná cerrau, así que, les persones interesaes tan a tiempu de pasase poles reuniones.

Pa empezar el fin de semana con buen pié, el mismu Vienres a les 21:30, va pasar pola Semiente "Benito El Yerbatu", que vien dende Bimenes col su espectaculu "Xuglará" pa llenar La Semiente de cantares y cuentos tradicionales, que de xuru nos llevarán a otra época pa aprender más sobre'l presente.

Esti martes día 21 de Febreru celebrábase a nivel internacional el DIA DE LA LLINGUA MATERNA. Con esi cuentu, La Semiente mandó una carta a les asociaciones del conceyu Samartín del Rei Aurelio afalagandoles a respetar, difundir y fomentar la nuestra llingua materna nel día a día del desenvolmimientu de les sos actividaes. Y sobre too a polo menos, a respetar la toponimia tradiconal de los llugares, que nel conceyu Samartín tá ya aprobá dende febro del 2008. Recomendando tamién que tienen a disposición la ficina de Normalización Llingúistica del Ayuntamientu de samartín del rei Aurelio a la disposición de toles asociaciones, vecinos/es en xeneral y colectivos.

La Semiente tamién quier animar a tola xente a participar na concentración de paraes y paraos del la cuenca'l Nalón, que va faese esti xueves a les 18:00h delantre l'ayuntamientu Samartín del rei Aurelio coincidiendo col plenu.

Por ultimo, dende La Semiente, queremos mostrar la nuesa repulsa a la violencia exercía poles fuerzes de inseguridá del gobiernu Español, frente a les protestes estudiantiles en Valencia de guah.es que nun puen disfrutar d'una enseñanza en condiciones, polos continuos recortes de unos y otros gobiernos, atopandose con escueles y institutos ensin lluz o calefación pa afrontar el duru inviernu.

Febreru na Semiente

Segundu mes del añu, y equí tan les actividaes que proponemos dende'l Centru Social Autoxestinau "La Semiente".

Esti mes, vamos dedicalu al feminismu, con una charra a cargu de Rosario Hernandez Catalán "Charo" el Cueves 16, que vulve a acompañanos, xunto coles compañeres de Cambalache, que el Xueves 24 presentarán un nuevu numeru de la revista feminista "La Madeja".
Además, el ciclu de cine, vuelve a La Semiente, tras el parón,  y el Grupu de Consumu, va palantre, y a finales de mes, fadrá otra reunión pa seguir consolidandose.
Por ultimu pa cerrar visitanos Benito, dende el conceyu de Bimenes, que nos mostrará el su espectaculu "Xuglará".

Recordamosbos que'l Centru Social, ta abiertu Miercoles y Xueves a partir de les 5 30, y que teneis a la vuestra disposición una biblioteca llibre y gratuita.

Un Saludu Semienter@s!

"Cachos de Timba". Vidios de la Gran Timba Poetika de La Semiente.

El 27 de xineru La Semiente enllenábase de poétes, cantautores, músicos y amigues na Gran Timba Poetika. Munches gracies a toes por una gran nueche!! Dexámovos con unos cachinos de la timba realizaos por El Pisu Records (http://www.elpisurecords.tk/).

Equi tá:
http://www.youtube.com/playlist?list=PL67AA577B9CD20AAB

Nun ye una crisis, ye una estafa!

 Mañana 9 de Xineru, na Plaza l'Humedal de Xixón, a les 19:30, tendrá llugar esta manifestación del cartel, convocá además de pola CSI, tamién tarán la CGT y SUATEA, toos ellos sindicatos que apuesten pola llucha y la confrontación, en vez de p la baxá de pantalones y la "negociación"

Dende La Semiente, diremos a esta manifestación a titulu individual, non porque nun tengamos ná que decir como colectivu, si non, porque creemos que lo importante ye que seamos muchos, y que se vea que na cai, sigue habiendo rempuesta a los ataques del capital.

Va mas de tres años, que nos contaron esti cuentu de la crisis, na que tamos pagando tolos platos rotos les clases obreres y populares, col paru, los recortes, les reformes esclavistes de los distintos gobiernos.

Mientres, continuen les ayudes a los bancos y grandes empreses, pa que unos pocos sigan enriqueciendose a la nuesa costa.

Nun lo podemos permitir, por eso encamendamosbos a toos, a dir el Xueves a Xixón, y mostrar el nuesu cabreo, con una respuesta contundente y multitudinaria, porque l'unicu camín ye la llucha y la movilización.

"ESTA CRISIS, NUN LA PAGAMOS"

Gon, la meyor de les sonrises.

Ye dificil empezar un testu pa falar d'esos golpes duros que dá la vida, nun se sabe per onde garralo y ye que nun ye facil. Pero queriemos desde esti requexu que La Semiente tien na rede, contribuir a recordar la presencia de Gonzaga nes nuestres vides.Toles persones somos esenciales y especiales na vida de la xente que nos arrodia y Gonzaga yera d'esos, de los que más. Y queda claro estos dies, porque allá per onde pasó dexó un buen sabor, dexó una actitud vital desbordante y y una forma de ver la vida especial. Son munches les amigues y amigos que dende Asturies a Ponferrada dende Madrid a Mallorca lo ven así.
Gon yera el responsable del cine-forum de La Semiente. Ye'l responsable de que munchos veamos el cine con otros güeyos, ye'l responsable de descubrinos vieyes y nueves xoyes del cine. Ye'l responsable de que falemos de los pequeños y grandes detalles qu'una pelicula o simplemente una escena encierren. Y ye que currábaselo, preocupábase non solo de poner una pelicula, sino d'enmarcanos nel contestu hestoricu y social d'aquello que diva compartir con nós. Disfrutaba compartiendo una de les sos grandes pasiones, el CINE. Yera un gran amante del cine, de la música..., facia filigranes con una cámara fotos y maravilles con un movil, y ye que desbordaba creatividá per tolos astiales.
Si algo yera especial nel nuestru amigu yera la so sonrisa, la so actitú, el so culu inquietu, la so enerxia, la so actividá... Too éso ye la so semiente, la semiente que dexó en toes y ca una de nosotres y nosotros, esa semiente que tien que siguir xerminando, biltando y medrando dientro de nós.
Queremos que la su sonrisa tea siempre activa nel presente y nel dia a dia de toes y de toes. Nun hai meyor semiente qu'esa, asina que ye cuestión nuestra siguir regándola tolos dies un poco.



Dende La Semiente queremos compartir un abrazu multitudinariu con Vero, con Pinchu, con Elia, con Yon, con Mario, con Elia (Madre) con Mario (Padre), con tola so familia y con toles sos amigues y amigos.
Un dia d'estos brindaremos por él con una buena cerveza Caleya na mano. 
Salú!

Xineru - "Consumu cuidau"

 Equí ta la nueva programación pa esti primer mes del 2012.

Tras les fiestes del pasau mes, somos munchos los que renegamos d'esa fiebre consumista que practicamente imponennos, agora dicen que vien la cuesta Xineru, y que hai que amarrase'l cinturón, en fín...

Esta ye una de les causes de la temática d'esti mes, el consumu xustu y la alimentación saludable y respetuosa.

Y ye que nesti centru social, ta viltiendo una nueva semiente, que ye la de formar un grupu de consumu, pa intentar nun caer nesta trampa'l sistema y ser más respetuosos con lo que mercamos, tanto con los que nos lo venden, como pa nosotros y les nueses families, como pa la humanidá en xeneral (obreros explotaos, exterminiu de les actividaes de subsistencia clasiques d'algunos pueblos, ...)

Así con estes charres queremos que la xente que pueda tar interesao (incluios nosotros), se informe sobre les alternatives, el porqué del consusmu xustu, etc.

Pero nel Centru Social "La Semiente", nun nos queremos cerrar a un solu tema, así seguiremos col ciclu de cine, los Miercoles que nun haya otres actividaes y tamién esti mes tará disponible pa güeyar la esposición de Fotoperiodismu Internacional del periodicu Diagonal. Como ya sabeis, los horarios de apertura del Centru son en principiu los Miercoles y los Xueves a partir de les 17:30.

Como broche final a esti invernal mes, el Vienres día 27, vamos tener la segunda nueche de Poesía y micru abiertu en la Semiente cola "Gran Timba Poética del Inviernu", na que vamos contar con más artistes que la otra vez, tanto los/les ya habituales de les timbes, como otros/otres del ámbitu llocal, y un micru abiertu, por si alguien más s'anima.

Equí vos esperamos!

LA SEMIENTE "Semando güei, Pa tener un mañana"

Stop Deshaucios! Cronica y proximes actividaes.

   Bones xente, cambiemos d'añu, pero siguen los mesmos problemes y continuen les nueses ganes de lluchar a la escontra d'ellos.


La ultima actividá del añu fue'l partiu escontra los deshaucios de dos familes vecines de San Martín, en concretu de L'Entregu.
Ante ésto la asociación ACUDE Corbero organizó un torneu colos equipos rexonales del conceyu pa sacar unes perres que aunque nun van solucionar tolos sos problemes, van ayudayos nesta dificil situación.

Dende La Semiente desplegamos una pancarta y acudimos solidariamente con esta xente, ya que güei son ellos, pero mañana podemos ser cualquiera de nosotros, a los que el banco faiga pagar una deuda escandalosa que lu afuegue incluso dexandolu na calle, sin un techu pa dormir o cobixar a la so familia.
El torneu ganolu el CD San Martín, pero esta vegá nun fue lo más importante el resultau, y ye que la recaudación fue de 1000 euros, lo que demuestra la solidaridá existente, lo cual paeznos EXEMPLAR.

Además vamos collaborar cola xente del Corbero nuna gala benéfica, pa recaudar más fondos el Vienres 13 de Xineru nel Teatru de L'Entregu, a la que vos animamos a acudir, pa seguir ayudando, nesti casu con muchos artistes del conceyu, que desinteresamente tamién quieren collaborar.
Por último p'acabar el mes, nel Centru Social Autoxestionau La Semiente, fadremos un comedor popular mui especial.


En unos dies, colgamos los carteles cola nuesa programación de Xineru y el cartel de la Gala, mientres tanto podeis echar una güeyá a la foto na que sale la pancarta de La Semiente en la Voz de Asturies del otru día:

http://www.lavozdeasturias.es/asturias/cuencas/pelotazo-solidario_0_619138118.html#.Tv7aaI4rbRg.facebook

Ñacimos y entamemos en 2011, pero en 2012 nun vamos dexar de medrar.
CSA LA SEMIENTE

Contactu: Mail: lasemiente@hotmail.com
        Facebook La Semiente
        Direción: C/Eladio García Jove Nº6