viernes, 18 de mayo de 2012

Apoyu IES Albarracín y Encuentru Autoxestión

Güei cumplense 10 díes d'encierru nel Institutu d'Enseñanza Secundaria "Albarracín", na sierra del mismu nome cerca Teruel.
La noticia llegó a nos, porque nesi encierru tenemos al nuesu collaciu, compañeru de La Semiente y argullosu entreguín, Xandru.
El y les sus compañeres y compañeros, cola ayuda de l@s alumn@s y los sos familiares, tan encerraos pa reivindicar la enseñanza pública, pa plantar cara a los recortes y p'asegurar que'l futuru de la zona, nun s'apague pola falta d'educación de los sos habitantes.

Dende'l so blog, podeis ver la gran llabor que tan faciendo. http://encierroiesalbarracin.blogspot.com.es/

Tola nuesa fuerza pa Xandru y los demás. Tola Solidaridá dende los y les vues@s compañer@s de La Semiente.



Por otru llau, ya aquí n'Asturies, esti Sabadu dalgún miembru de La Semiente vamos asistir a unes Xornaes de Alcuentru ente espacios Autoxestionaos, que se van cellebrar nel CSOA La Madreña (Cai General Elorza, Uvieu), xunto a xente de La Tabacalera de Lavapies y del Patio Maravillas de Malasaña, además de con otr@s compañer@s de la autoxestión asturiana.
Dende La Semiente, vemos mui productives estes xornaes entamaes pola xente de La Madreña y del Grupu d'Urbanismu del 15M d'Uvieu, pa intercambiar opiniones y esperiencies, sobre maneres d'autoxestionase y de facer actividaes y espacios donde lo social y lo cultural, seya rutina.

Ehí teneis el cartel, pa los que querrais pasabos.

En breves, nueves noticies y actividaes dende L'Entregu y La Semiente.

Un saludu, un abrazu y ná de quedase paraos/es!

miércoles, 9 de mayo de 2012

Guillermo Rendueles en La Semiente. Y otres coses...



Esti xueves día 10, el Centru Social La Semiente sigue coles sos actividaes de Mayu con una interesante conferencia col títulu de "Servidume Neomoderna y Psiquiatrizacion". La conferencia va correr a cargu del conocíu psiquiatra y ensayista Guillermo Rendueles Olmedo.  (Info en http://es.wikipedia.org/wiki/Guillermo_Rendueles  )  . Va empecipiar a les 20:00h nel mesmu C.S. La Semiente de L'Entregu (/Eladio Jove nº6) y espérase xente abondo y espectación como en toles charres de Guillermo Rendules.





Per otru llau, el vienres día 11 a les 21:00h, nel mesmu centru social, va haber un conciertu acústicu de Silvidos y Gemidos, formación encabezada poles hermanes Silvia y Xema Fernandez, conocíes artistes de la escena múscical asturiana por formar parte tambíen d'otres formaciones músicales como Delagua, GPS, Asturiana Mining Company (conla que van partir al otru día a representar la música de Asturies en Lisboa), Perro Blanco Blues... Con elles podráse esfrutar de bona música y bon ambiente la nueche del vienres. Como toles actividaes que se fain en La Semiente, ye llibre y gratuita.

viernes, 4 de mayo de 2012

II XUNTANZA MALABAR L'ENTREGU

 Esti Sabado, neñes y neños, mozos y mozes, paisanos y paisanes, el Circu va inundar el nuesu pueblin cola su maxia.



A partir de les 10 de la mañana y hasta les 22 de la noche, esperemos que en el Parque la Llaguna (si lloviera, sería en el CP El Bosquín), va cellebrase por segundu añu consecutivu el únicu encuentru de malabaristas y circu nel presente n'Asturies. Organizau pola Compañia de Circu "El Ñeru los Corios" y la Asociación "Circo en la Luna", van celebrase muches actividaes pa toos y toes les edaes. Dende'l Centru Social La Semiente a parte de colaborar de distintes maneres, prestanos abondo esti tipu de eventos nel nuesu conceyu y más cuando tan organizaos con xente d'equí, que quier da-y vidilla a esti pozu, que a veces vemos tan prietu.
Les actividaes programaes son les siguiente:

10:30 - 12:30 h. Talleres abiertos. Diábolu, equilibrios, danza... y lo que cuadre.
11:00 - 12:30 h. Talleres d'ellaboración de pelotes a cargu del C.S. La Semiente (L´Entregu). Esta actividá va empobinada a los mas pqeueños y les families.
11:00 - 12:30 h.Talleres d'ellaboración de maces a cargu de la A.X. Esperteyu (La Pola Siero).
13:00 h Espectáculu “Le Triska Inmóbile”.A cargu de Isla Letriska (Galicia)
Sesión vermú colos grupos: Delagua y Perro Blanco Blues (Uviéu)
14:30 h. Xinta compartida. 
Ca´un/a trai dalgo de comer y compartiremos con tola xente que quiera participar.

...pela tarde...

16:00 h. Tornéu Voley Maza.
17:00 h. Olimpiada Malabar. Presentada por:
Circo en la Luna (L´Entregu) y Medrando (La Pola Siero).
19:00 h. Gran gala del circu na cai. Presentada por:
 Teatroncho (Uviéu).

...pela nueche...

21:00 h. Nueche de fueu y percusión.
Batucada Matu Na Caí (Asturies).
Batucada Asociación Rey Aurelio (L´Entregu).
22:00 h. Recoyida, llimpieza y pieslle...