Semando Voi, Semando vengo

  Bueno aquí seguimos, onde tabamos y con más ganes que nunca de llegar a toos/es y que esta Semiente tire p'arriba con muchu entusiasmu ya ilusión pol cambiu. Equí teneis el video que presentamos el Vienres durante l'aniversariu, pa que les y los que nun pudisteis asistir a la cellebración, podaís disfrutalu como lu fizimos los allí presentes.

 Per otru llau esta semana nun para l'actividá nel centru social, y güei Martes, el sindicatu CNT va facer una charra a les 20h sobre los "Orígenes y evolución del 1º de Mayo", a cargu de Héctor Augusto del sindicato de oficios varios de Gijón. Esta charra enmarcase dientro los actos pol 1º de Mayo del sindicatu n'Asturies, que culminaran con un mitin esi mismu día a les 12 en La Felguera y una ofrenda florar a les 18 en Candás.

Y pa finar el mes, y con Mayu Pitayu a la vuelta la esquina, esti Xueves 26 d'Abril a les 20h, organizamos dende la Semiente una charra informativa sobre la nueva Reforma Llaboral impuesta pol Gobiernu Español nesti caberu añu, que va impartir la abogá Alba García Torres.

 Pa tolos obreros del mundiu (pero principalmente los de la alrodiá), pasar pola Semiente, tomes algo y además conoces quien te manexa y te somete, pero tamién lo que somos y podemos facer por cambialo.

PUXA'L 1º DE MAYU!

Cumplimos un añu. El primeru de muchos

 A finales del mes d'abril del 2011, entamabamos esti suañu pa muchos y una necesidá pa otros.

 Abría les sos puertes el Centru Social Autoxestionau La Semiente, y dende entos, nun tuvimos solos, muchos fuisteis los que nos visitasteis, nos propusisteis, nos criticasteis de manera constructiva y nos mostrasteis vuestros conocimientos o el vuesu arte.

 Tamién sentimonos orgullosos porque conseguimos facer muches actividaes na cai, en la que mucha otra xente sorprendiose de que tovía queda dalguien nestes zones con ganes de facer coses pa toos y pa toes.

 Por eso esti Vienres 20 d'abril vamos celebralo a la nuesa manera.
 A eso de les 18 30 nel parque La Llaguna (si la lluvia nos da una tregua, sino, la actividá pasará a facese nel centru social) visitanos la compañía "Pim Pam Titeres", que van mostrar tanto a los mayores, pero sobre too a los neños el so espectaculu "Entre Juegos anda el Miedo". Esta representación vién de les ganes de recuperar aquelles actuaciones d'antañu que recorrien les folixes de los pueblos pal disfrutes de los y les guahes del conceyu.

Pa seguir, y ya centrao en los más grandes, vamos entamar la nueche d'aniversariu con una folixa nel nuestru local, que va entamar alrodiu les 21 la noche y na que tais convidaos a un pincheu. Tras fartanos un poco y garrar fuerzes, vamos proyectar un nuevu vidio que fizimos, pa conmemorar esti añu d'esistencia.
Como culminación d'esta folixa l'escenariu abrirase pa toos y toes los artistas que quieran deleitanos con musica, poesia, relatos o monologos.

Noticies Semienteres

 Como sabeis esta semana na Semiente, celebramos el nuesu primer añu.Ya tenemos el cartelu y les actividaes que vamos facer pa celebralo esti Vienres (información que teneis nel nuesu perfil de facebook)

 Pero tenemos otres coses que contabos primero, y ye que güei 18 y mañana 19 d'Abril, va visitanos Axel Rudin, Chamán y Maestru espiritual d'orixen suecu que nos va a descubrir la "Sanación, Autosanación y Transformación planetaria", en una charra de doble sesión, que va celebrase nel Centru Social a partir de les 8 la tarde, ambos díes.

  Por otru llau y como veis na foto, tenemos entraes pa vender ante la cellebración de dos conciertos n'Asturies, concretamente en Xixón el prosimu fin de semana. Decibos que en ambos casos, el Centru Social La Semiente, ye l'unicu sitiu na Cuenca'l Nalón onde vais poder mercar estes entraes anticipaes.

Primero el Vienres 27 vuelven a visitanos los italianos Talco, col su ska-punk patchanka en la ya so habitual xira pol estau español, na que tarán acompañaos pol grupu italo-catalan La Maquina. El conciertu entamará a les 20:30 na sala Albeniz, a un preciu de 10 euros anticipá y 12 na puerta.

Pa rematar la xugá al día siguiente sabadu 28 d'abril, nel Parque Inglés xixonés, y a partir de les 19:30 va facese como dende fae 24 años el Conciertu pola Oficialidá del Asturianu, nel que un tropel d'artistes del país van deleitanos coles sus piezes, y donde una vez más, vamos poder glayar pol respetu a la nuesa llingua. Les entraes tienen un coste de 8 euros anticipá y 10 na puerta.

Mañana volvemos a contabos más cosines, andar soyertes...

En Primavera, seguimos en flor.

Tras el descansu llaboral de munchos, los viaxes o la resinación por nun poder disfrutar de les “ansiaes vacaciones” por otros, la actividad nel Centru Social LA SEMIENTE nun cesa.

En primer llugar cola continuación de la “Semana Atea” organizá polos colectivos anarquistes Grisu y Orbayu y que cuenta cola esposición “Viñetes atees: l'ateísmo nel arte gráficu”, además de cola proyección del documental “Rocio”, de Fernando Ruiz Vergara el miércoles 11 a las 20 hores.

Nesta obra de cine documental recuéyese'l testimoniu de vecinos d'Almonte; a traviés d'ellos podemos esclariar un poco más si cabe quiénes fueron los responsables de la represión desatada a partir de 1936 na zona na que se cellebra la popular "romería" onubense que-y da nome a la cinta.  .

Pa seguir cola “rutina” de los Xueves y sus charres, el día 12 a les 20h, falaremos sobre la “Estratexa Universidá 2015”, en la que algun@s estudiantes miembros de las lexitimes asamblees de la Universidá d'Uvieu, darannos la so visión sobre la continuación del Plan Boloña en la UE, así como de la organización estudiantil na nosa Universidá y las movilizaciones a la vista tanto nel estau español, como n'Asturies con la recien estraná campaña del #yomemuevo / #yomuevome.

 Ya sabeis que'l Centru Social ta abiertu los Miercoles y los Xueves a partir de les 17:30 y hasta que terminen les actividaes con una biblioteca llibre y gratuita a la vuesa disposición.

Abril güeveril.

¡¡El día 20 cellebramos el primer añu del CS La Semiente!! Informaremos de la fiesta d'aniversariu nel nuesu blog, pero adelantámosvos que vamos tener música, títeres, xuegos... ¡¡Pa toles edaes!!

www.lasemiente.blogspot.com 

De secute, informámosvos de la cellebración d'una "Semana atea" na que veremos proyeiciones, charres, esposiciones... del 4 al 11 d'abril, too ello nel nuesu llocal de la Cai Eladio Jove. Esta "Semana Atea" abriráse con una esposición que va durar los siete díes de programación atea; del 4 al 11 d'abril podremos ver "Viñetes atees: l'ateísmu nel arte gráficu", del Coleutivu Grisú. D'otra, también esti miércoles 4 a les 20 hores podremos disfrutar nel llocal de la Proyeición "Jesús Camp: soldaos de dios" pesllando la selmana temática col documental  "Rocío" de Fernando Ruiz Vergara el miércoles 11 a las 20 hores; nesta obra de cine documental recuéyese'l testimoniu de vecinos d'Almonte; a traviés d'ellos podemos esclariar un poco más si cabe quiénes fueron los responsables de la represión desatada a partir de 1936 na zona na que se cellebra la popular "romería" onubense que-y da nome a la cinta. 

El xueves 12 d'abril tamién a les 20 hores tendremos la charra "Estratexa Universidá 2015", na que los "Asamblearios de la Universidá d'Uviéu" van contanos la so visión de la deriva llegal, económica, política... universitaria que les alministraciones educatives nos tienen preparada pa que culmine a la fin del prósimu trieniu; too ello ta xustificao cola ratificación y robla del Tratáu de Bolonia, enmarcao na "Carta Magna" ratificada pol estáu español en Bolonia nel añu '88. 

El sábadu 14, pa seguir el mes con un poquiñín d'ambiente nel nuesu Centru Social, a las 19:30 el grupu de música "Rix" presentarános el so nuevu discu "Utopía". Esti grupu fai música enmarcada nel rock-fusión con distintos estilos y con acompañamientu de lletres crítiques e incontestables; ésta ye la principal mateiral prima d'esta banda encabezada pol escritor Miguel Rix, que basa cada discu nuna novela de so. 

El 18 y 19 d'abril, el "chamán" Ánxel Rubín darános un par de conferencies a les 20 hores; el primer día falaranos sobre "Curaciones enerxétiques" pasando a falanos de "Sanaciones espirituales" el xueves, amosándonos una manera d'entender los procesos curativos perdiferente a la que tamos avezaos nel mundu de la melecina convencional. 

Pa finar el mes, la abogada Alba García Torres va ufrinos la so particular visión de la última reforma llaboral el xueves 26 a les 20 hores. 

Dende'l Centru Social La Semiente, queremos seguir invitando a tolxs vecinxs de L'Entregu y del valle a toes aquelles actividades que venimos cellebrando, asina como a facer tou tipu de propuestes, ufiertes...

Informar tamién que tamos preparando la II Xuntanza Malabar y que l'exe temáticu del ciclu de cine mensual que se fae los miércoles a les 20 hores ye'l CIRCU nesti mes d'abril.

PD. Axuntámosvos cartel de la programación del mes d'abril. El llocal ta abiertu los miércoles y xueves dende les 17:30 hores.